mánadagur 2. mars 2020síða 15

15 Mánadagur 6. januar 2014 · Nr. 2 Sosialurin Mánadagur 2. mars 2020 · Nr. 26 Hugskot og viðmerkingar – send sms til 225000 Sjúrður Hildarson Hoydal Føroyskir hondbóltsleikarar í grannalondunum stríðast í hesum døgum í avgerandi løtunum av kappingarárinum. Í donsku 1. deild hjá kvinnum liggur Vendsyssel greitt á odda, eftir at tað eydnaðist at vinna 16. sigurin á rað um vikuskiftið. Tveir føroyskir strikuleikarar eru í Vendsyssel. Pernille Brandenborg hevur havt eitt framúr kappingarár, ið gevur góðar vónir til landsdystirnar, ið Føroyar skulu spæla ímóti endanum av mars- mánað. Bjarta O. Johansen er eisini í Vendsyssel, men gjørdist mamma herfyri, og spælir helst ikki fyrr enn næsta kappingarár. Verða føroyingarnir verandi í Vendsyssel, verður tað helst ímóti heimsstjørnunum í fremstu donsku deildini komandi kappingarár. Helgi og Kjartan vunnu endiliga Í Norra stríðast tveir mansleikarar um at røkka fremstu deildini við Viking Stavanger. Á jólum var næstan givið, at hetta skuldi eydnast, men eftir at hava tapt fýra av teimum fimm dystunum eftir jól sá trupult út. Men sunnudagin bragdaði. Helgi Hildarson Hoydal skoraði fýra ferðir, Kjartan Johansen skoraði sjey ferðir, og í verjuni vóru teir avgerandi fyri, at Viking vann dystin og heldur fast á uppflytingarplássunum. Fríði í uppflytingarfinalu fríggjadagin Í donsku 2. deild stríðist Fríði Weyhe fyri uppflyting við Aars. Endar tú á øðrum plássi í tínum bólki, verður spælt um uppflyting í sonevndum ”play-off”-dystum. Hetta royndu Fríði og Aars í fjør, men tað eydnaðist akkurát ikki. Í ár hevur alt bent á, at Fríði skal royna seg í play- off aftur, men um vikuskiftið tapti oddaliðið Frederikshavn FI púra óvæntað, og so er bert eitt stig á muni áðrenn dystin ímillum Aars og Frederikshavn nú fríggjadagin. - Tað hevur gingið væl hjá mær, sigur ein fegin Fríði. - Serliga í fyrru hálvu hevði eg eitt tíðarskeið har eg føldi at alt riggaði hjá mær, men eftir jól havi eg drigist eitt sindur við skaða, samstundis sum mín kappingarneyti á vinstra bakki hevur verið okkara greitt besti leikari. So tað hevur verið torført hjá mær at fáa líka nógva spælitíð aftur, sum eg gjørdi áðrenn jól, sigur Fríði, sum sjálvur skoraði tvey mál í knúsandi 37-24 sigri fríggjadagin. Kapprenning við oddaliðið - Men tað, sum hevur týdning er er at tað hevur gingið sera væl hjá liðnum í ár. Vit hava bert mist fimm stig higartil, men hava vit tíverri tapt ímóti nummar eitt og nummar trý. Serliga tapið í móti Frederikshavn var tungt, tí tað kennist sum um at hetta kappingarárið er ein kapprenning í móti teimum, sigur fyrrverandi KÍF-leikarin og heldur fram. - Serliga keðiligt var tað at vit taptu við bert einum málið, men vóru frammanfyri við einum tá ein minuttir var eftir, sigur Fríði. Finala fríggjadagin Fríggjadagin kundu Fríði og Aars-liðið fegnast, tí Frederikshavn misti púra óvæntað stig, so munurin nú bert er á einum stigi áðrenn liðini hittast í vikuni. - Nú hava vit eina finalu eftir ímóti Frederikshavn fríggjadagin, sigur Fríði. Eydnast tað, so tykist leiðin til donsku 1. deild opin, men eydnast tað ikki, so eru play- off-dystir á skránni. - Tað er ein langur vegur, tí har er sterk mótstøða. Men vit eru væl betur í ár, enn vit vóru í fjør, sigur Fríði Weyhe at enda. FRÁLÍKT FRÁLÍKT VIKU­SKIFTIÐ VIKU­SKIFTIÐ FYRI FRÍÐA FYRI FRÍÐA OG AÐRAR OG AÐRAR FØROYINGAR FØROYINGAR Fríði Weyhe og Aars tóku um vikuskiftið eitt stórt stig ímóti uppflyting. Tað gjørdu Pernille Brandenborg, Helgi Hildarson Hoydal og Kjartan Johansen eisini Lið Dystir Stig 1 Frederikshavn FI 18 32 2 Aars HK 18 31 3 Stoholm/Viborg Håndbold 18 24 4 Mors-Thy Håndbold 2 18 22 5 Nørre Djurs HK 18 21 6 Hjallerup IF 18 21 7 Tvis 2 18 14 8 Nøvling IF 18 14 9 Skive fH 2 18 10 10 Hammel GF 18 10 11 Randers HH 18 9 12 HRH 74, Roslev 18 8 Lið Dystir Stig 1 Vendsyssel Håndbold 18 33 2 Ringkøbing Håndbold 19 31 3 SønderjyskE 18 21 4 Gudme HK 18 21 5 Roskilde Håndbold 17 21 6 DHG 18 18 7 TMS, Ringsted 19 17 8 Bjerringbro FH 18 16 9 Hadsten Håndbold 17 13 10 Rødovre HK 18 11 11 Sæby HK 18 8 12 IF Stjernen, Odense 18 6 Lið Dystir Stig 1 Fjellhammer 19 30 2 Viking Stavanger 19 28 3 Sandefjord Håndball 19 26 4 Falk Horten 19 22 5 Nøtterøy Håndball 19 21 6 Viking TIF 19 20 7 Kristiansand Topphåndball 19 19 8 Charlottenlund 19 16 9 Sandnes 19 16 10 Lillestrøm TH 19 14 11 LFH09 19 10 12 Bodø HK 19 6 Danmark: 2. deild, menn: Danmark: 1. deild, kvinnur Norra: 1. deild, menn Fríði Weyhe er ein føroysku leikarunum, ið fór at royna seg uttanlands eftir U21-HM í Algeria fyri trimum árum síðani HONDBÓLTUR