hósdagur 12. mars 2020síða 9

FRÍGGJADAGUR 13. MARS 2020 SOSIALURIN 31 9 Tíðindi Mæla ferðafólki frá at koma til Føroyar – Vit eru sannførd um, at tað einasta rætta er at avmarka ferðafólkaferðsluna til Føroyar so nógv sum til ber, sigur Guðrið Højgaard, stjóri á Visit Faroe Islands ÁKI BERTHOLDSEN F erðafólk eiga ikki at koma til Føroya nú í mars mánaði – fyribils. Soleiðis ljóðar tilmælið frá Visit Faroe Islands til ferðafólk kring allan heimin. Landsstýrið heitir í dag á felags­ skapir, vinnulív og før­oyingar sum heild, at taka øll neyðug fyrivarni, so vit framhaldandi kunnu hava tamarhald á støðuni Og eisini á Visit Faroe Islands taka tey lut í kampinum ímóti Corona og fyribils mæla tey øll­ um ferðafólkum frá at koma til Før­oyar í mars mánað. – Øll marknaðarføring verður lagað til hetta tilmælið, og hesa næstu tíðina avlýsir ella útsetur Visit Faroe somuleiðis øll tiltøk, ið savna nógv fólk. Frammanundan hevur Smyril Line gjørt av, at tey fara ikki at sigla við ferðafólki hesa næstu tíð­ina.  – Sostatt verður stóra átakið “Closed for Maintenance, Open for Voluntourism,” ið skuldi vera 16-17. apríl, útsett og stóra ferða­ vinnu­messan “Visit Faroe Islands Fam-shop” fyrst í mai verður av­ lýst.  – Vit eru sera hørm um hesa støðuna, sum fer at hava stórar avleiðingar fyri spírandi føroysku ferðavinnuna. Vit eru tó sannførd um, at tað einasta rætta er at av­ marka ferðafólkaferðsluna til Føroyar so nógv sum til ber, sigur Guðrið Højgaard, stjóri á Visit Faroe Islands. – Vit eru eisini sannførd um, at vit í felag fara at megna hesa støð­una og at menningin innan ferðavinnuna fer at halda áfram, tá smittuvandin er av, leggur hon afturat. Landsstýrið má ikki gloyma tey tímaløntu – Tað er týdningarmikið er, at landsstýrið tryggjar, at løntakarar í privatu vinnuni heldur ikki vera raktir fíggjarliga av hesum umstøðunum, siga fakfeløg í fráboðan ÁKI BERTHOLDSEN F akfeløg vilja nú hava sam­ gonguna eisini at hugsa um tey tímaløntu, ikki fara at sleppa til arbeiðis Tey, sum verða send heim í sam­ bandi við Corona sjúkuna, skulu ikki missa løn. Tað vísir løgmaður á, nú tiltøkini ímóti corona eru munandi herd.– Arbeiðarafeløgini heita á landsstýrið um at tryggja, at øll í privatu vinnuni eisini fáa løn, um tey verða rakt av íkomnu støðuni, siga fimm fakfeløg nú í eini yvirlýsing. – Undirritaðu feløg vilja tískil kunna limirnar um, at landsstýrið hevur tryggjað, at tey, sum arbeiða hjá landi og kommunum, fáa løn, siga tey fimm fakfeløgini. Hetta er galdandi fyri all­ar løntakarar og tískil fáa dag­røkt­ ar­ar, vaskifólk, húsavørðar og onn­ur arbeiðsfólk hjá landi og komm­unum løn, hóast tey eru send heim. Men nú heita tey á landsstýrið um at bera so í bandi, at aðrir løn­ tak­arar, sum ikki sleppa til ar­ beiðis í privatu vinnuni, eisini eru tryggj­aðir vanligu lønina. –  Væntast kann, at fólk ikki sleppa til arbeiðis, tí ansing­ar­ stovnar eru stongdir, ar­beiðs­ plássið verður stongt, fólk eru í sótt­arhaldi ella aðrar umstøður eru vegna íkomnu støðuna. – Tað er týdningarmikið er, at lands­stýrið tryggjar, at løntakarar í privatu vinnuni heldur ikki vera raktir fíggjarliga av hesum um­ støðunum, ið tey sjálvi onga ávirk­ an hava á, men sum partvís er ein av­leiðing av teimum tilmælum, sum landið hevur skipað fyri.  – Feløgini skilja álvarsomu støð­ una, og at átøk mugu gerast fyri at steðga smittuni, men vilja sam­ stundis tryggja, at fólk ikki koma í fíggjarligt óføri, siga tey fimm fak­feløgini. Og yvirlýsingin er undir­skrivað av: Georg F. Hansen, for­manni í Føroya Arbeiðarafelag,  Hans Joensen, formanni í Havn­ ar Arbeiðarafelag, Vigdis Jo­ hanne­sen, forkvinnu í Havnar Ar­beiðs­kvinnufelag,  Jastrid W. Nicla­sen, forkvinnu í Klaksvíkar Ar­beiðs­kvinnufelag og Absalon Hansen, formanni í Klaksvíkar Ar­beiðsmannafelag Fólk sleppa ikki at hamstra heilivág Apotekið sigur, at eingi tekin eru um, at heilivágur fer at mangla ÁKI BERTHOLDSEN H igartil eru ikki tek­in um veitanar­trup­ ulleikar av heilivági til føroyingar. Tað sigur Hjalti Gunnarstein, landsapotekari. Men fyri at kunna tryggja sær, at heilivágur ikki fer at mangla í, fer eisini Apotekið at seta tiltøk í verk. Hetta merkir, at fólk sleppa ikki at hamstra heilivág, tí tey fáa ikki meiri enn ta nøgd av heilivági, ið svarar til eina van­ liga nýtslu hjá tí einstaka. –  Somuleiðis kunnu við­ skiftafólk bert keypa ein pakka í senn, av sama slagi av heili­ vági, sum er í hondkeypi. – Vit mæla fólki til at vísa sam­felagsanda og ábyrgd og tí mæla vit frá, at fólk keypa heili­ vág niður fyri, sigur apotekarin. Hann heitir eisini á við­ skiftafólk á Apotekinum um at halda seg passaliga langt frá øðrum fólkum, men reglurnar eru, at hava fólk sjúktekin, eiga tey ikki at koma á aoptekið. Og samstundis heita tey á viðskiftafólk um at nýta gjaldskort fyri at sleppa undan at handfara pengar, sum hava verið ígjøgnum fleiri hendur. – Vit mæla fólki til at vísa samfelagsanda og ábyrgd, og tí mæla vit frá, at fólk keypa heilivág niður fyri, sigur Hjalti Gunnarstein, landsapotekari – Feløgini skilja álvarsomu støðuna, og at átøk mugu gerast fyri at steðga smittuni, men vilja samstundis tryggja, at fólk ikki koma í fíggjarligt óføri, siga fakfeløg í fráboðan – Vit eru sannførd um, at vit í felag fara at megna hesa støðuna, og at menningin innan ferðavinnuna fer at halda áfram, tá smittuvandin er av, sigur Guðrið Højgaard, stjóri á Visit Faroe Islands