hósdagur 19. mars 2020síða 15

FRÍGGJADAGUR 20. MARS 2020 SOSIALURIN 34 15 Her er tað, teir skriva: Tað kemur aftur ein dagur, tá ið vit kunnu vera saman. Lat ikki óttan fáa valdið. Ver nakað fyri onnur. Farsóttin hevur tikið yvir í heiminum. Landið er avlamið. Gerandisdagurin er broyttur. Vit mugu bíða og halda fast í vónini. Fleiri av okkum óttast, at vit sjálvi ella onkur av okkara næstringum gerast sjúk. Ella vit óttast at missa okkara arbeiði, ella at tað verður eitt búskaparligt skrædl. Men vit eiga ikki at geva okkum óttanum í vald. Vit eiga at hava álit á, at Gud hevur skapað heimin, og at alt endar væl. Trúgv tó at. Trúgv er at síggja alt tað góða, sjálvt um tað er trupult at fáa eyga á í løtuni. Vit gerast óð, tá ið vit halda, at atburðurin hjá øðrum ikki er ábyrgdarfullur og ikki tekur atlit til felagsskapin. Men sjálvt um vit eru í hvør sínum heimi og standa langt frá hvørjum øðrum í handlinum, so skulu vit saman ígjøgnum tað, sum vit júst uppliva. Halt fast í tí, at næstin er ein gáva, sum Gud hevur givið tær, og sum tú hevur ábyrgd fyri. Sjálvt um tað kennist so­ leiðis, so eru vit ikki einsamøll. Ein dagur kemur, tá ið vit aftur kunnu rætta hvørjum øðrum hond og halda um hvønn annan. Til tá skulu vit halda út og líta á, at deyðin, einsemið og myrkrið ikki hava síðsta orðið. Lívið og kærleikin er sterkast. Tað er Guds lyfti til okkara. Latið okkum saman finna veg út úr kreppuni, vit eru í, styrkt og við størri innliti í eina felags framtíð. Kirkjurnar, sum hava staðið í øldir, eru læstar nú. Vón­ar­inn­ ar hús má ikki gerast eitt stað, har vit verða smittað. Men vit eru framvegis til staðar sum fólka­kirkja. Tað ber framvegis til at fáa fatur í presti. Vit vóna og biðja eftir, at vit sum fólk mugu styrkjast í hesum tíðum, sum krevur nógv av nógvum. Mátti Gud givið okkum styrkina at komið ígjøgnum hetta. Máttu vit í orð­unum hjá syni hansara verið eggjað til at møta okkara næsta, sum líður, og hyggja til okkara granna, sum møguliga er bangin og einsamallur. Og mátti andi hansara givið okkum mót at halda út og vón­ ina at koma ígjøgnum hetta. Henning Toft Bro, biskupur í Ålborg Stift Henrik Stubkjær, biskupur í Viborg Stift Elof Westergaard, biskupur í Ribe Stift Marianne Christiansen, biskupur í Haderslev Stift Tine Lindhardt, biskupur í Fyens Stift Marianne Gaarden, biskupur í Lolland-Falster Stift Peter Fischer-Møller, biskupur í Roskilde Stift Lise-Lotte Rebel, biskupur í Helsingør Stift Henrik Wigh-Poulsen, biskupur í Aarhus Stift (talsperson på henvendelsen) Peter Skov-Jakobsen, biskupur í Københavns Stift Jógvan Fridriksson, biskupur í Føroyum Sofie Petersen, biskupur í Grønlandi Áheitanin er send mikudagin 18. mars. Biskupar: Lat ikki óttan fáa valdið Teir 10 donsku biskuparnir hava saman við føroyska og grønlendska biskupinum sent út eina áheitan um at halda fast í vónini og at vera eitt medmenniskja Nakrir av teimum donsku saman við føroyska biskupinum (mynd av heimasíðuni hjá Fólkakirkjuni) FRANTS JENSEN – Hetta er sera keðiligt fyri alla ferðavinnuna bæði í Føroyum og um allan heimin. Vit høvdu ynskt, at støðan var ein heilt onnur. Nú vóna vit bara, at støðan fer at batna, og at ferða­ vinnan kemur í gongd aftur, sigur Martin Restorff, stjóri í hotellinum Hilton Garden Inn, sum verður bygt í Havnini í løtu­ ni. Tað eru bara nakrar vikur síðani, at Martin Restorff setti leiðararnar á hotellinum í starv. Og hann hevur fleiri ferðir víst okkum runt, og vit hava sær vakra hotellið við góða út­sýn­ inum. Men nú er støðan ein onnur, og tað er óvist, um nøkur ferða­ fólk koma. – Støðan við korona ávirkar, men byggingin heldur fram ótarnað sum ætlað. Nær vit lata upp, dugi eg ikki at siga enn. Tað er Hilton samtakið, sum avgerð tað, sigur Martin Restorff. Hann hevur áður sagt, at hotellið letur upp í summar. – Vit taka ein dag í senn. So fáa vit at síggja, sigur hann. Stjórin hevur eisini sagt, at hotellið hevur fingið fleiri fyri­ spurningar um bíleggingar, men av tí at ikki er greitt enn, nær hotellið letur upp, so hava fólk ikki kunna bílagt. Av tí sama eru heldur ikki nakrar avlýsingar av bók­ingum nú. Hotellið lýsir nú eftir fólki at arbeiða á hotellinum. – Vit vilja fegin hava fólkið klárt, tá ið vit lata upp, sigur Mart­in Restorff. FRANTS@SOSIALURIN.FO BYGGINGIN HELDUR FRAM Byggingin av Hilton Garden Inn hotellinum heldur fram, og hotellið lýsir nú eftir fólki. Men nær hotellið letur upp, er ein spurningur, sum Martin Restorff, stjóri, framvegis ikki kann svara Martin Restorff, stjóri á Hilton Garden Inn MYND: ÁLVUR HARALDSEN