týsdagur 17. mars 2020síða 9

9 Sosialurin Hugskot og viðmerkingar – send sms til 225000 Mikudagur 18. mars 2020 · Nr. 33 TÍÐINDI Frants Jensen Hann kennir væl til tíðar­ skeið­ini, tá ið spaniólar og italienar eta saltfisk. Tað er um veturin og ser­ liga í føstuni. Men tá ið pásk­ir­nar koma, steðgar upp. – Soleiðis hevur tað ver­ið í nógv ár. Men í ár er øðr­vísi. Vit skuldu senda fýra lastbilar avstað við salt­fiski í síðstu viku, men tað fóru bara tveir. Eg veit ikki enn, hvussu tað verður hesa vikuna, sigur Páll Gregersen. Italia og Spania eru mest sum afturlatin í løtu­ni. – Matvøra sleppur tó ígjøgnum, og tað er gott. Men kundarnir eru sera varnir. Nógv verður van­ liga selt víðari til smáar gøtu­marknaðir, men hesir gøtumarknaðir eru stongdir í løtuni. Nakað verður eisini selt til keyps­mið­støðir, og har er opið. Men tað eru tó av­mark­ingar á, so at ikki ov nógv fólk sleppa inn í handil­in samstundis. Okkara kundar eru tí sera varn­ir at keypa, sigur Páll Greger­sen. Bremsa Tey umleið 100 starvs­ fólkini á Fiskavirkinum í Gøtu hava tó havt reglu­ ligt arbeiði. Tað er bæði feskur og frystur fiskur, tey hava arbeitt. Men hvussu verður framyvir, er ógreitt. – Vit kunnu framleiða, so at vit hava vøru á goymslu. Tað eru vit van­ ir við at gera. Men vit mugu eisini ansa eftir, tí at vit mugu eisini tryggja okkum, at vit sleppa av aft­ur við vøruna seinni. Um einki fer víðari, so steðg­ar upp. Tí mugu vit kanska bremsa eitt sindur, sigur Páll Greger­ sen. Rakar fiskimenninar At kundarnir í Spania og Italia aftra seg við at keypa saltfisk úr Før­oy­ um, ávirkar ikki bara salt­ fiskavirkini í Før­oy­um, men eisini skipini, sum fiska tosk. – Fleiri av skipunum hava ligið í seinastuni. Bæði tí at tað hevur verið ringt veður og harður streym­ur. Men prísurin er eisini lækkaður. Tí rak­ar tað fiskimenninar, sigur hann. Spritta í langar banar Hóast almennu myndug­ leik­arnir nú mæla til, at ikki fleiri enn 10 fólk eru í rúmi saman, so koyrir arbeiðið tó víðari á Fiska­ virkinum í Gøtu. – Vit hava tikið atlit til tilmælini, ið eru komin. Øll fólkini fara ikki í kaffi- ella matarsteðg sam­stundis, men í smærri bólkum. Tað er spritt í langar banar á virkinum, og vit royna at ansa eftir í aðrar mátar, sigur Páll Greger­sen. frants@sosialurin.fo Páskirnar koma tríggjar vikur fyrr í ár – Føstan er háárstíð hjá okkum fyri sølu av saltfiski. Men í ár er støðan ein onnur. Keypararnir eru sera varnir, og sum tað sær út, koma páskirnar til okkara einar tríggjar vikur fyrr enn vanligt, sigur Páll Gregersen, stjóri á Fiskavirkinum í Gøtu Sølan næstan steðgað upp – Vit kunnu arbeiða eina tíð afturat og fylla goymslurnar, men tað er spurningurin, hvussu leingi vit gera tað. Sølan er næstan steðgað upp, sigur Jógvan Gregersen, stjóri á Vaðhorn á Strondum Frants Jensen Tað er Italia og Spania, sum eru høvuðs­mark­nað­ ir­nir hjá salt­fiska­virki­num Vaðhorn á Strond­um. Men, sum tey flestu vita, so eru tey londini næst­an fullkomuliga aftur­lat­in, og tað er av­mark­að, hvat verður selt til í løtu­ni. – Tað er eitt sindur tungt í løtuni. Matstovur er millum annað kundar hjá okkara kundum. Men har er steðgað upp. Vit taka ein dag í senn, so mugu vit síggja, hvat hend­ir, sigur Jógvan Greger­sen. Sølan er vanliga í hædd­ini hesa tíðina á ári­ num, men soleiðis er ikki í ár. – Páskirnar koma eitt sind­ur fyrr enn vanligt, sigur Jógvan Gregersen. Steðga um ov stór goymsla Í eina tíð kann Vaðhorn halda fram at framleiða salt­fisk. – Vøran heldur sær leingi, men vit mugu eisini sleppa av við vøru­ na. Um goymslan verður ov stór, so steðga vit, sig­ ur Jógvan Gregersen. – Tað eru ikki vit, ið av­ gera prísin. Tað er mark­ naður­in, sigur hann. Fæst ikki nógv fyri hýsu Stjórin vil tó ikki bara lata illa at. – Prísurin á toski hev­ ur verið sera høgur síðstu tíð­ina, og tað hevur ging­ ið væl. Í seinastu viku var tó eitt fall á umleið 10 prosent, sigur Jógvan Greger­sen. Men at sølan steðgar upp úti í heimi, ávirkar eisini fiskavirki og fiski­ mannin í Føroyum. – Fleiri bátar eru fram­ vegis ikki farnir út­aftur. Tað er hýsan, ið er trupul­ leikin. Tað fæst ikki nógv fyri hana í løtuni, sigur hann. 70 stravsfólk 70 fólk starvast á Vað­ horn. Eisini har royna tey at ansa eftir, so ikki ov nógv fólk eru tætt saman. – Vit eru á einum øki, ið er yvir 3000 fermetrar. Vit halda frástøðu, øll eru ikki til kaffi í senn, vit sita spjødd, og vit nýta nógv spritt, sigur stjórin á Vað­horn. frants@sosialurin.fo Páll Gregersen, stjóri á Fiskavirkinum í Gøtu Jógvan Gregersen, stjóri á Vaðhorn á Strondum