týsdagur 25. februar 2020síða 35

11 Mikudagur 26. februar 2020 Sosialurin LESTRARBLAÐIÐ Føroyskt, Lívfrøði, Arkitektur, Tannlækni, Jarðarmóðir, Arkitekt og Design, Íverkseti, El-verkfrøðingur, Fysioterapi Orku- og umhvørvisverkfrøði, Løgfrøði, Maskinverkfrøðingur, Alisfrøði, KT-verkfrøði, Biokemi, Margmiðlasniðgevi, Elektroteknologi, Evnafrøði, Sálarfrøði, Samfelagsfrøði, Lærari, Støddfrøði, Robottøkni, Nano teknologi, Flogskipari, Heilsuverkið, Námsfrøðingur, Verkfrøðingur, Sjúkrarøktarfrøðingur, KT, Laborantur, Bioanalytikari, Lækni, Skurðlækni, Tíðindafólk, Tyrluflogskipari, Radiografur, Ljóðdesignari... Tekniski Skúlin er ein stórur og nútímans skúladepil í hjartanum í Klaksvík. Skúlin varð tikin í nýtslu í 1953, og í 1976 varð Skúlaheimið tikið í nýtslu. Síðani tá hevur Tekniski Skúli verið bæði lærustovnur og bústaður hjá næmingum úr øllum landinum. Skúlin byrjaði við maskin-, el- og timburlæru, men er í dag ein nógv fjølbroyttari skúli. Fleiri breytir Afturat gymnasialu Tøknibreytini eru Fyrireikingarbreytin, Klaksvíkar HF-skeið, og Serbreytin partur av skúlaumhvørvinum við Borðoyavík. Matvøruútbúgvingin er eisini á Tekniska Skúla, har nýggi skúlakøkurin man vera hin størsti og vakrasti í øllum landinum. Sostatt er Tekniski Skúli vorðin ein fjølbroyttur depil, og næmingarnir eru ein heild, har felagsnevnarin er lærdómur. At sami skúli bjóðar gymnasiala Tøknibreyt, umframt so nógvar aðrar útbúgvingar, merkir, at næmingarnir á ymsu útbúgvingunum kunnu njóta ágóðan av umstøðunum hjá hvørjum øðrum. Eitt nú kunnu næmingar á Tøknibreytini brúka timburverkstaðin ella toppmodernaða skúlakøkin í sambandi við verkætlanararbeiði, har tey framleiða lutir fyri at umseta frálæruna til veruleika. Sermerki fyri Tøknibreytina er, at næmingarnir arbeiða við verkætlanum: Tað er stutt frá orði til borðið. Umhvørvið størri og fjølbroyttari – heimligi dámurin varðveittur „Sálin í skúlaumhvørvinum á Tøknibreytini hevur altíð verið heimlig og merkt av góðum samanhaldi. Tað kemst av Skúlaheiminum, haðani nógvir næmingar koma í skúla í inniskóm, og av at Tekniski Skúli hevur færri næmingar enn størru miðnámsskúlarnir. Tí kenna øll hvønn annan, og samanhaldið er avbera gott, eisini millum árgangirnar, har næmingar úr eldru árgangunum hjálpa 1. árs næmingum við góðum ráðum og uppgávum,“ sigur Eyðgunn Samuelsen, deildarleiðari á Tøknibreytini. Nógvir møguleikar við Tøknibreytini Eitt prógv frá gymnasialu Tøknibreytini letur nógvar hurðar upp, bæði til arbeiðsmøguleikar og hægri útbúgving. „Nógvir næmingar á Tøknibreytini eru málrættaðir í mun til, hvat teir ætla sær at lesa, og í stóran mun síggja vit næmingar, ið vilja vera verkfrøðingar, læknar, sjúkrarøktarfrøðingar og tannlæknar. Harafturat fáa næmingarnir við prógvi frá Tekniska Skúla aðrar tekniskar ella nátttúruvísindaligar útbúgvingar,“ sigur deildarleiðarin. Fjølbroyttir møguleikar í fjøltáttaðum umhvørvið