mánadagur 3. februar 2020síða 15

15 Mánadagur 6. januar 2014 · Nr. 2 Sosialurin Mánadagur 3. februar 2020 · Nr. 14 Hugskot og viðmerkingar – send sms til 225000 Pætur Hjalmar Evensson Leygarkvøldið skrivaði Sarah Mahfoud søgu við at vin­na heimsmeistaraheitið hjá IBF í boksing í greinini fjaður­vekt. Hetta hevur eingin í konga­ ríkinum megnað fyrr, og tí er hetta eitt ótrúligt avrik av før­ oyska boksaranum. Sarah Mahfoud hevði bjóðað undanfarna heims­meistara­ num Brenda Carabajal úr Argentina av, og stemningurin í Frederiksberg-høllunum var ógvuliga intensur frá byrjan til enda. Tá Sarah gekk inn í høll­ina, var lagið "Í tokuni" hjá Eivør á sum intro, og hetta setti veruliga stemningin bein­an­ vegin. Har var eingin ivi um, hvør stóð sterkari í ringinum. Sarah smurdi argentinaran av, og hetta sást eisini aftur í met­ing­ unum hjá dómarunum, sum allir valdu Sarah sum vinn­ ara av dystinum. Dómara­at­ kvøðurnar vóru ávikavist 98- 92, 97-93 og 100-90. Rómurin millum áskoðar­ ar­nar var øgiligur, tá verturin rópti, at Sarah Mahfoud hevði vunnið dystin. Áðrenn Sarah visti av, fekk hon gullbeltið tvørt­ur um miðjuna, og hon var nakað so glað og jublaði sam­an við venjara og beiggja sínum. 30 ára gamla Sarah Mahfoud hevur við hesum skrivað søgu sum fyrsti dani - og før­oy­ing­ur - at vinna hetta heims­meistara­ heitið. At hon hevur vunnið, merk­ ir, at hon skal forsvara heims­ meistaraheitið næstu ferð. – Eg skilji hetta ikki Lagið á heimsmeistaranum var ógvu­liga gott beint aftaná dyst­in, tá vit fingu orðið á hana í høllini. – Eg skilji ikki heilt, at eg havi vunnið og fingið hetta stóra heitið. Eg havi arbeitt fyri hesum í so langa tíð, og nú hendi tað. Allíkavæl hevur dag­urin verið so merkiligur, og hjartað hevur galloperað, men nú kann eg bara standa her og vera rólig, so eg havi tað ordi­ liga gott, segði hon.  Sarah Mahfoud fegnast um, at hon megnaði at halda mót­ støðu­kvinnuni undir trýsti frá byrjan av. – Eg føldi ikki ordiliga, at hon kom inn og tók dystin við mær og tímdi at vera har. So eg føldi, at eg stýrdi dystinum alla tíð­ ina, sigur hon. – Eg visti væl, at eg fór at vin­na. Eg hevði verið skuffað, um eg ikki hevði vunnið, sigur hon spurd um, hvussu kenslan var, beint áðrenn stigini frá dómar­unum vórðu rópt upp. – Fari at vísa beltið fyri ommu Í høllini sóust fleiri føroysk fløgg, sum veittraðu, meðan og aftan­á Sarah boksaði. Familja og vin­fólk vóru komin at stuðla henni, og summi vóru komin úr Før­oyum til stóru løtuna. – Tað hevði so nógv at siga fyri meg. At fólk tíma at koma her og vera við til at deila hetta við mær, tað merkir sera nógv fyri meg. Mikudagin fer hon til Før­ oya, har hon ætlar sær at taka sær av løttum og slappa av aftaná nógvar vikur við intens­ ari venjing. – Eg taki beltið við mær til Føroya og fari at vísa tað fyri ommu, sigur Sarah Mahfoud. BOKSING – Eg skilji ikki heilt, at eg havi vunnið og fingið hetta stóra heitið, sigur Sarah Mahfoud, sum leygarkvøldið gjørdist heimsmeistari í boksing SARAH ER FYRSTI SARAH ER FYRSTI FØROYSKI HEIMS­ FØROYSKI HEIMS­ MEISTARIN Í BOKSING MEISTARIN Í BOKSING Ein ovurfegin heimsmeistari (Mynd: Lars Poulsen / Ekstra Bladet) Brenda Carabajal og Sarah Mahfoud í ringinum - Sarah domineraði allan dystin (Mynd: Lars Poulsen / Ekstra Bladet)