týsdagur 11. februar 2020síða 22

22 Samrøða Steinar Patursson T að er torført at svara uppá, júst hvussu mótin í vár sær út í mun til mótan í fjør, heldur Høgni Mohr. Mótin verður ikki koll­ veltur, og yvirhøvur er talan um smærri broytingar. – Tað er sum so tað sama; eingin fer at upp­finna djúpa tallerkin umaftur. Litirnir broytast eitt sindur, og vit eru farin eitt sindur meira yvir í avslappaðar jarðlitir. Tað verður eitt sindur meira niðurtonað. Um vit taka ein hettutroyggju, var hon kanska ordiliga grøn fyrr, meðan hon nú er eitt sindur kámari. – Annars er tað rættiliga klassiskt, men passformarnir broytast nakað. Tað hevur fyrr verið øgiliga nógv slim; slim buksur, slim skjúrtur. Men nú verður tað eitt sindur meira pláss í buksunum, og skjúrt­ur­nar verða eitt sindur leysari. – Tá tað kemur til jeans vilja tey flestu nokk hava, at tær sita eitt sindur tætt. Men hetta, sum vit høvdu fyri nøkrum árum síðani, at tær sótu klistraðar á, tað er ikki meira. Tað verður meira behagiligt at vera í nú. Umhvørvisrák ger um seg Stóra fokusið, ið hevur verið á umhvørvið og burðardygga framleiðslu, ger eisini um seg innan klæðir, og klædnaframleiðarar eru farnir at leggja seg meira eftir at fram­leiða burðardygg klæðir. – Eitt, sum hevur vundið upp á seg, er endur­nýtsla innan klædnaframleiðslu. Summir jakkar verður framleiddir úr endurnýttum plastikkfløskum, og buks­ urnar skulu nýta so lítið av vatni sum gjør­ligt, tá tær skulu vaskast. Øll tey stóru klædnamerkini hugsa nógv um hetta. – Nógvar plastfløskur verða savnaðar inn í Asia, sum so verða endurnýtt til jakkar ístaðin fyri nylon. Og so verður eisini farið yvir at nýta økologiska bumull. Hetta rákið ger nógv um seg. Er hetta nakað, sum kundin spyr eftir? – Ja, tað er tað. Tað er sjálvandi onkur, ið leggur meira í tað enn onkur annar. Men vit vilja jú eisini gjarna fara tann vegin, eins og øll onnur. Nú, tá tey stóru merkini eru farin at hugsa um umhvørvið og endur­nýtslu, verður tað eisini lættari hjá okk­um at fáa fatur á hesum tingunum. Tað er ein góð søga at fortelja kundunum. Mótin fylgir sjónvarpinum Tað, sum er at síggja í sjónvarpinum og í biografunum, setir eisini stóran dám á mótan, heldur Høgni Mohr. – Mótin fylgir eisini nógv tí, sum hevur verið populert í sjónvarpinum. Nú hevur Peaky Blinders verið rættiliga populert, og tá hava vit selt nógvar vestar. Vit síggja nógv frá ymisku rákunum í filmum. Eina ferð var tað Mad Men, sum var øgiliga populert, og tá skuldu øll ganga nógv í klædn­ingi. So tað, sum er í sjónvarpinum, stýrir avgjørt nógv. Broytingarnar frá í fjør eru annars ikki tær heilt stóru, men tað, ið kann kallast casual fínt, heldur áfram at gerast meira væl­um­tókt. – Tað er tað, sum vit kalla casual fínt. Tú ert fínur, men avslappaður. Sum dømi nevnir Høgni Mohr einar klædn­ingsbuksur, ið verða settar saman við sneakers. – Sneakers eru kanska eitt sindur størri í tí í ár, har teir fyrr vóru meira nettir. Men tað er komforturin, sum menn fara eftir. Tað er meira avslappandi at ganga í ein­um sneakers enn í leðurskóm. VÁRMÓTI 2020 Høgni Mohr er leiðari í Skálkur Man. Vit hava verið framvið í handlinum at vita, hvussu harramótin sær út á vári í 2020 Høgni Mohr Aldur: 33 ár Hjúnarstøða: Í parlagi við Gyðju á Argjahøvda Børn: Eitt barn og eitt aftrat á veg Bústaður: Tórshavn Starv: Leiðari í Skálki Man