mánadagur 3. februar 2020síða 7

7 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 3. februar 2020 · Nr. 14 TÍÐINDI Biskupur kosin ársins almenni leiðari Jógvan Fríðriksson, Biskupur Føroya, fekk fríggjadagin heiðurin sum ársins almenni leiðari í 2020. – Tað kann væl vera at summi halda, at vit viðhvørt eru fan­ atisk, tá vit taka orðið, men vit vita í hvussu so er tað, at tað eru aðrir føroyingar til enn teir, sum eru í Fólkakirkjuni. Tað er sera gott forsáðilsi mill­ um kirkjuna og ateistar, frí­ kirkj­ur og LBGT. Hóast vit eru stokk konservativ, so hava vit megnað at havt samskiftið koyrandi og havt virðing fyri øll­um menniskjum. Tá hjúna­ bands­lógin varð viðgjørd, vóru tað tveir bólkar í Føroyum, sum søgdu nei til dis­krimi­na­ tión, og tað var Føroyska Fólka­kirkjan og ateistarnir, segði hann millum annað í takk­arrøðu síni. – í mun til aðrar almennar fyri­tøkur, so hevur okkara fyri­tøka tann fyrimunin, at hev­ur ein ikki hug til at vera inn­anfyri, so sleppur man út. Og tí er tað eitt stórt kynstur at stýra soleiðis, at man fær loyvi til at vera innanfyri og enntá gjalda fyri tað, segði Bisk­upur skemtingarsamur. Hann greiddi frá, at í Fólka­ kirkjuni eru eini 40 fólk, ið eru lønt, men tað eru eini 700 starvs­fólk, sum sjálvboðin hjálpa til dagliga og hvørja viku í kirkjuni. – Tað er teimum at takka, at eg eri komin so langt, sum eg eri komin nú. Eg meti hetta vera rættiliga langt. Um eg skal koma longur, má eg út um land­oddarnar, legði hann skemti­liga og lættliga aftrat. Broytir ikki gerandisdagin –Eg eri eyðmjúkur júst nú. Tað hevur nógv at siga fyri fólka­ kirkj­una, at ljós verður varpað á okkum, og hetta er eitt tekin um, at vit eru til. Eg trúgvi tó ikki, at hetta broytir nógv í ger­andisdegnum hjá okkum. vit fara framhaldandi at gera okk­ara uppgávu, sum er at præd­ika evangelii um Kristus og vera góð við menniskju, sig­ ur hann við Sosialin. – At vera góð við menniskju merk­ir tó ikki at taka undir við øllum tí, sum fók halda og siga, men tað merkir, at vit virða sjón­armiðini, tá tey brótast og bylgj­ast í sjónum, leggur hann aftrat. Í Fólkakirkjuni krevst eitt ser­ligt slag av leiðslu. Hon skal tæna Føroya landi og fólki, og hon er eisini ein limakirkja, har á leið 80 prosent av før­oy­ ing­um eru limir. – Tað krevur eina hepna hond at fara vit fólki í slíkum ar­beiðsumstøðum. Vit mugu duga at samskifta við eyð­ mjúk­leika, viðurkennir hann. – Hjá mær er tað soleiðis, at eg bert havi tann myndugleika, sum mær verður veittur. Fólkið kann vísa mær myndug­ leika við at taka undir við til­ mæl­um og hugsjónum, sum eg komi við. Í roynd og veru eri eg bara samskipari av tí, sum fólkið heldur, staðfestir Bisk­ up­ur. Orsøkirnar hjá dómsnevndini vóru hesar: Ársins leiðari megnar at hyggja aftureftir, tá hann setir kósina frameftir og at flyta sítt arbeiðsøki trygt fram á leið. Tí hevur hann álit millum síni starvsfólk og ikki minst hjá landsins borgarum. Hann er kveikjandi at vera saman við, hevur orðið í síni makt og er í orðsins rætta týdningi hægsti embætismaður. Tað krevur eina hepna hond at fara vit fólki í slíkum arbeiðs­ umstøðum. Vit mugu duga at samskifta við eyðmjúkleika Árni Jacobsen, stjóri í SMJ vann heiðurin Ársins Leiðari 2020 Mynd: Álvur Haraldsen Jógvan Fríðriksson varð kosin Ársins Almenni Leiðari 2020. Mynd: Álvur Haraldsen