hósdagur 20. februar 2020síða 23

FRÍGGJADAGUR 21. FEBRUAR 2020 SOSIALURIN 22 23 A. Sørensen lagt seg heima burt­ ur av at rógva út. - Jú, hetta tími eg væl, og hetta havi eg altíð tímað væl. Eg kundi valt heldur at sitið við beinunum hægst umborð á einum norskum línu­báti, har eg havi siglt sum skip­ari í eini 12 ár. Men, nú er tað í fyrsta lagi útróðurin, eg vil brúka mína orku til, og eg ætli mær at reka bátin burturav. Tá eg havi siglt í Noregi hesi árini, eru míni siglingarpappír norsk, og tí noyðist eg kanska onkran túr umborð aftur fyri at halda pappírini við líka. Spurdur, um prísurin, teir góvu fyri Anru, var á einari leið í mun til tann fiskiskap, sum hevur verið, síðan báturin fekk heim­stað í Hvannasundi, sigur Gundur A. Sørensen, at tað var hann so avgjørt. - Sum nú er, gongur tað væl. Útróðrarbáturin riggar sera væl, og eg haldi avgjørt ikki, at vit góvu ov nógv fyri hann. Soleiðis, sum gongdin hevur verið síðan oktober, er ikki óhugsandi, at Anru verður afturgoldin longu fyrsta árið á útróðri, og tað er fantastiskt, leggur hann aftrat. Kanska tunfiskur Anru hevur at kalla spildur­ nýggjar snellur. Talan er um seks av teimum reyðu svensku snellunum, men Gundur A. Søren­sen sigur seg ivast í, um hann yvirhøvur hevur tol til snellu­útróður. - Tað er møguligt, at onkur túrur verður gjørdur við snellu norðan fyri, nú várróðurin stund­ar til, men eg ivist í, um eg verið við sjálvur tá, sigur hann. Anru er eisini útgjørdur við trumlu til nylonlínu, har teym­ arnir verða settir á og tiknir av aftur línurygginum - ávikavist, tá sett og drigið verður. Onkrir einstakir útróðrarbátar hava hesa trumlu, og sum skilst hevur tað serliga verið um summar­ ið, at fiskað hevur verið við nylonlínu. - Nei, hatta vænti eg ikki, at vit fara at fáast við - í hvussu er ikki eftir vanligu fiskasløgunum. Men, skuldi tað hent seg, at vit søkja og fáa loyvi til at gera roynd­ir eftir tunfiski við hesum reið­skapi, hevði søgan verið ein onnur. - Í Noregi eru tað eisini smærri bátar enn hesin, sum kunnu fáa royndarloyvi eftir tunfiski. Sjálvur havi eg ein vinmann í Noregi, sum eg haldi fekk teir tun­fiskar í fjør. Tunfiskur er dýr­ ur fiskur, og tað skulu ikki nóg­ vir fiskar til fyri at fáa lønandi vinnu. Skemtandi tekur Gundur A. Sørensen til, at høvdu teir fing­ ið eitt slíkt loyvi til Anru, og tað hevði víst seg, at tunfiskur var at fáa, kundi hin eigarin og vin­maðurin, Janus P. Rein, sum í fleiri ár var flogskipari hjá Atlantic Airways, kanska flogið tun­fiskin beinleiðis til Japans. Gundur A. Sørensen, sum er maðurin við barninum, hevur góðar menn aftrat sær, bæði umborð og í landi MYND: SÍMUN Á HØVDANUM Í Noregi eru tað eisini smærri bátar enn Anru, sum kunnu fáa royndarloyvi eftir tunfiski