hósdagur 16. januar 2020síða 25

FRÍGGJADAGUR 17. JANUAR 2020 SOSIALURIN 7 25 og karmar, men her er alt steindeytt, leggur Sjúrður Jacobsen aftrat. Fólk býr allastaðni Í samband við fyrireikingarnar til verkætlanina at ala rognkelsi í Svínoy, gjørdu teir ein túr upp gjøgnum Noreg, har teir byrjaðu har suðuri í landinum og koyrdu allan vegin upp til Lofoten. - Eg havi verið nokso nógv í Noregi, og eg havi eisini arbeitt har. Tað, sum eg serliga hefti meg við á júst hesum túrinum, var, at fólk býr allastaðni upp eftir næstan óendaligu langu strondini og djúpu firðunum í Noregi. Sjálvur havi eg eisini ein vin­mann í Båtsfjørðinum heilt har norðuri í landinum. Sjúrður Jacobsen vísir á, at har norðuri eru skipanir gald­ andi, sum eru øðrvísi og meira attraktivar - fyri bæði fólk og vinnu­lív - enn tær generellu skipan­inar í Noregi annars eru. - Í tí stóra og heila snýr tað nógva seg um krónur og oyru, og hetta verður gjørt fyri at eggja fólki til at búseta seg og virka í øki­num. Í Noregi er politiskur vilji til at gera nakað, og tað sæst týði­liga á einari slíkari ferð har norðuri í landinum, at hetta hevur givið úrslit. Hann vísir á, at Føroyar eru so smáar í mun til velduga stóra norska meginlandið, at tað bæði er synd og skomm, heldur hann, at vit ikki skulu duga betur at fáa fólk at støðast á útoyggj og á smáu plássunum annars. - Henda gongd, at oyggjar og smápláss í Føroyum gerast alsamt fámentari, samstundis sum eingi verulig politisk átøk verða sett í verk, sum kunnu gera nakran mun, er ikki nýggj. Sjúrður Jacobsen staðfestir, at hetta hevur verið gongdin seinastu fimmti árini ella so. Tað skal meira til Nú so nógv fokus er á Føroyar sum ferðamannaland, vístu báð­ ir landsstýrismenninir, Helgi Abra­hamsen og Jørgen Niclasen, í sendingini í KvF eisini á hesa veks­andi vinnu, sum kanska ser­liga merkist í útjaðaranum í Føroyum. - Einki ringt um hetta. Men, álvaratos - er tað nøkur framtíð fyri okkara útoyggjar og smáu bygd­ir kring landið at vísa fram nakrar seyðir og tóm sethús? spyr Sjúrður Jacobsen, sum heldur, at tað skal eitt sindur meira til enn hetta at geva lívi­ num á smáu plássunum eitt inni­hald. Síðan hann flutti út til Svín­ oyar at búgva, er eisini gongd komin á alingina av rogn­kelsum. - Longu nú eru eini 5-6 fólk knýtt at virkseminum, og eg vænti, at brúk verður fyri 8-10 fólkum seinni í ár, tá virksemið verður størri. Talan er um miljónaíløgur, og vit fara at økja virksemið á alistøðini so líðandi. Sjúrður Jacobsen vísir á, at í alingini í Svínoy verður dentur lagdur á, at alt skal gerast for­ svar­liga, bæði lívfrøðiliga og tekn­iskt. - Aliroyndir av rognkelsum á royndarstigi eru gjørdar í Nes­ vík, og nú verður so bygt víðari á tær royndirnar í Svínoy. Vit hava bæði tikið fisk og hava avskipað, og fiskurin er farin av oynni í góðkendum tanga, sum Ritan hevur tikið við sær, sigur hann. Svínoy stórt uppland Svínoyggin er nógv størri, enn mong duga at ímynda sær. Øll, sum búgva í mið­staðar­ økinum, síggja dagliga út á Nóls­ oynna, men tað eru ikki øll, sum vita - og enn minni vilja trúgva - at Svínoyggin í ferkilometrum er næstan tríggjar ferðir so stór sum Nólsoyggin. Svínoy hevur tvær lendingar, harav lendingin á Víkini liggur út til opið hav, meðan lendingin á Eiðinum - ella Yviri í Havn, tey rópa - er kyrrupláss burtur av, tí hon liggur inn móti Svínoy­ar­ firði. - Politikarar kunnu snakka um undirsjóvartunnil ella renni­strong til Svínoyar, men øll vita, at tað kemur ongantíð. So leingi, sum tosað verður um slíkt, hendir einki, og tað vita myndug­leikarnir eisini. Sjúrður Jacobsen vísir á, at ein skilagóð íløga fyri Svínoynna hevði verið ein tunnil í oynni á um­leið 1500 metrar, soleiðis at lend­ingin á Eiðinum gjørdist perma­nent. - Her er altíð kyrt, og hetta hevði eisini stytt siglingarleiðina í oynna munandi, leggur hann aftrat. 100 fólk um 15 ár Nú útoyggjar og smápláss minka í fólkatali, og fólk savnast í mið­staðarøkinum og á størru pláss­un­um kring landið, heldur hann, at Svínoyggin saktans kundi havt eina framtíð, um rætt verður atborið. - Nú nevndi eg í mínum status møgu­leikan at geva Svín­oynni eitt ella annað slag av heima­ stýri. Eg ivist onga løtu í, at hevði eg lív og heilsu og slapp at skipa viðurskiftini øðrvísi, kundu 100 fólk búð í Svínoy um 15 ár. Tað ræður um at skaffa kapi­tal, og kapitalur er soleiðis, at hann trívist, har hann hevur tað gott. Tað er eingin sum helst framdrift at hóma hjá okkara politisku myndugleikum, tá ræður um útoyggjar, staðfestir Sjúrður Jacobsen. Sosialurin kann leggja aftrat, at tá løgtingsval varð hildið hin 31. august í fjør, høvdu 26 fólk val­rætt í Svínoy. - Tú kennur typurnar, sum vilja vera við, at einki ber til í hesi verð, men tað er bara ikki rætt, tí tað er nevniliga nógv, sum ber til. Tað er at síggja møguleikarnar, men so sanniliga eisini at skapa fyritreytirnar, sigur Sjúrður Jacobsen