mánadagur 16. mars 2020síða 8

8 Sosialurin Hugskot og viðmerkingar – send sms til 225000 Mánadagur 16. mars 2020 · Nr. 32 TÍÐINDI – Vit hava rakt eitt ísfjall Tilverugrundarlagið er togað undan, og gistingarvinnan í Føroyum er í løtuni í fríum falli. Fólk eru farin at avlýsa gistingar í Føroyum, og í løtuni er so at siga einki virksemi, sigur Pætur Trónd Thomsen, stjóri á Hotel Hafnia Steinar Patursson - Vit hava rakt eitt ísfjall, og vit vita ikki, hvat umfangið av hes­um er enn. Soleiðis sigur Pætur Trónd Thomsen, stjóri á Hotel Hafnia og nýggja Hotel Brandan, sum eftir ætlan skuldi lata upp fyrst í mei mánaða. Covid-19 kreppan er av álv­ ara farin at gera um seg í ferða­ vinnuni, og støðan hjá Hotel Hafnia er álvarsom í løtuni. – Eg kann siga so mikið nógv, at eksistensgrundarlagið hjá okkum er fullkomiliga for­ svunnið. Støðan verður lýst nokk so væl av veðrinum beint nú. Vit eru komin í ein storm, tað eru 100 metrar um sek­ undið, og vit mugu bara royna at standa á beinunum. Hetta fer at sláa ordiliga hart. Eingin ivi um tað. Pætur Trónd Thomsen greið­ ir frá, at Hotel Hafnia hev­ur havt tann besta januar og tann besta februar mánaðin nakr­ an­tíð, men nú er støðan brád­ liga vend á høvdið. Fyri einum mánaði síðani var støðan so góð, at Hotel Hafnia leitaði eftir nýggjum starvsfólki, tí tørv­ur var á tí. Nú eru kortini bók­ingar broyttar til avlýs­ing­ ar. – Beint nú koma avlýsing­ar­ n­ar allatíð. Vit mugu bara taka hetta dag fyri dag. – Avlýsingarnar blíva við at koma. Vit kenna ikki umfangið av hesum enn, og tað er loyp­ andi, meðan støðan verður spískað til. Komandi tíðina eru vit steðgað fullkomiliga upp, og vit mugu bara taka tað dag fyri dag fyri at síggja, nær tað verð­ur betri. Tingini skulu nokk koma upp at koyra aftur, men eg trúgvi ikki, at tað verð­ ur um tvær vikur. Tað verður ein løta, áðrenn tingini koyra aft­ur. Støðan ger seg inn á starvs­ fólka­hópin, ásannar Pætur Trónd Thomsen, sum fyri ein­ um mánaði síðani leitaði eftir nýggj­um starvsfólki. – Nú standa vit knappliga í mótsett­ari støðu, mugu vit ásanna. Vit hava sent fyrstu fólk­ini í feriu, og vit hava verið noydd at siga farvæl við nøkur fá. Nú mugu vit síggja, hvat fer at henda, men fleiri verða send í feriu, og summi mugu send­ ast heim í eina løtu, meðan vit bíða eftir, at tingini koma upp at koyra aftur. Pætur Trónd Thomsen legg­ ur tó aftrat, at eingin í føstum starvi er sendur heim, og hann vónar, at hjálparpakkin hjá lands­stýrinum fer at tryggja, at hetta eisini verður óneyð­ ugt. – Men sum støðan er nú, so hava vit einki virksemi. So eink­ult er tað, sigur Pætur Trónd Thomsen. Smyril Line, sum eigur og rekur Hotel Hafnia, hevur sein­astu tíðina eisini verið í ferð við at byggja nýggja Hotel Brand­an, har Pætur Trónd Thomsen eisini er stjóri. Tá spurdur um, hvørjar avleið­ing­ ar hetta hevur fyri nýggja hotel­byggjaríið, svarar Pætur Trónd Thomsen, at tað fær hann í løtuni ikki svarað uppá. Landsstýrið boðaði í gjár frá, at ein fíggjarligur hjálpar­ pakki er í ger, sum skal skal forða fyri, at óneyðuga nógv starvs­fólk verða send til húsar or­sakað av corona-kreppuni. Pæt­ur Trónd Thomsen metir, at hjálp­arpakkin kann hjálpa einstaklinginum, men sum fyritøka fær Hotel Hafnia ikki stórvegis burtur úr pakkanum. – Hjálparpakkin hjálpir ein­ stak­lingum, og hann hjálpir nøk­unlunda. Men eg vildi mett, at upphæddin er ov lá at tryggja fólki eitt hampiligt livi­støði. Hjá okkum sum fyri­ tøka hjálpir pakkin ikki nakað serligt. Ein partur av hjálpar­pakk­ an­um er, at MVG-gjaldið verð­ ur útskotið frá 10. mei til 24. aug­ust. Hetta ger kortini ikki stórvegis mun á botnlinjuni hjá Hotel Hafnia. – Hetta ger onga mun. Tað er bara at útskjóta trupulleik­ ar­nar. Her mugu heilt áðrir bólt­ar á vøllin, skal hetta hjálpa fyritøkum. At útskjóta MVG'ið er ein stuttskygd loysn. Eg trúgvi kortini, at tað fer at koma av sær sjálvum, at har koma onnur hjálpartiltøk. Men akkurát MVG'ið hjálpir ikki nakað serligt.