mánadagur 10. februar 2020síða 19

19 Mánadagur 6. januar 2014 · Nr. 2 Sosialurin Mánadagur 10. februar 2020 · Nr. 17 Hugskot og viðmerkingar – send sms til 225000 ÍTRÓTTARFELØG uppskotið um at veita ókeyp­is hallarleigu, eisini um sum­ marið, varð einmælt sam­tykt. Málið verður nú beint aftur í bý­ráðið til tvær við­gerðir sum eykaj­áttan. - Fyribils verður mett, at broyt­ingin við ókeypis hallar­ leigu fyri ítróttafeløg og ser­ sam­bond alt árið vil kosta um­ leið kr. 700.000 í 2020, stendur at lesa í fund­ar­frá­greið­ingini frá bý­ráðs­fundi­num. Í fundarfrágreiðingini sæst, at stuðulin frá kommununi eftir ætlan í praksis verður flutt­ur á rakstrarkontuna hjá Ítróttaanleggum, sum er um­ sit­i­ngin av hallum og vøll­um í kommununi. Tórshavnar kommuna hevði í síðstu viku hoyringsfund fyri ítrótt­arfeløgunum í Havn, har tey løgdu fram um ítróttar- og frí­tíðarpolitikk í kommununi og eitt nú vísti á, at tey á dygdar­góðum stigi vilja stuðla undir ítrótt í fremstu røð og eggja til ein virknan lívsstíl fyri flest allar borgarar. Stuðulin við at lata ókeypis venj­ingartímar er ikki einans æt­laður lokalu ítrótt­ar­ feløgunum, men eisini ser­sam­ bondum, tað verið seg til eitt nú lands­liðsvenjingar hjá teimum ymisku ítróttargreinunum. - Vit vilja, at høvuðsstaðurin tænir øllum føroyingum í av­ gerandi leikluti sínum at ganga á odda í menningini, skrivar kom­ munan í visjónunum. Forkvinnan í H71, Anna Dam, sigur, at felagið hevur brúkt umleið 30.000 krónur árliga fyri at venja um summarið. Hon hevur virðing fyri, at hetta eru pengar, men hon heldur ikki, at tað er nøkur kollvelting, at kommunan nú fer at taka sær av hallar­ leiguni um summarið. Hon heldur tað vera púra burturvið, at tey yvirhøvur hava verið noydd at rinda fyri hallarleigu. - Tað má hava staðið 'idiot' á pannuni á okkum, tá ið vit hava staðið í SMS og selt tom­bola-seðlar fyri at hava ráð at goldið kommununi. Tað var kommunan, sum átti at tveitt pengar í nakkan á okk­um, sigur Anna Dam. - Vit gera eitt stórt sam­ felags­gagnligt arbeiði við at taka okkum av 400 til 500 ung­dómum hvørja einastu viku, sigur hon. Hon er eisini í øðini um, at fótbóltsfeløg ikki einans sleppa undan at rinda fyri leigu av vøllum, men har­ um­framt eisini fáa ein ár­ lig­an fíggjarligan stuðul. Inn­lit, sum H71 hevur fingið frá kommununi, og sum Sos­ial­urin eisini hevur sæð, stað­festir, at HB, B36 og AB árliga fáa 250.000 krónur í stuðli. FC Hoyvík fær 175.000 krón­ur og Undrið fær 75.000 krón­ur. Hondbóltsfeløgini hava einki fingið. - Tað finst eingin logisk for­kláring upp á hví man hevur gjørt so stóran mun á tveimum ítróttargreinum, sigur Anna Dam, H71-for­ kvinna. Í Havnini húsast kurva­bólts­ feløgini Hamar og Sporð­ drekin, og saman við menn­ ing­ar­sambandinum fyri kurva­bólt í Føroyum hava tey merkt, at tað hevur verið dýrt at vant um summurini. Ein slíkur nýliga endur­ stovnaður ítróttur sum kurva­bóltur hevur ikki nógvar pengar um hendi, og tískil hevur tað verið spa­r­ið við venjingum um summurini, tá ið tey annars kundu hugsað sær at vant eina rúgvu. - Tað er jú um sumrarnar, at fyrireikingarnar eru í hædd­ini, sigur Magnus Jakob­sen, formaður í Sporð­ dreka­num, vísandi eitt nú til oyggja­leikirnar, sum eru annað­hvørt summar. Undan oyggjaleikunum á Gibraltar í fjør fyrireikaði lands­liðið í kurvabólti seg fyri tað mesta í Klaksvík, tí har kundu tey venja ókeypis. Kurvabóltur í Føroyum fær ikki stóran stuðul sam­ anborið við aðrar ítróttar­ greinar, og av teimum krón­ un­um, sum hava verið í kassa­num, er ein stórur part­ ur farin til hallarleigu. - Hallarleiga er ein stór og keðilig útreiðsla, heldur Magnus Jakobsen. - Tað hevði verið fantast­ iska gott, um vit kundu kom­ið inn at vant ókeypis um summurini, og hetta hevði eisini givið møguleika fyri betri fyrireikingum og til­dømis at fingið eitt ung­ dóms­landslið, sigur hann. - Annars hevði alt ligið lamið hjá okkum frá mai til august. Tíðin er farin frá at man bara íðkar helvtina av árinum, sigur Magnus Jakob­sen. H71-forkvinnan: Kurvabóltur: Stóð 'idiot' í pannuni á okkum Skapar møgu­leikar fyri menning