hósdagur 27. februar 2020síða 35

11 SOSIALURIN 22 – 28. FEBRUAR 2020 Reportasja 11 E g royndi at sleppa undan, men tá ið avtornaði endaði eg í formansstólinum. Bogi Jacobsen er umframt at vera stjóri á risastóra pelagiska virkinum á Tvør­oyri, eisini formaður í Føroya Arbeiðsgevarafelag. Før­oya Arbeiðsgevarafelag er meginfelag fyri føroyskar arbeiðsgevarar. Enda­málið við Føroya Arbeiðsgevarafelag er at standa fyri sátt­mála­sam­ ráð­ing­um við løn­tak­a­r­a­fel­øgini. Umframt hetta er endamálið mill­um ann­ að eisini at gera sína ávirkan galdandi á yvirskipaða arbeiðsmarknaðar- og vinnulóggávu og annars í øllum sínum virki at fremja áhugamál hjá arbeiðsgevarum. Føroya Arbeiðsgevarafelag varðar av 40 ymiskum sáttmálum á føroyska ar­beiðs­markn­ að­i­num. Hesir sáttmálar fevna um meginpartin av privata arbeiðsmarknaðinum á landi um­framt hjá farmaflotanum. – Tað hevur sjálvandi nógv at siga, at arbeiðsgevararnir hava eitt felag, sum kann føra sjón­ar­miðini hjá limunum fram, sigur Bogi Jacobsen. Hann sigur, at hann sjálvandi veit, at tað hevur týdning sum fyritøka at vera við, har sum av­gerð­ir­nar verða tiknar. Sjálvur hevði hann ikki ætlanir um at gerast formaður, men tá ið hann endaði í nevndini fall tað so út, at tað fall í hansara lut at gerast formaður. – Nevndin skal sjálvandi umboða fleiri øki, bæði fakliga og geografiskt. Á tann hátt haldi eg, at eg hóskaði væl inn. Umframt at sita sum stjóri á Tvøroyri, so er hann ættaður úr Gøtu og er partaeigari í Varða­num. Hann býr í Vágum. – Hinvegin skal ein eisini leggja til merkis, at í FAG er tað ikki sum í fleiri fakfeløgum, at her er tað formaðurin, sum tekur sær av øllum úteftir. Vit hava eina sterka umsiting og fólk, sum taka sær av sáttmálasamráðingum og slíkum. Nevndin og formaðurin skulu fyrst og fremst stinga út í kortið og taka sær av tí meira yvirskipaða, sigur Bogi Jabobsen. Bogi Jacobsen tók við sum formaður í Føroya Arbeiðsgevarafelag eftir Berg Poulsen, tá­ver­andi stjóra á Havsbrún í Fuglafirði. Skal umboða føroysku arbeiðsgevararnar Bogi Jacobsen, stjóri á Varðanum Pelagic, stendur eisini á odda fyri føroysku arbeiðsgevarunum TEKSTUR ÁRNI GREGERSEN MYNDIR ÁLVUR HARALDSEN