hósdagur 26. mars 2020síða 7

FRÍGGJADAGUR 27. MARS 2020 SOSIALURIN 35 7 dagar seinni fingu tey ein teldu­ post, har tað stóð, at tey ikki skuldu flyta seg av matrikklinum. – Eg eri tilflytari í Klaksvík, og eg havi tí ikki so stórt netverk. Tí­betur havi eg familju, grannar og vinir, sum hava verið jalig og keypt inn fyri meg. Vit hava eisini fingið døgurða, sum tey hava sett í garasjuna, sigur Anna Kari Bjarta­ líð. – Hendan tíðin hevur kenst eins­lig, hóast telefonin ringir javn­an, og eg havi samskift á Mess­enger. Áðrenn vit vórðu sett í sóttar­hald, avmarkaðu vit tíðina framm­anfyri skíggjan, men nú er tað blussað upp aftur, leggur hon aftrat. Eisini heldur hon, at tað ger støð­una strævnari, tá ein alla tíð­ ina hoyrir um koronasmittuna í miðlunum. – Summar dagar havi eg av­ markað meg sjálva og bert tendrað sjónvarpið og hugt at Degi og Viku, tí tað kann skjótt gerast ov nógv, sigur hon sannførd. Hóast kunning, undirhald, sam­skifti og samvera yvir netið kann gerast í so nógv í hesum døg­um, so heldur Anna Kari tó, at tað hevur eisini verið gott, at til dømis samkomur og kirkj­ur hava stroymað tiltøk og sunnu­dags­ skúla á netinum. – Tað hevur verið deiligt at verið í sunnudagsskúla í Ebenezer sunnudag, hóast vit ikki sleppa út, leggur hon aftrat. Kvalitetstíð saman Hesir dagarnir í isolatión hava eis­ ini havt okkurt positivt við sær fyri Annu Kari og trý ára gomlu Ann­iku, sum ikki hevur havt so nógva tíð saman við mammu síni, síðani lítli beiggin varð borin í heim fyri hálvum øðrum ári síðani. – Nú hava vit havt góða tíð sam­an. Vit spæla dukkur, mála og spæla modelleðurvoks. Tá veðrið hevur verið til vildar, hava vit verið uttanfyri og tikið breyð við. Eisini havi eg brúkt stundirnar til at seta meg niður og hugsa í friði. Tað fær man ikki stundir til í vanliga gerandisresinum, tá man altíð er á, sigur hon umhugsin. Anna Kari gleðir seg, til hon verð­ur frísk og aftur sleppur út av húsinum og at síggja børnini og familjuna aftur. – Eg fari tó ikki til arbeiðis aftur við tað sama, tí stovnarnir eru stongd­ir, og maðurin er til skips, men eg gleði meg, til vit kunnu fara út ein gongutúr. Við frástøðu sjálvsagt, sigur hon. Korona og børnini Tað kann vera torført hjá børnum at skilja, hví stovnar nú eru lukk­ aðir og gerandisdagurin so nógv broytt­ur. Anna Kari Bjartalíð hev­ ur tó ikki valt at tosa so nógv um korona­smittuna við trý ára gomlu dóttur sína. – Eg havi valt ikki at tosa um sjúku við hana men bert greitt frá, at júst nú mugu øll vera heima. Eg havi forklárað henni, at vit skulu vera einsamallar heima í eina tíð, meðan stórasysturin og lítli­ beiggin eru farin til Havnar til most­ur, men at vit øll skjótt vera sam­an aftur. Tað dámar henni væl, og hon gongur og sigur, at vit báðar eru bestu vinir, sigur Anna Kari Bjartaliga skemtiliga. Tá landslæknin ringdi við boð­ unum um, at eg hevði fingið kor­ ona­smittuna, sá hon tó, at eg var kedd, og hon kom og klemmaði meg. Tá matti eg siga henni, at mamma er sjúk, men Annika er ikki sjúk. Tí má mamma vera inni, men Annika kann gott fara út at spæla, sigur Anna Kari Bjartalíð. PERSÓNSSØGA AÐFEST A Í HALDI Anna Kari Bjartalíð fekk staðfest koronasmittuna dagin fyri, at tvær vikur langa sóttarhaldi skuldi vera av. – Tað er umráðandi, at vit virða sóttarhaldið og ikki halda, at vit líka kunnu fara út ella til handils, tá børnini eru løgst, tí vit ikki kenna okkum sjúk. Hevði eg havt gjørt tað, so hevði eg óivað smittað onkran uttan at vera varug við tað, sigur hon Eg valdi sjálv, at hini bæði børnini skuldu fara til Havnar. Eg hevði valið, og eg føli, at tað var eitt gott val, hóast tað er torført, at tey ikki eru hjá mær So skjótt kann alt broytast, og vit kunnu øll knappliga gerast sjúk av koronasmittuni. Áðrenn man hevur vent sær, so er man faktiskt positivur Anna Kari og trý ára gamla dóttur hennara Annika taka eina "selfie", tí umstøðurnar ikki loyva nøkrum øðrum