hósdagur 27. februar 2020síða 42

SOSIALURIN 22 – 28. FEBRURAR 2020 18 Samrøða S einastu árini er føroyska byggivinnan ment í stórum. Tøkniliga menningin gongur skjótt og flytir støðugt mørkini fyri tí, sum gerst møguligt. - Fyri SMJ Ráðgevandi Verkfrøðingar merkir hetta, at fleiri ynski og økt krøv verða sett til bygningar í kjalarvørrinum av tøkniligu menningini. Hetta er sjálvsagt ein stór og spennandi avbjóðing fyri okk­um, og hesa avbjóðing taka vit í størsta álvara. Tað sigur stjórin í SMJ Ráðgevandi Verkfrøðingar, Árni Jakobsen. - Vit eru ein fyritøka, sum hevur rundað tey fimmti árini. SMJ hevur skrivstovur í Havn, Klaksvík og Nuuk. Av starvsf­ólka­hópinum arbeiðir ein triðingur á skrivstovuni í Klaks­vík, sigur hann. Tillagaðar loysnir Við sínum fimmti árum á baki hevur fyritøkan drúgvar royndir á sínum økjum, sum eftirhondini eisini spenna rætti­liga víða. - Vit leggja stóran dent á at veita eina dygga tænastu við okkara serkunnleika innan orku og umhvørvi, el og stýringar, aling og smoltstøðir, bruna og trygd og byggi- og verk­ætlanarleiðslu. Árni Jakobsen vísir á, at starvsfólkini í fyritøkuni hava ser­kunnleikar, sum fyritøkan dagliga umsetir til praktiskar og haldbærar loysnir í teimum mongu verkætlanum, sum SMJ er partur av. - Vit vita eisini, at allar loysnir skulu tillagast tørvinum á marknaðinum í Føroyum, uttan at missa nakað av kompleksitetinum, sum tryggjar virkisførið í ymisku loysnunum, leggur hann aftrat. Stórar verkætlanir Stjórin vísir á, at SMJ er við í nógvum av teimum stóru verk­ætlanunum, sum verða framdar í Føroyum í dag. - Millum hesar kunnu nevnast heimsins størsta smolt­ støð, sum Bakkafrost letur byggja á Strond í Klaksvík og sum kemur at lyfta stóru framleiðsluna av alifiski inn í fram­tíðina. Haraftrat eru tríggjar aðrar smoltstøðir hjá Bakka­frost, sum verða útbygdar ella bygdar nýggjar - ein á Norð­toftum, ein í Glyvradali og ein í Ónavík í Vági. Har­ aftrat skal ein framkomin lívfiskastøð byggjast í Skálavík. SMJ er eisini partur av nýggja biogassverkinum - Førka - hjá Bakkfrost á Skarðshjalla í Havn, sum fer at veita fjar­ hita og el-orku í framtíðini. Men, hetta er so sanniliga ikki einastu verkætlanir, sum SMJ er partur av í løtuni. - Vit eru eisini partur av nýggja orkuverkinum hjá SEV á Sundi, sum fer at veita Føroyum trygga orku í framtíðini, tá tað ikki regnar ella blæsir. Vit eru partur av nýggja H-bygninginum á Landssjúkrahúsinum, sum fer at loysa tær veksandi og kompleksu avbjóðingarnar innan heilsu og sjúkuviðgerð í framtíðini, sigur Árni Jakobsen. Fleiri skúlaverkætlanir SMJ Ráðgevandi Verkfrøðingar eru við í fleiri skúla­ verkætlanum, sum nú eru komnar væl áleiðis ella nærkast endanum - eitt nú skúlanum á Skúlatrøð í Klaksvík og nýggja skúlanum í Fuglafirði. Fyritøkan er við í skúlanum á Fløtum í Havn, sum kemur at hýsa umleið 1000 næmingum. Fyritøkan hevur eisini eftirlit og tekniska byggileiðslu við el-verkætlanini í Eysturoyartunlinum. - Hetta eru stórar og margfaldar byggiverkætlanir, sum lata seg gera, og vitanin finst í Føroyum. Við okkara vitan og førleikum ynskja vit at vera við til at byggja land, sigur Árni Jakobsen. Sofus var slóðarin SMJ varð stovnað í august í 1969 av Sofusi M. Jakobsen, verk­frøðingi, og fyritøkan ber framvegis hansara for­ bókstavir í navninum. Eftir at hava arbeitt nøkur ár í stórum ráðgevandi verk­ SMJ vil byggja Føroyar - Í fyritøkuni hava vit serkunnleikar, sum vit dagliga umseta til praktiskar og haldbarar loysnir í teimum mongu verkætlanum, sum vit eru partur av, sigur stjórin í SMJ, Árni Jakobsen TEKSTUR VILMUND JACOBSEN MYND ÁLVUR HARALDSIN