mánadagur 17. februar 2020síða 14

Mánadagur 17. februar 2020 · Nr. 20 14 Sosialurin Hugskot og viðmerkingar – send sms til 225000 FÓTBÓLTUR Jóannes Hansen Nýggja kappingarárið er bara tríggjar vikur burtur. Hetta vikuskiftið verður kapp­ing í Klaksvík, annað viki­skifti hittast KÍ og HB í stór­steypadystinum, og um tríggjar vikur verður fyrsta umfar í landskappingini. Í fyrsta umfari sær skráin soleiðis út: KÍ – B36, EB/ Streymur – HB, Víkingur – ÍF, NSÍ – Skála og AB – TB. Hetta verður fyrsta ferðin hjá TB norðurum. HB fer fríggjadagin suður til Vágs á venjingarlegu. Rundað verður av í Suðuroy sunnudagin, tá ið venjingardystur verður í Trongis­vági ímóti TB. Leygardagin spældi HB finalu ímóti Víkingi í VFF kapp­ ingini. Úrslitið var, at HB vann 3-1 á Tórsvølli. Hálvleiksstøðan var 2-1. Málini í fyrra hálvleiki vórðu øll skorað síðstu lítlu løtuna undan steðginum. Miðskeiðis í seinna hálvleiki staðfesti HB 3-1 sigurin. Merkisvert var tað, at Adrian Justinussen skoraði hattrikk. Hann var meistari fyri øllum trimum HB málunum, og í øllum førum var talan um skot úr stórari fjarstøðu. Í tveimum førum var tað við beinleiðis frí­ sparki, og í einum føri var tað við rimmar langskoti. Tvey tey seinastu árini hevur úrtøkan hjá HB verið ikki so lítið knýtt at, hvussu tað hevur ligið fyri hjá Adrian, tá ið hann hevur roynt seg við frí­spørkum og langskotum. Í fyrra árið varð alt gull, sum hann fór undir, og HB vann FM við metnógvum stigum. Aftur í fjør lá tað væl fyri, men ikki heilt so væl, sum tað gjørdi í fyrra árið. Adrian átti stóran leiklut, og eitt nú skoraði hann fyrsta málið í steypafinaluni, sum HB vann 3-1 ímóti Víkingi, sum aftur leygar­dagin legði rygg til 3-1 tap. Hesa ferð var tað í VFF finaluni. Sum fleiri av hinum, ið skora nógv mál, so er Adrian ikki maðurin, sum leggur í at gera so nógv burturúr sínum avrikum. Hann roynir altíð at hava fokus á avrikinum hjá liði­num. -Vit fóru undir fyri­ reik­ing­arnar til nýggja kappingárið 3. desember. Síðani tá hava vit vant fimm ferðir um viku­na. Umframt hesar fimm venjingarnar, hava vit tríggj­ar ferðir um vikuna havt styrkis­ venjingar. Klokkan seks týsmorgnar og eftir venj­ingarnar mikukvøld og hóskvøld. Longu eftir árs­skift­ið kendi eg meg vera í góðari venjing, og nú hevur dystarvenjingin hjálpt væl, sigur Adrian Justinussen. Og liðið sær út til at hava funnið stevið? -Tað er ein fyrimunur, at tað ikki eru so nógvir á liðnum, ið ikki hava verið í felagnum áður, og teir báðir heilt nýggju spælararnir hava funnið væl saman við hinum á liðnum, sigur Adrian Justinussen. Leygardagin var HB í finaluni í VFF kappingini ímóti Víkingi soleiðis mannað: Teitur Matras Gestsson – Jógvan Rói Davidsen, Bartal Ward­ um, Heðin Hansen, Daniel Johansen – Mikkel Frankoch, Mathias Nygaard – Pætur Petersen, Dan í Soylu, Adrian Justinussen – Øssur Dalbúð. Sammett við bulin á liðnum í fjør vóru fleiri nýggir spælarar á liðnum – Heðin Hansen, Mikkel Frankoch, Mathias Ny­ gaard og Øssur Dalbúð. Heðin og Øssur hava áður spælt við HB. Ein av stóru avbjóðingunum hjá HB er í miðverjuni, nú Hørður Askham er lang­tíðar­ skaddur. Leygardagin var Heðin Hansen miðverji. René S. Joensen verður roknaður sum møguligur miðverji. Hann er um at koma fyri seg eftir langan skaðasteðg og var leygar­dagin á beinkinum. Adrian og Víkingur Hetta var ikki fyrsta ferðin, at Adrian hevur skorað fleiri mál og verið avgerandi í uppgerðum millum HB og Víkingi. Og aftur og aftur hevur tað verið við langskotum. Spurningurin er, um tað bara vóru óføru skotini hjá Adriani, sum vóru orsøk til málini leygardagin, ella um teir í Víkingi skulu endurmeta mann­garð og avrikið hjá mál­ verjanum. 21 ára gamli Adrian Justinus­ sen gjørdi fyri fyrstu ferð av álvara um seg í fremstu røð í 2018, tá ið hann var toppskjútti í bestu deildini við 20 málum. Tað hevði stóran týdning í veru­leikanum, at HB vann FM við metnógvum stigum. Eitt av minnisríku avrik­un­ um hjá Adriani Justinussen var sunnudagin 13. mai, tá ið hann við tveimum rimmar mál­um í Sarpugerði syrgdi fyri, at jøvn uppgerð koppaði til fyri­munar fyri HB, sum vann 2-1. Víkingamálið ta ferðina skoraði Heðin Hansen til 1-1. Hann umboðar nú HB. Lyklaspælarar sótu uttanfyri Hóast HB leygardagin vann 3-1, so var talan um tætta upp­gerð. Stutt áðrenn Adrian Justinus­ sen miðskeiðis í seinna hálvleiki við frísparki økti til 3-1, hevði Víkingur heilt stóran møguleika at javna til 2-2. Ari Olsen streyk ígjøgnum í høgru, og Søvi Vatnhamar misnýtti í heilt góðari støðu. Í níggju av tíggju førum plagar Sølvi at skora, tá ið møguleikin er so stórur. Víkingaliðið var soleiðis mannað: Elias Rasmussen – Ari Olsen, Vukasin Tomic, Noah Mneney, Elias Lervig – Bogi Reinert Petersen, Gunnar Vatn­hamar, Sølvi Vatnhamar – Arn­bjørn Svensson, Andreas Lava Olsen, Ingi Jonhardsson. Ingi Jonhardsson átti síðsta víkinga­fótin á bóltinum, tá ið Víkingur javnaði til 1-1. Hann legði innfyri úr vinstru, og bólturin tók í ein av verju­ spælarunum og fór í málið. Atli Gregersen er framvegis ikki førur fyri at spæla. Hann er Avrikið leygardagin minti á tey, sum HB spælarin vísti við gylta fótinum, tá ið tað í fyrraárið eydnaðist at vinna FM ADRIAN SKJÝTUR ADRIAN SKJÝTUR VIÐ SKØRPUM VIÐ SKØRPUM