hósdagur 19. mars 2020síða 5

FRÍGGJADAGUR 20. MARS 2020 SOSIALURIN 34 5 PERSÓNSSØGA – Í nøkrum førum má eg lata mína egnu meining víkja, og heldur seta tað í verk, sum politikararnir hava tikið avgerð um, sigur Jákup Frants Larsen, kommunustjóri í Fuglafirði síðstu 45 árini, sum nú fer frá fyri aldur. Nú fær hann enn meira tíð til eitt av stóru áhugamálunum, bilar FRANTS JENSEN FRANTS@SOSIALURIN.FO Í 45 ár hevur hann verið komm­unustjóri. Hann hev­ ur arbeitt undir seks ym­ iskum borgarstjórum. Hann hevur betri innlit í tað, sum er hent í Fuglafirði síðstu hálvu øld­ ina, enn nakar annar. Men nú er ald­urin komin, og í heyst fer hann frá. Vit sita á skrivstovuni hjá komm­ unustjóranum í Fugla­fjarð­ar kommunu. Ein bygningur mið­ skeiðis í býnum, sum í sín­ari tíð varð bygdur sum eitt snikk­ara­ virki, men sum nú í nógv ár hevur hýst umsitingini í kommununi. Aftanfyri skrivaraborðið hjá kommunustjóranum hongur ein málningur á vegginum, sum Frits Johannesen hevur málað. – Vit hava fleiri listafólk í Fugla­firði, og eg havi málningar av teimum øllum heima við hús, sigur Jákup Frants Larsen. Ráðgeva væl – Mín uppgáva sum býráðsskrivari, sum tað æt fram til 1998, nú komm­unustjóri, hevur verið at komið við so góðari ráðgeving sum møguligt. Bæði borgarstjóri, býráð, fíggjarnevnd, minniluti og meiriluti skulu hava rætta ráð­gev­ ing. Og um eg ella onnur á skriv­ stovuni ikki vita, so ræður um at fáa ráðgevingarhjálp uttanífrá. Tú skalt minnast til, at tú arbeiðir í eini politiskari skipan. Tað er týdn­ingarmikið at vera erligur og opin, óansæð um tað smakkar væl ella ikki smakkar væl hjá polit­ikarunum. Tú mást siga tína meining, og tað hevur altíð verið væl tolt. Eg havi upplivað, at eg havi verið virdur bæði av meiri­ luta og minniluta fyri tað, sum eg eri komin við, sigur Jákup Frants Lar­sen. Má vera loyalur Men í politikki er ikki altíð semja um tingini, og onkuntíð er tað hent, at avgerðir eru tiknar, sum ganga øvut av tí ráðgeving, sum kommunustjórin hevur givið. – Tú skalt altíð vera loyalur yvir fyri teimum avgerðum, ið eru tiknar á røttum stað. Tað er tað, sum er galdandi. So mást tú heldur lata tína egnu meining víkja, men føra tað út í lívið, ið avgerð er tikin MÁ LATA MÍNA EGNU MEINING VÍKJA Jákup Frants Larsen, kommunustjóri í Fuglafirði, á skrivstovuni við einum málningi av Frits Johannesen í baksýni. Mynd: Frants Jensen FAMILJAN Jákup Frants Larsen er giftur við Marjun Larsen, sum er úr Oyndarfirði. Tey eiga synirnar Erling, Petur og Einar. Tilsamans eiga tey sjey abba- og ommubørn. – Tað hevur mangan verið strævið hjá konuni, tá ið eg hevði drúgvar arbeiðsdagar. Men hon hevur staðið aftanfyri øll árini, og tað hevði ikki borið til, um hon ikki stuðlaði, sigur Jákup Frants Larsen. Eg havi arbeitt saman við seks borgarstjórum. Tað hevur verið gott at arbeitt saman við teimum øllum