mánadagur 16. mars 2020síða 17

17 Mánadagur 6. januar 2014 · Nr. 2 Sosialurin Mánadagur 16. mars 2020 · Nr. 32 Hugskot og viðmerkingar – send sms til 225000 Avrikini hjá nýggju málmaskinuni í Neistanum eru ikki farin fram við í hondbóltsheiminum. Fleiri feløg hava víst áhuga, og nú hevur Dánjal Ragnarsson gjørt avtalu við Skanderborg, ið hevur góðar royndir av føroyingum HONDBÓLTUR Sjúrður Hildarson Hoydal - Eg var niðri og vitjaði í Skand­ er­borg í síðstu viku, og eg skuldi so venda aftur við einum svari, sigur Dánjal Ragnarsson, sum um vikuskiftið fylti 19 ár. Nú hevur hann so gjørt eina munnliga avtalu um at spæla við U19-liðnum hjá Skander­ borg komandi kapp­ingarár. Hevur skotið næstflest mál í Føroyum Neistamaðurin fekk eitt satt gjøgnumbrot seinasta kapp­ ingar­ár, og í ár hevur hann verið millum allardrúgvastu mál­skjúttarnar í Føroyum. Í løtuni er hann á øðrum plássi á toppskjúttalistanum í Okkaradeildini. Við teimum tíggju málunum hann skoraði í Vest­manna mikukvøldið, er Dánjal Ragnarsson komin upp á 111 mál í ár. Tvey fleiri enn Nicklas Selvig, men framvegis nakað aftanfyri Filip Jojic, sum hevur skotið 154 mál. Tilboð úr Norra Umheimurin hevur givið av­rik­unum gætur, og fyri stutt­um vóru teir báðir, Dánjal Ragnarsson og Trónd­ ur Mikkelsen í Norra til royndarvenjing. Júst heim­ kom­in skuldi Dánjal spæla steypafinalu við U18-dreingj­ um. Og tað gjørdist ein minnilig finala, tá ið Dánjal við 21 málum syrgdi fyri at Neistin akkurát kopp­aði H71, sum var undir leiðslu av Eliasi E. á Skipagøtu, sum hetta kvøldið skoraði 18 mál. Hondbóltsheimurin fylgir føroyskum ungdómi Umheimurin mundi fylgja við stroymingini av finalunum, tí dagarnar eftir komu inn­bjóð­ ing­ar­nar. Har vóru fleiri ið vendu sær til neistamannin. Millum annað umboð fyri hondbóltsskúlan hjá Skanderborg, SHEA, har før­oy­ingar hava gjørt um seg fyrr. Tað var hagar at Jóhan á Plógv Hansen fór á sinni. Áki Egils­nes royndi seg eisini her, og seinastu tvey kappingarárini hava teir báðir Pauli Jacobsen og Hákun West av Teigum verið á U16 og U18-liðnum. Teir vunnu í fjør steypakapping og meistaraheitið saman við Eliasi Ellefsen á Skipagøtu, sum síðani kom heim at venda, og næsta ár skal spæla yrkis­ hondbólt í Svøríki. Á kvinnu­ lið­num er eisini føroysk um­ boð­an við málverjanum, Rakul Wardum. Fekk boð dagin eftir U18-finaluna - Skanderborg vendi seg til mín dagin eftir steypafinaluna, sigur Dánjal, sum síðani fór niður at vitja. Tað var ikki neyðugt at royndarvenja, tað var heldur eitt tilboð um at koma at royna seg komandi kapp­ingarár, sigur Dánjal, sum prátaði nógv við føroyingarnar Hákun og Paula tá ið hann vitjaði í Skanderborg. Komandi kapp­ingarár vera teir eftir øllum at døma liðfelagar. Neistamaðurin verður liðug­ ur við miðnámsútbúgving í ár, og hevur leitað sær møguleikar uttan­lands komandi kapp­ ingar­ár. Góður pallur og tað rætta stigið - Tað kendist sera spennandi og eg helt, at hetta var tað besta fyri mína framtíð, við tí teir kunnu bjóða við bæði krops­ ligari og hondbóltsligari menn­ ing. -Eg havi eisini tosað við Rasmus (Søby, blm.), sum hevur givið mær góða vegleiðing, og hann helt eisini at hetta var gott eitt stig at taka. Skanderborg hevur gott orð á sær fyri at ala yrkisleikarar, og Dánjal greiðir frá, at hetta er undir øllum umstøðum ein góð­ur pallur at sýna seg fram. - Um tú ikki spælir teg til ein sáttmála her, so kann tað hjálpa at fáa ein í øðrum feløg­ um, sigur Dánjal. Skal spæla bakkur og taka uppá Dánjal er eyðkendur fyri at hava roynt seg á fleiri plássum. Flestu málini munnu koma av vinstra bakki, men serliga av vinstra vongi koma fleiri eisini, eins og skjótálop og brotskøst føra til nógv mál. - Eg havi altíð spælt vinstri bakk­ur og miðja. Tá ið vit vóru í Georgia við U18-landsliðnum í 2018 var eg so vinstri vongur, og í FM-finalunum í fjør spældi eg næstan bara á høgra vongi. Steypa­finaluna spældi eg so á vinstra bakki, so tað hevur verið nógv broyting. So í ár, tá ið Mads (Rydal, blm.) kom, helt hann at eg skuldi spæla mest vinstri vong­ ur og so loysa av á bakkinum. - Eg havi so byrjað so at siga hvønn dyst á vinstra vongi, men komi eisini nógv inn á vinstra bakk eftir eina løtu, sigur Dánjal, sum hevur fingið at vita, at hann skal spæla har tað hóvar honum best í Skander­borg: Á bakkinum. - Tað verður mest bakkur og miðja, men eg skal líka fáa nøkur kilo afturat uppá. Tað fara vit at arbeiða uppá í summar, og eg fái eina venj­ ingar­ætlan frá teimum, sigur Dánjal, sum gleðir seg til júst hetta; at venja í tí umhvørvi, sum Skanderborg bjóðar. Einki at gera við óhepnan steðg Í løtuni er venjingarumhvørvið ikki tað allarbesta nakra­stað­ ni. Um alt Evropa er hond­ bólts­spæl steðgað, og í løtuni verður roynt at finna loysnir til styrkis­venjing og annað, uttan at leikarar koma í smittuvanda. Steðgurin kemur júst sum at Neistin hevði ein góðan møgu­leika at vinna sær næst­ fremsta plássið í Okkara­deild­ ini, og Dánjal sjálvur hev­ur skotið ávikavist 6, 14 og 10 mál í teimum seinastu sera av­ger­ andi dystunum. - Tað er sjálvandi keðiligt, og eg kendi eisini at vit høvdu gott ’mom­entum’, men tað er ikki so nógv at gera við í hesi keðiligu støðuni, sigur Dánjal, ið nú eisini hevur eina avbjóðing við at taka kiloini hjá sær uppá. - Eg má venja við egnari krops­vekt og fara nakrar renni­ túr­ar, sigur Dánjal Ragnarsson at enda. sjurdur@sosialurin.fo DÁNJAL DÁNJAL TIL SKANDERBORG TIL SKANDERBORG Dánjal Ragnarsson hevur í ár trokað seg upp ímillum vanligu stórskjúttarnar, Filip Jojic og Nicklas Selvig. Filip Jojic VÍF 154 Dánjal Ragnarsson Neistin 111 Nicklas Selvig KÍF 109 Anders Risdal Kyndil 83 Hjalti Mohr Jacobsen Kyndil 82 Máltindurin: