mánadagur 3. februar 2020síða 14

Mánadagur 3. februar 2020 · Nr. 14 14 Sosialurin Hugskot og viðmerkingar – send sms til 225000 FÓTBÓLTUR Pætur Albinus/Tróndur Arge Eftir at hava útmerkað seg í ung­ dómsdeildini hjá FCK og at hava fingið tað sum líktist einum gjøgnumbroti á besta lið­num, so kom ein álvarsligur skaði at tarna fótbóltsleiðini hjá Brandi Hendrikssyni, sum eftir styttri tíðarskeið í Vend­syssel FF og Randers valdi at leggja leiðina yvir til ís­lendskan fótbólt fyri at fáa gongd í aftur yrkisleiðina sum fót­bólts­leikari. Brandur skifti til FH. Í mun til danskan fótbólt kundi hetta kanska tulkast sum at taka eitt fet aftur fyri at taka tvey fram, og tað vísti seg bara at rigga heilt væl. Hann var eyðsýndur í íslendsku deildini, og sjálvur er hann eisini ovurfegin um at hann tók hesa avgerðina. - Eg fekk ein skaða í kross­ bandið, sum gjørdi, at eg ikki fekk spælt fótbólt í meira enn eitt ár. Eg fekk ikki nógva spæli­tíð í Danmark, og fyri at sleppa at spæla meira valdi eg at skifta til Íslands. Tað hevur helst verið besta avgerðin eg havi tikið í fótbóltslívinum. Hetta fekk meg aftur á rætta sporið, sigur Brandur í samrøðu við Fotbollskanalen. Brandur spældi tvey kapp­ ingar­ár við FH, og hagtølini vóru bara heilt góð. Hann spæl­ di tilsamans 55 dystir og skeyt 18 mál. Góð byrjan Brandur Hendriksson valdi ikki at leingja um sáttmálan við FH, men valdi heldur at taka fetið víðari og skifti til svenskan fót­bólt, har hann hevur fingið sátt­mála við Allsvenskan- felagið Helsingborg IF fram til 31. desember 2022. 24 ára gamli skálvíkingurin hevur fingið eina góða byrjan í svenska felagnum, har hann hevur fyrrverandi FCK-lið­ felag­an, Olof Mellberg, sum venjara. Fyri viku síðani fekk hann hol á málskjótingina og skeyt eitt mál í venjingardysti ímóti danska Lyngby. Fotbollskanalen hevur spurt Brand um hann væntar at vera ein av teimum, sum fara at yvir­raska í Allsvenskan í ár. - Tað fáa vit at síggja. Eg ætli mær ikki at spáa um hvat fer at henda, men eg fari so at gera mítt besta, sigur Brandur. Aftur gult kort til Jóan Símun Arminia Bielefeld spældi javnt í dysti, sum kostaði Jóan Símuni Edmundsson gult kort. Tað gongur illa hjá Ar­minia Bielefeld at staðfesta odda­ sessin í 2. Bundesliguni. Um viku­skiftið spældi Arminia Biele­feld málleysan javnleik móti FC Erzgebirge Aue, sum liggur á sætta plássi. Jóan Símun Edmundsson kom á vøllin eitt stórt korter fyri tíð. Fimm minuttir seinni fekk hann gult kort annan dystin upp í slag. Aftur hesa ferð kom hann ikki fyri Rein­ hold Yabo á framrættaða mið­ vøllinum. Ein av stóru kapp­ingar­ neytinum, VfB Stuttgart, spældi eisini javnt, men nú er odda­sessinum hjá Arminia Biele­feld undir trýsti. Vinnur Ham­burg mánakvøldið er bara eitt stig á muni. Nummar eitt og tvey flyta beinleiðis upp í Bundes­liguna. Trý stig eru niður til VfB Stuttgart. Tað hevur gingið strilti hjá Arminia Bielefeld at slíta seg leyst í toppinum, sjálvt um VfB Stuttgart og Hamburg SV hava sett stig til. Tað er eisini ein smeitur, at Andreas Vogl­ sammer mátti av vøllinum við brotið í fótinum. Áleyparin hevur skotið tíggju mál og lagt upp til fimm. Spurningurin er so, um tað gevur Jóan Símu­ni Edmundsson ein betri møgu­ leika at byrja inni. trondur@sosialurin.fo Brandur Hendriksson er glaður fyri tey bæði árini í Íslandi, sum hava hjálpt honum víðari á fótbóltsleiðini. - At skifta til íslendskan fótbólt var helst besta avgerðin í fótbóltslívinum, sigur hann Útisetar: - BESTA AVGERÐIN - BESTA AVGERÐIN Í FÓTBÓLTSLÍVINUM Í FÓTBÓLTSLÍVINUM Helsingborg IF spælir sín fyrsta dyst í nýggja kappingarárinum 4. apríl á heimavølli ímóti uppflytarunum úr Varbergs BoIS FC Erzgebirge Aue - DSC Arminia Bielefeld 0-0 (0-0) Áskoðarar: 9.000 FC Erzgebirge Aue: Männel – Mihojevic, Gonther, Rasmussen – Rizzuto, Riese, Hochscheidt, Fandrich, Kempe – Nazarov, Krüger. Gul kort: Rizzutto, Mihojevic, Kempe DSC Arminia Bielefeld: Ortega Moreno – Brunner, Pieper, Nilsson, Hartherz – Prietl, Hartel, Yabo – Clauss, Klos, Voglsammer. Gul kort: Brunner, Edmundsson.