mánadagur 27. januar 2020síða 18

Mánadagur 27. januar 2020 · Nr. 11 18 Sosialurin Hugskot og viðmerkingar – send sms til 225000 Sjúrður Hildarson Hoydal Spania og Kroatia spældu ein dyst ov nógv í EM-enda­spæli­ num. Tað er niðurstøðan eftir at hondbóltsheimurin var vitni til ein dyst, sum gaman í hevði spenningin um úrslitið, men har var ov lítil orka eftir. Í løtunum eftir dystin skuldi ein avráða við seg sjálvan, um EM-finalan, sum var avgjørd í seinastu løtunum, kundi fara í søguna fyri góð verjuavrik. Jú kanska, men eitt gott verjuavrik krevur eisini mót­ støðu í álopinum, og hetta fekst ikki í EM-finaluni. Liðini bæði høvdu spælt níggju dystir upp á 17 dagar. Mitt í einum kappingarárið har HONDBÓLTUR 21-20 til Spania. Hálvur annar minuttur eftir av EM-finaluni. Kroatin, sum Ítrottarsosialurin rósti til skíggja í seinasta blaði, Igor Karacic, bjóðar av fyri við sínum eyðkenda fintum - Men beinini orka ikki. Føturnir førka seg við evarska smáum fetum. Karacic fær ikki steðgað teimum. Hann kann bjarga sær við einari dribling og steðga á. Men heilin orkar ikki at steðga kroppinum. Hann ger níggju fet og hevur ikki flutt seg meira enn ein metur. Dómarin floytar, Spania fær bóltin, avger dystin til 22-20 og er Evropameistari aftur VÁNALIG VÁNALIG EM- EM- Finalan Úrslitið í EM-finaluni var spenn­andi gaman í, men hond­bóltsspælið var lítið hug­takandi. Leikararnir høvdu rætt og slætt spælt ov nógvar dystir í ov fáar dagar við ov fáum fólki. Kappingarleisturin við nógvu dystunum kemur ikki av tilvild. Hann er snikkaður til fyri at kveikja áhugan og varðveita spenningin hjá fleiri hondbóltsfjepparum um heimin. men hetta kom aftur um brekku at enda. Eftir at hálvfinalan ímill­ um Kroatia og Norra kundi hugsast at kveikt mangan hond­bóltsfjeppara, lokkaði sjálv finalan ongan yvir í hond­bóltsfamiljuna. EM- finalan eigur at vera eitt høvi at síggja bestu leikararnar í heiminum stríðast við sínum bestu eginleikum og ikki at stríðast fyri at bara halda seg á beinunum. Hond­bóltur er ikki Tour de France. Frakland og Danmark úti So stuttligt tað var at sígg­ ja Ungarn, Portugal og Ís­ land púra óvæntað senda favorittarnar heim, eins rotið var tað, at ikki sleppa at síggja fronsku og donsku stjørnurnar spíla seg út. Frakland hevur seinastu árini spælt eitt nýtt ættarlið inn, og vit væntaðu at teir 23 ára gomlu, sum føroyingar millum annað minnast aftur frá Algeria í 2017, skuldu vísa seg á størsta pallinum. Men har riggaði einki. Frakland hevði eingin hugskot tá ið á stóð, og tóktist illa fyri­ reikað ímóti Portugal. Hóast Portugal hevði skakað Frak­ land so seint sum í undan­ kapp­ingini í fjør. Danir tóktust eisini illa fyrireikaðir. Bæði Ungarn og Ísland møttu við øðrvísi – og betri – spæli enn seinastu árini, meðan danir tóktust at hugsa, at tað nokk skuldi eydnast at spæla sum í fjør. Skaðar gjørdu um seg gaman í, og danski venjarin tók fleiri ivasamar leikarar við í hópin, í vónini um at teir skuldu gerast til reiðar eftir fyrstu vikuna. Men tá var ov seint. Hópurin var ov smalur, og Danmark mátti heim. Sera stórt vónbrot fyri danir – og fyri hond­bólts­ fjepp­ar­ar, sum høvdu væntað at sæð sama ovur­ neyva álopshondbóltin sum í fjør. Skaddar stjørnur Skaðar eru altíð avgerandi til endaspøl. Høvdu Luka Cin­dric og Luka Stepancic verið fult førir í finaluni, hevði sæð betri út hjá kroat­ um. Men høvdu norðmenn ikki eisini stríðst við skaðar, hevði Norra helst staðið í finalu­ni. Norska ímyndin á striku­ ni, Bjarte Myrhol, fekk ikki spælt EM vegna sjúku. Ein onnur heimsstjørna, Kent Robin Tønnesen á høgra bakki, var aftur skaddur hesa­ferð. Tað gjørdi ikki so nógv. Magnus Gullerod og Peter Øverby vístu seg føran at lyfta arvin eftir Myr­hol, meðan Magnus Rød seinasta árið hevur yvir­ hálað Tønnesen á høgra bakki. Men 22 ára gamli høgri bakkurin gjørdist skadd­ur beint áðrenn hálv­ final­ur­nar. Norra hevði fram­vegis gott fólk á høgra bakki, men gjógvin í góðsku nið­ur til Harald Reinkind og Eivind Tangen var ov stór. Tað gjørdist eisini av­ger­ andi ímóti Kroatia, sum setti alt sítt fólk á vinstru síðuna hjá Norra. Høgra síðan var ov lítil hóttan. Tað rotnasta við EM Domagoj Duvnjak í døpurhuga. Fyri fjórðu ferð mátti hann takka fyri EM-silvurmerki Raul Entrerríos leggur einki í, at spælið í finaluni ikki var pent. Hann sleppur at lyfta EM-steypi fyri aðru ferð á rað