mánadagur 10. februar 2020síða 4

4 Sosialurin Hugskot og viðmerkingar – send sms til 225000 Mánadagur 10. februar 2020 · Nr. 17 TÍÐINDI 16 ára gomlu Femja Poulsen úr Havn og Angela Djurhuus úr Kollafirði ganga í einum norðuratlantiskum studentaflokki saman við næmingum úr Danmark, Íslandi og Grønlandi. Undirvísingin fer fram á skift í fýra londum Frants Jensen frants@sosialurin.fo – Tað er spennandi at vera saman við næmingum úr so nógvum londum og sam­stund­ is sleppa at ferðast í so nógv­ um londum. Vit hava upplivað eina rúgvu, siga tær báðar Femja Poulsen og Angela Djur­ huus. Tað var fyri einum ári síð­ ani, at tær søktu inn á tann ser­liga norðuratlantiska stud­ enta­flokkin. Tær sluppu báðar inn, og síðani august hava tær gingið á Gribskov Gymnasium í Danmark. Í summar fara tær at ganga á Miðnámi á Kambs­ dali, frá í januar 2021 skulu tær ganga á Verzlunarskóla Ís­ lands, og seinasta skúlaárið skulu tær ganga á GUX í Sisi­ mi­ut i Grønland. – Samanhaldið á skúlanum er sera gott, og vit hava fingið nógvar vinir úr hinum lond­un­ um. Men tað er eisini av­bjóð­ andi at vera heimanífrá og vera í eini aðrari mentan, sigur Femja Poulsen. – Tilboðið ljóðaði sera spenn­ andi, og eg vildi uppliva nakað serligt, sigur Angela Djur­huus. Í síðstu viku vóru tær eina stutta vitjan í Føroyum og greiddu frá skúlatilboðnum, tá ið Miðnám á Kambsdali hevði kunningartiltak. Fjarundirvísing í føroyskum Tá ið tær báðar føroysku gent­ ur­nar ganga í hesum norð­ur­ atl­antiska flokkinum, taka tær somu útbúgving sum aðrir mið­námsnæmingar. Und­irvís­ ing­armálið er danskt, men ann­ ars hava tær í stóran mun somu lærugreinar, sum mið­ náms­næmingar í Føroyum eisini taka. Eitt serligt er tó, og tað er, at tær fáa undirvísing í føroyskum frá Miðnáms­skúl­ an­um á Kambsdali gjøgnum fjar­undirvísing. – Tað eru nakrir blokkar í vik­uni, har vit eru saman við einum flokki á Kambsdali og fáa føroysktundirvísing frá Dorit Hansen. Restina av tíðini eru vit saman við okkara flokki og fáa undirvísing, sigur Angela Djurhuus. Næmingar úr fýra londum Flokkurin er samansettur so­ leiðis, at har eru 10 næmingar úr Grønlandi, fimm úr Íslandi, fimm úr Danmark og tveir úr Føroyum. At tað ikki eru eins nógvir næmingar úr hvørjum landi er meira tilvild. TAKA MIÐNÁM Í FÝRA LONDU Angela Djurhuus úr Kollafirði og Femja Poulsen úr Havn eru føroysku næmingarnir í norðuratlantiska studentaflokkinum.