hósdagur 6. februar 2020síða 15

FRÍGGJADAGUR 7. FEBRUAR 2020 SOSIALURIN 16 15 • Reint pappír • Reint papp • Fartelefonir • Leidningar • Elektronikkur • Spariperur og ljósrør • Bilvrak • Jarn og metal • Bleytt vøruplast • Sodavatnsfløskur og blikk • Stórsekkir • Aliringar og fóðurslangur • Akkumulatorar og battaríir • Nótir, trol og gørn • Spillolja Tað mesta av tí, sum verður endurvunnið verður sent av landinum, har tað verður til nýggja vøru. – Vit royna at flyta so nógvar vørubólkar sum gjørligt frá niðastu stigunum - tyrving og brenning – upp til endurvinning, sigur Súsanna Berg, umhvørvisleiðari hjá IRF. – Tað, sum í dag verður endurvunnið, verður sent av landinum. Tað krevur tilrættisleggjan, tí tað skal savnast inn, pakkast í bingjur, og tað, sum er komið skeivt, skal skiljast frá. Vit arbeiða fram ímóti at flyta sum mest upp eftir burturkaststiganum, so vit brenna og tyrva sum minst, sigur Súsanna Berg. – Tað kostar eisini at brenna og at tyrva. Øll stigini kosta á ein ella annan hátt. Eisini kann IRF selja endurvinningartilfar, so sum jarn og metallir. Tað er tí einki, sum talar ímóti, at man flytir seg upp eftir burturkaststiganum, sigur hon. – Fyri flestar vørur dálkar tað minni at flyta vøruna til útlandið og selja hana, enn tað kostar at framleiða eina nýggja vøru. Pappír kann til dømis endurnýtast tíggju ferðir, og kostnaðurin av flytingini verður tí skjótt spardur inn aftur í útláti, sigur Súsanna Berg. Hon greiðir frá, at hvørjaferð pappír verður endurvunnið, minkar góðskan eisini. Eitt dømi er ein eggjapakki, har tað sæst, at pappið hevur verið endurnýtt fleiri ferðir. Pappír sum ikki kann endurvinnast meir verður síðani brent, og hitin verður nýttur til fjarhita. Jarn og metal kann endurnýtast fleiri ferð. Tí leggur IRF seg eftir at allir endurvinningarbólkar so sum pappír, plast og jarn samanlagt ikki eru ein útreiðsla fyri IRF og borgarin. Prísurin fyri ymisku bólkarnar broytist nógv og ofta. HETTA VERÐUR ENDURVUNNIÐ Í DAG: Hvat kann gerast? Í næstum verður farin undir at endurvinna glas, tí tað hevur verið so nógvur fyrispurningur eftir tí og hetta er eitt reint tilfar. Eisini vil IRF fáa fleiri sløg av plasti til endurvinning herundir eisini plast frá húsarhaldum. Súsanna Berg greiðir frá, at tað eru mong, ið koyra blikk og fløskuproppar í tann gráa posta, ið er til húsarhaldsrusk, tí tey ikki hugsa um, at jarn og metal kann endurvinnast. TIP: FRANTS JENSEN Tórshavnar kommuna samtykti 30. januar at seta ein arbeiðsbólk at lýsa fyrimunir og vansar hjá Tórshavnar kommunu at gera felags brennistøð. Hon heldur, at í bólkinum skulu í minsta lagi vera fíggjar­ fólk, verkfrøðingur og onkur, ið hevur skil fyri orku og umhvørvi. – Eingin tíðarfreist er ásett, nær bólkurin skal vera liðugur við sítt arbeiði, sigur Annika Olsen. Verður tað í ár? – Eg veit ikki enn, sigur Annika Olsen. Arbeiðsbólkur ikki settur – Arbeiðsbólkurin er ikki settur enn. Vit skulu hava fund í komandi viku, og vónandi fáa vit sett bólkin skjótt, sigur Annika Olsen, borgarstjóri í Havnar kommunu