hósdagur 30. januar 2020síða 14

FRÍGGJADAGUR 31. JANUAR 2020 SOSIALURIN 13 14 Minningarorð um elskaða beiggja mín Kristian Justinussen, føddur 8. mars 1959 og deyður 3. november 2019 Ja, eg má siga, at tað er ein løgin kensla og kensluborin løta at skriva minningarorð um teg, góði beiggi. Ikki vardi tað meg, at tað var okkara seinasta løta, vit øll systkini vóru saman, tá okkara kæri bróður, Jógvan, bleiv 65 ár. Ein hugnaligur dagur, vit øll systkini við familju høvdu saman. At tú ikki var so væl fyri, tað merktu vit, men vit vónaðu, at tú fekk góða viðgerð, tá tú kom aftur til Namibia. Tað gleddu vit okkum til, men soleiðis skuldi tað ikki vera. Mín kæri, elskaði beiggi – tú orkaði ikki meira. Tú var meira sjúkur, enn vit ánaðu. Elskaði bróður, vit vilja takka tær fyri alt, tú var fyri meg og okkara familju. Nú ert tú komin til ein betri stað, har eingin pína og sjúka nívir meira. Nú ert tú saman við tínum foreldrum og beiggjum. Hvíl í friði, elskaði beiggi. So sáran vit sakna teg. Goymdur, men aldri gloymdur. Systir tín, Anni við familju. 6.000 harur skotnar í 2019 N ú endaspurturin er farin í gongd við inn­ savn­ing av haru­tøl­ un­um, eru 5.878 harur skrásettar at vera skotnar á 809 túrum kring landið, tað sigur Eyð­ finn Magnussen, sum hevur gjørt upp haruveiðina seinastu árini. Hetta er gott 700 harur, ella 14% fleiri, enn í 2018, tá samlaða talið var 5.136 harur, sum vórðu skotnar í 749 túrum í 281 høgum. Tað eru átta ár síðani, at farið varð undir at skráseta, hvussu nógv­ar harur verða skotnar í Før­oyum. Hesi árini hevur veiðan verið millum 3.000 og 9.000 haru hvørt árið. Í miðal hevur veiðan verið 5.800 harur. 2019 var sostatt eitt miðal ár til haru. Úrslit eru higartil skrásett frá 302 høgum, men enn mangla tøl frá nøkrum høgum. Úrslitini, sum higartil eru skrá­ sett, eru víst á kortinum niðanfyri: - Fyri teir "reyðu hagarnar" er enn einki skrásett. - Fyri hagarnar, sum eru vístir við grønum, sæst hvussu nógvar har­ur eru skrásettar í hvørjum haga. – Er fari tí enn einaferð at heita á harumenn um at skrá­seta túr­ ar­nar, sigur Eyðfinn Magnus­sen. Tølini skulu skrásetast á heima­síðuni “Haran.fo”. Eisini ber til at ringja til mín (Eyðfinn Magnus­sen) á tel 26 58 31. - brúkaranavn: hs - loyniorð: login Samlaða talið av harum, sum eru skrásettar at vera skotnar í Føroyum árini 2012 til 2018. í miðal hevur veiðan hesi átta árini verið 5.843 harur um árið. Úrslitini fyri haruveiðuna í 2019, sum higartil eru skrásett . Fyri teir "reyðu hagarnar" er enn einki skrásett. Fyri hagarnar, sum eru vístir við grønum, sæst hvussu nógvar harur eru skrásettar í hvørjum haga. Felag til gagns fyri lærugreinina føroyskt er sett á stovn B jóðað var til stovnandi aðalfund á Miðnámi á Kambsdali mikukvøldið 30/10 – 2019 klokkan 19, og inn­bjóðingin vendi sær til føroyskt­lærarar á øllum stigum, frá barnagarði til fróðskaparsetur. Stigtakarar til felagið eru Katr­in Næs, Henrietta A. Jacob­ sen,  Jastrid á Dalbø og  Óluva Klett­skarð. Á fundinum var greitt frá visjón­unum um aftur at fáa eitt virkið felag, sum kann skipa fyri fak­ligum og námsfrøðiligum til­ tøkum, og fáa kjak í lag um læru­ greinina føroyskt. Hetta er fyrsta punktið í § 2 í viðtøkunum fyri felagið, sum snýr seg um endamál felags­ins: at gagna føroyskum úr barna­garði til fróðskaparsetur. Ynski er at byggja brýr og at sam­starva í víðastu merking mill­um føroysktlærarar; at elva til sam­starv millum tey ymisku øk­ini í skúlaskipanini. Endamálsorðingini snýr seg somuleiðis um at hava samstarv við móðurmálslærarafeløg í hin­ um Norðurlondunum gjøgnum “Nord­språk”. Tað hevur stóran týdn­ing at hava vitan um mál, ment­an og tekstir hjá hvørjum øðr­ um, og um samskifti – at luta hesa vitan við sínámillum. Nordspråk hevur bæði summarskeið og heystskeið, sum lærarar í Føroyum stundum luttaka í. Og í 2021 verður summarskeiðið í Føroyum. Felagið var stovnað, og vald vórðu • Jastrid á Dalbø • Henrietta Arge Jacobsen • Christina Jensen • Óluva Klettskarð • Helena Kannuberg • Tiltakslimur er: Katrin Næs Á fyrsta fundi skipaði nevndin seg við Óluvu Klettskarð sum for­kvinnu, Jastrid á Dalbø sum næstforkvinnu, Christinu Jensen sum skrivara, Henriettu Arge Jacobsen sum kassameistara og Helenu Kannuberg nevndarlimi. Viðtøkurnar fyri felagið vóru sam­ tyktar, og nevndin var samd um at nevna felagið Føroyamál. Felagið mið­ar eftir at hava í minsta lagi tvey tiltøk um árið, og fyrsta til­ takið verður í mars mánaði. Lima­ gjaldið verður 200kr árliga. Felagið hevur stovnað eina fb-síðu, nevnd Føroyamál til skjót­ari samskifti og eina teldu­ post­adressu foroyamal@skulin. fo. Tey, ið ynskja at gerast limir, kunnu venda sær til felagið. Viðtøkur felagsins eru: §1: Navn felagsins er Føroyamál §2: Endamál felagsins er at gagna føroyskum á øllum stigum úr barna­garði til fróðskaparsetur. Hetta verður framt við at: • skipa fyri fakligum og náms­frøðiligum tiltøkum og kjaki um lærugreinina • elva til samstarv millum lær­arar í føroyskum • hava samstarv við móð­ur­ máls­lærarafeløg í hin­um Norðurlondunum gjøgn­ um “Nordspråk.” §3: Í nevndini eru 5 limir, valdir soleiðis, at annaðhvørt ár fara tveir nevndarlimir frá og annað­ hvørt ár tríggir. Haraftrat varð ein til­takslimur valdur. Tey ymsu stigini í skúla­verk­in­ um skulu vera best møguligt um­ boðað í nevndini. Nevndin skipar seg sjálv. §4: Aðalfundur verður hildin eina ferð um árið. Skrá skal lýsast 14 dagar fyri fundin. Skrá: 1. Val av orðstýrara og skrivara 2. Ársfrágreiðing 3. Roknskapur 4. Ásetan av limagjaldi og freist fyri inngjalding 5. Lógarbroytingar 6. Innkomin mál 7. Val av nevnd og grannskoðara 8. Ymiskt Avgerðir verða tiknar við van­ ligum meiriluta. §5: Uppskot til broytingar í viðtøkunum skulu kunngerast saman við skránni til aðalfundin og verða samtyktar við vanligum meiriluta. Vegna felagið, Óluva Klettskarð