mánadagur 20. januar 2020síða 17

17 Mánadagur 6. januar 2014 · Nr. 2 Sosialurin Mánadagur 20. januar 2020 · Nr. 8 Hugskot og viðmerkingar – send sms til 225000 HONDBÓLTUR Sjúrður Hildarson Hoydal Fýra tjóðir vóru nevndar sum favorittar til EM-endaspælið, sum endar við sjálvari finaluni komandi sunnudag. Men bæði Danmark og Frakland máttu heim longu eftir innleiðandi umfarið, og mugu liva við hesi fiaskoini fram til olympisku leikirnar í summar, tá ið møguleikin verður at reisa seg aftur. Gamla Spania og unga Norra Hinir báðir favorittarnir, Spania og Norra, síggja nú ein risastóran møguleika at gerast Evropameistarar. Norra fyri fyrstu ferð og ráðandi Ev­ropa­ meistararnir úr Spania fyri aðru ferð. Tjóðirnar báðar eru ósigr­ aðar, men tað er við hvør sín­ um amboðum. Hóparnir eru sera ymiskir, har Spania er møtt við teimum góðu gomlu Aguina­galde (37), Guardiola (35), Enterrios (38), Cañellas (33) og Morros (36) kryddað við fólki í besta aldri, sum Alex Dujsh­ baev, Daniel Dujshbaev og so ser­liga málverjanum, Gonzalo Peres de Vargas. Hjá Norra er gylta ættarliðið mitt í tjúgunum, har leikarar sum Sander Sagosen, Magnus Rød, Gøran Johannesen dríva á við ungdómsligum anda, og eru millum bestu leikarar í heiminum. Elsti leikari er heims­stjørnan hjá Flensburg á vinstra vongi, Magnus Jøndal. Hann er 31 ár. Ósigraður frekur ungdómur Vònin var, at ein av heimsins bestu strikuleikarum seinastu árini, 37 ára gamli Bjarte Myr­ hol, fór at gerast til reiðar, men so var ikki. Missurin í Myrhol mundi geva serfrøðini orsøk at meta Norra lægri enn eitt nú Spania, Frakland og Danmark. Norra hevði onga miðverju var sagt. Bergerud í málinum heldur ikki støðið nóg ofta var lagt afturat. Og tað hevur kanska verið rætt í ein mun, hetta sum var sagt. Men tað ger bara einki. Frek­ leikin hjá hesum ungu hevur vigað upp fyri øllum, og málini skola inn ímóti móstøðuni. Svøríki hepnaðist við at steðga álopinum nakað, men tað vísti seg so, at hesir norsku hava funnið samstarvið uttan vanliga lið- og verjuskiparan. Spurn­ingurin er um tað kann blíva við at eydnast, men í løtu­ ni er trupult at síggja nakað annað lið enn Spania hótta. Spania hevur ikki tryggjað sær plássið í hálvfinaluni enn, men tað verður óivað í dag ímóti Hvítarusslandi – veikasta liðnum í bólkinum. Kroatia og allir spælskipararnir Kroatia hevur tryggjað sær pláss­ið, og er eisini ósigrað eins og Spania og Norra. Stóra styrkin hjá Kroatia er eisini veikleikin: Kroatia hevur tríggjar av heimsins bestu miðum. Tað er kanska ikki so løgið, at tjóðin, sum gav okkum Ivano Balic, hevur fostr­að so nógvar spælskiparar síðani, men tað mann kennast sera løgið, tá ið tríggir teir bestu leikararnir allir spæla á sama plássið, eins og Domagoj Duv­n­ jak, Luka Cindrik og Igor Kara­ cic. Tíbetur fyri Kroatia hevur tað eydnast higartil. Seinast ímóti Týsklandi, har Karacic av­gjørdi dystin í seinastu løtu. Stóri spenningurin er um, hvus­su Kroatia fer at standa seg ímóti Spania í seinasta bólka­dystinum. Bólkur 2 er víðopin. Í bólki 2 stevnir Norra ímóti hálv­finaluni, sum kann tryggjast við einum stigi afturat í tveimum teimum sein­astu dystunum, men hitt pláss­ið er serstakliga opið. Tað lá leingi til Slovenia, men tað eydnaðist Ungarn at vinna á Slovenia í gjár. Ungarn hevur dystir ímóti Svøríki og Portugal eftir, meðan Slovenia hevur Portu­gal og Norra – tað talar helst fyri Ungarn. Portugal og Ísland hava eisini framvegis møgu­leikan, men tað verður trupult. Ísland skal vinna á bæði Svøríki og Norra, samstundis, sum Ungarn og Slovenia skulu tapa sínar dystar. Skulu venja okkum við Portugal Hjá Portugal er setningurin greið­ur. Tað snýr seg um at vinna á Ungarn og vinna á Slove­nia, samstundis sum Ísland ikki greiðir sín setning. Kortini er setningurin hjá Portugal væl og virðiliga greiddur frammanundan. Portu­gal hevur longu prógvað seg sum nýggjan tungvektara í altjóða hondbólti, og næstu árini fara vit óivað at skula venja okkum við, at Portugal spælir um heiðursmerki í mans­hondbólti. sjurdur@sosialurin.fo Spania og Norra stevna ímóti EM- finaluni Bert Kroatia hevur tryggjað sær pláss í hálvfinaluni, tá ið Ítrottarsosialurin verður prentaður. Spania og Norra eru kortini stóru favorittarnir, men fleiri spennandi tjóðir hótta Bólkur 1 Dystir Málmunur Stig Spania 3 17 6 Kroatia 3 13 6 Týskland 3 0 2 Eysturríki 3 -2 2 Hvítarussland 3 -13 2 Kekkia 3 -12 0 Bólkur 2 Dystir Málmunur Stig Norra 3 16 6 Slovenia 3 4 4 Ungarn 3 0 4 Portugal 3 1 2 Ísland 3 -6 2 Svøríki 3 -15 0 Støðan í EM-høvuðsumfarinum (tvey tey fremstu í hvørjum bólki spæla hálvfinalur) Igor Karacic er ein av teimum trimum størstu stjørnunum hjá Kroatia. Allir tŕíggir spæla á sama plássi Guðjón Valur Sigurðsson og Ísland hava framvegis ein lítlan møguleika fyri at spæla hálvfinalu