hósdagur 16. januar 2020síða 24

FRÍGGJADAGUR 17. JANUAR 2020 SOSIALURIN 7 24 VILMUND JACOBSEN T ey smáu plássini í Føroyum eru av og á í fokus, og soleiðis var eisini mikudagin í hesi vikuni, tá KvF hevði eina sending um útoyggjar og smápláss, har fólkatalið minkar. Við í sendingini vóru eitt nú Helgi Abrahamsen, lands­stýris­ maður í útoyggja­málum og Jørgen Niclasen, lands­stýris­ maður í fíggjarmálum. Millum tey, sum halda, at politiski viljin at fremja átøk er lítil - fyri ikki at siga eingin - er Sjúrð­ur Jacobsen, sum er gingin ímóti rákinum og er fluttur úr høvuðsstaðarøkinum og út til Svínoyar at búgva. Sjúrður Jacobsen hevur drúgvar royndir í vinnulívi, bæði her heima í Føroyum og uttan­lands, og í Svínoy hevur hann saman við góðum kreftum lagt lunnar undir aling av rognkelsum sum reinsifiski til føroysku alivinnuna, ið dregist við lúsaplágu. Heimastýri til Svínoy Eftir at hava hoyrt sendingina í KvF mikudagin, setti hann seg ikki sørt fortørnaður við telduna og skrivaði ein sonevndan status á sína Facebook-síðu: - Nú hoyri eg enn einaferð Útvarpið tosa um, hvørjir møgu­ leikar eru at menna útoyggj­ar­ nar. Møguleikarnir eru nógvir, men politiski viljin at leggja nakrar karmar er slettis ikki til steðar. Hettar er ikki grenj, men fakta.  Soleiðis orðar maðurin seg, sum hevur skapt vinnu í Svínoy, og hann heldur fram: - Tað er bara at hyggja yvir til Noregs. Har býr fólk allastaðni - í útjaðaranum og á oyggjum. Tey leggja karmarnar politiskt, soleiðis at tað ber til at trívast har. Hetta hava tey gjørt í nógv, nógv ár - og langt áðrenn nakran oljupening, sum hann tekur til. Sjúrður Jacobsen leggur aftr­ at, at fyri Svínoynna sær hann tveir møguleikar. - Antin taka politikararnir seg um reiggj og skapa nakrar veru­ ligar karmar fyri oynna, ella fáa vit okkum eitt stýri av einum ella øðrum slag sjálvi - eitt stýri, sum kann smíða mennandi lógir og reglur. Hann heldur fyri, at tá eingin politikari vísir oynni áhuga, heldur hann ikki, at nakar kann hava nakað ímóti at geva Svín­ oynni eitt heimastýri. - Tá Helgi Abrahamsen sigur, at tað er gongdin víða um, at fólk flyta av smáplássum og mið­ savna seg á størru pláss­un­um, so er tað ikki nakað nýtt. Tað er ikki hetta, sum tað heila snýr seg um. Tað er lættasta sak av verðini at sentralisera eitt samfelag, tí tað hendir av sær sjálvum, um eingi verulig átøk verða framd. Men, eg haldi ikki, at ein slík gongd er burðardygg. Eftir mínum tykki eiga vit í mest møguligan mun at lata samfelagið aftur til okkara eftirkomarar í sama standi, sum vit fingu tað, sigur Sjúrður Jacobsen. Alt verður negativt Hann viðgongur, at slíkar út­ sagn­ir, sum tær, ið lands­stýris­ maðurin legði fyri dagin, skapa eina ávísa øsing í hansara sinni. - Tað er nógv, sum ber til, tó at politikarar ofta vilja vera við, at einki ber til. Tá tey í sínum út­ gangsstøði hava henda hugburð allan vegin í gjøgnum, verður alt bara negativt. Hann heldur, at størsti trupul­leikin í slíkum føri ofta er, at politikarar sjálvir ongar royndir hava gjørt sær. - Tú kennur typurnar, sum vilja vera við, at einki ber til í hesi verð, men tað er bara ikki rætt, tí tað er nevniliga nógv, sum ber til. Tað er bara at síggja møgu­leikarnar. Men, tað er tann politiski myndugleikin, sum situr við bukt og báðum endum, ið má skapa fyritreytir - Hevði eg lív og heilsu og slapp at skipa viðurskiftini øðrvísi, kundu 100 fólk búð í Svínoy um 15 ár. Tað ræður um at skaffa kapital, og kapitalur er soleiðis, at hann trívist, har hann hevur tað gott. Tað er eingin sum helst framdrift at hóma hjá okkara politisku myndugleikum, tá ræður um útoyggjarnar, staðfestir Sjúrður Jacobsen, sum nú alir rognkelsi í Svínoy - Politikarar kunnu snakka um undirsjóvartunnil ella rennistrong til Svínoyar, men øll vita, at tað kemur ongantíð. So leingi, sum tosað verður um slíkt, hendir einki, og tað vita myndugleikarnir eisini, sigur Sjúrður Jacobsen, sum nú alir rognkelsi í Svínoy TAÐ ER IKKI BURÐAR­ TAÐ ER IKKI BURÐAR­ DYGT DYGT AT LATA AT LATA ÚTOYGGJAR DOYGGJA ÚTOYGGJAR DOYGGJA