mánadagur 9. mars 2020síða 20

Mánadagur 9. mars 2020 · Nr. 29 20 Sosialurin Hugskot og viðmerkingar – send sms til 225000 Tróndur Arge Hallur Hansson var í gjár partur av einum sermerktum dysti, tá AC Horsens vann 1-0 í Parkini móti FCK. AC Horsens hevur annars fingið eina vánaliga byrjan upp á seinnu hálvu av kappingarárinum. Liðið hevur tapt allar tríggjar dystirnar undan dystinum í gjár. Av tí sama vóru vónirnar einki serligar undan dystinum. -Vit møta einum – á pappírinum – sterkum mótstøðuliði, men styrkin vísti seg ikki at vera so ræðandi. Vit fóru óimponeraðir fram at trýsta teir tað mesta av dystinum, og fingu teir at spæla nógv við longum sendingum. Tað passar okkum bara heilt fínt. Og so skora vit uppá ein deyðbólt, tá tíggju minuttir eru eftir. Tá var rímiliga lætt at verja tað heim, sigur Hallur Hansson, sum var á vøllinum allan dystin. AC Horsens spældi so seint sum í vikuni í donsku steypa­ kappingini, har tað endaði við longdari leiktíð og brots­ sparkskapping, áðrenn AC Horsens vann seg víðari móti Silkeborg IF. Tað ger bara sigurin enn meiri imponerandi, tí AC Horsens hevur ikki ein breiðan hóp. Parkin var tóm Tað plagar at verða nógvur larm­ur, tá spælt verður í Parkini. FCK hevur van­liga nógvar áskoðarar til heima­ dystirnar, men í gjár var bara ein áskoðari í Parkini. Ståle Sol­ bakken hevur fingið bann og kundi tí ikki sita á bonkinum saman við eykaspælarunum og restini av venjaratoyminum. Tað gav kanska AC Horsens ein fyri­mun, tí FCK fær ikki hjálp av ídnu viðhaldsfólkunum, men tað ávirkar eisini stemn­ ing­in á leikvøllinum. -Nei, tað var ikki serliga skeg. Sum eg segði við Horsens Folkeblad, so hevði stemn­ ing­urin verið væl villari við áskoðar­um. Tað minti eitt sindur um ein venjingardyst, sigur Hallur Hansson. Orsøkin er coronavirusið, ið ger um seg kring tað mesta av heiminum eftirhondini. Tað hevur eisini ávirkan á lívið sum fót­bóltsspælari í AC Horsens. -Sum alla aðrastaðis, so hevur verið prátað nógv um corona. Her í AC Horsens hava teir verið dugnaligir til ikki at taka nakrar kjansir. Her er einki lógvatak millum liðfelagar, teir hava fjernað alla dagliga gongd á stadion. Tað eru bert vit her, hond­spritt er allastaðni og vit hava fingið forboð at vera á al­ mennum støðum, har onnur fólk eru, sigur Hallur Hansson. Má onkuntíð traðka á tarnar hjá liðfeløgum Hallur Hansson er liðskipari hjá AC Horsens og undan­ gongu­maður, tá tað skal stríðast. Tað kom til sjóndar, tá AC Horsens fyri viku síðan tapti á heimavølli móti Randers. AC Horsens kundi fing­ið eitt brotsspark, men tað vildi Hallur ikki hoyra talan um tá. Hann segði millum annað: -Tað er ein lorta kensla vit hava og eg havi tað ikki gott nú. Vit lata ov lætt mál ígjøgnum og tað kann ikki halda fram. Vit mugu finna upp á okkurt annað. Tað verður ringt at vinna, tá tú letur tvey til trý mál inn hvønn dyst. Vit gera fleiri ting væl og skapa nakar møgu­leikar, men vit lata ov nógv mál inn. Eg tími ikki at tosa um dómaran. Tað er upp til okkum at arbeiða harðari, segði Hallur Hansson argur á málinum. Hann fekk rós frá frá­søgu­manninum og við­ merkjara­num á TV3 Max, sum vísti dystin, tí hann liðskiparin var erligur og vildi iki geva dómara­num skyldina. Síðani hevur AC Hors­ens vunnið seg víðari í steypa­ kappingini og vunnið á FCK í Superliguni. Hallur ásannar, at hann brúkti stór orð, men tað vísur eisini á, at hóast talan er um vinmenn, so eru teit liðfelagar fyrst og fremst. -Tað kann væl vera, at tú sum lið­felagir eru vinmenn, men tú ert fyrst og fremst liðfelagir. Tá alt kemur til alt, so spæla vit fótbólt fyri at vinna. Tað merkir, at tú viðhvørt møguliga traðkar á tarnar á onkrum, so má tað verða soleiðis. Eftir okkara vánaligu byrjan hava vit allir verið klárir yvir, at har skuldu aðrir bollar í suppuna og tað vístu vit so dyggiliga í gjár, sigur Hallur Hansson. Langur vegur á mál Hóast tað er stórt at vinna í Parkini, so gevur tað ikki fleiri enn trý stig. AC Horsens er kom­ið í niðurflytingarvanda, tí lið­ið endar í einum av tveimum niðurflytingarbólkunum. -Sum tað sær út nú, so enda vit í dynamit-bólkinum í niðurflytingarspælinum. Øll segl verða sett inn fyri ikki at enda á triðja plássinum í Hallur Hansson og AC Horsens vunnu í gjár púra óvæntað 1-0 á FCK í Parkini. Sermerkt við dystinum er, at tað var bara ein áskoðari. Tað var venjarin hjá FCK, Ståle Solbakken, sum hevði bann Útisetar: FÓTBÓLTUR HALLUR: HALLUR: VIT HAVA VIT HAVA FORBOÐ FYRI AT FORBOÐ FYRI AT VERA Á ALMENNUM VERA Á ALMENNUM STØÐUM STØÐUM