hósdagur 23. januar 2020síða 25

FRÍGGJADAGUR 24. JANUAR 2020 SOSIALURIN 10 25 Skjótt byrjar várróðurin Vártíðin er ring tíð á árinum til veður, og snellubátarnir eru lutfalsliga smáir. Teir, sum gera burtur úr við snellu, siga, at tú viðhvørt noyðist at leggja eitt sindur fyri, og tú noyðist eisini at liggja klárur, tá løturar eru VILMUND JACOBSEN U m einar tríggjar vikur ella so er væntandi, at teir fyrstu bátarnir fara at royna seg við snellu norðan fyri og vestanfyri. Van­ligt er, at snellufiskiskapurin byrjar í seinnu hálvu av februar og varar til nakað út í apríl. Teir fyrstu, sum royndu seg við snellu norðan fyri í fjør, byrjaðu tíðliga, og fyrstu tíðina varð bæði nógvur og góður fiskur at fáa stutt úr landi. Tá tað leið nakað út, fekst fiskur longur úti á sjónum. Tað sermerkta í fjør var, at tað ikki bara vóru bátar við snellu, sum fingu fisk norðan fyri í vár­ tíðini. Tað fingu útróðrarbátar við línu eisini, og tað er ikki so vanligt, siga menn, sum vita um útróður at siga. Ikki bara norðanfyri Eitt annað, sum sermerkti tíðina í fjør vár, var, at fiskiskapurin í vár­tíðini var minst líka so góður vest­an fyri og syðri á havinum sum norðanfyri. Bátar bæði úr Vágum, Sand­ oynni og norðara parti av Suð­ur­ oynni fingu minst líka so nógv av snellufiski á sínum leiðum sum bátar, ið royndu norðan fyri í vár­ tíðini. Tá hugt verður eftir teimum størstu snelludøgunum í fjør vár, eru hesir ivaleyst at síggja hjá monn­um, sum fóru úr Vágum, Sand­oynni og norðara parti av Suð­uroynni. Snellufiskurin, sum fæst ta fyrstu tíðina av vertíðini, verður ofta róptur torrafiskur og síðan, tá tað líður nakað út á várið, verður sagt, at hetta er gýtingarfiskur. Torrafiskur er toskur ella hýsa - veidd í torra - og sagt verður, at hetta er feitur fiskur, bæði til livur og kropp. Blandað fiskastødd Gjarna er várfiskurin stórur, men hinvegin dámar útróðrarmonnum eisini væl, tá fiskurin er blandaður í stødd, og soleiðis var eisini í vár­ róðrinum norðan fyri í fjør, tá menn fingu fisk - heilt úr góðum 5’arum og upp í stórar 1’arar. Soleiðis, sum menn siga frá, var snellufiskurin, sum varð veiddur vestan fyri, minst líka so stórur sum fisk­urin norðanfyri. Alt eftir, hvussu tað viðr­ar í vártíðini, plaga menn, sum liggja framvið, at fáa einar 17-20 dagar við snellu. Hetta er ring tíð á ár­ in­um til veður og teir, sum gera burtur úr við snellu, siga, at tú noyðist við­hvørt at leggja eitt sind­ur fyri, og tú noyðist eis­ini at liggja klárur, tá løt­urar eru. Eitt, sum órógvar út­róðr­ar­ menn, nú útróðrarfiskur aftur er at fáa, er vandin fyri, at dagarnir í bólki 5A og 5B kunnu gerast uppi, áðr­enn 2020 verður gamalt. Í undanfarna ári var hetta ein trupulleiki, serliga hjá út­róðr­ar­ bát­um í bólki 5B. SANDOYGGIN SKAL HAVA FLEIRI LØÐISTØÐIR Í vikuni hava fólk hjá SEV verið í Sandoynni og hugt eftir, hvar nýggjar løðistøðir skulu setast upp í oynni VILMUND JACOBSEN E in løðistøð er á Sandi, men neyðugt er við nøkr­um løðistøðum aftr­at. Í nýggja sáttmálanum, sum Strand­faraskip Landsins og Bygda­leiðir hava undirskrivað við veitaran í Sandoynni, er ein el-bussur við í avtaluni. Hetta verður sostatt fyrsti el-buss­ur, sum kemur at røkja koyring fyri Bygdaleiðir í Før­ oyum. Men, ein el-bussur krevur, at løðistøðir eru, og tað er í hesum sambandi, at SEV nú hevur verið í Sandoynni og hugt eftir, hvørjir møguleikar eru. Sum er, er bara onkur ein­ stakur el-bilur í Sandoynni. Útróðrarbátar í Sandoynni gjørdu nógvar góðar túrar í fjør vár. Hesin túrurin, sum var ein av teimum frægu, varð gjørdur í seinnu hálvu av februar