hósdagur 26. mars 2020síða 15

FRÍGGJADAGUR 27. MARS 2020 SOSIALURIN 35 15 Nýbygningur undirskrivaður í sóttarhaldi Anfinn Olsen, reiðari á Framherja, hevði verið í Norra og fundast um nýbygningin. Stutt eftir at hann var heimkomin, varð hann uppringdur av landslæknanum, at hann mátti í sóttarhald, tí hann hevði sitið tætt við ein smittaðan persón í flogfarinum. Nýbygningurin varð tí undirskrivaður í sóttarhaldi FRANTS JENSEN FRANTS@SOSIALURIN.FO A nfinn Olsen í Fuglafirði kom heim hóskvøld, og tað var í flúgvaranum millum Danmark og Føroyar, at hann hevur sitið tætt við ein persón, ið var smittaður. Eftir at tað varð ringt til hansara, og hann varð biðin um at fara í sóttarhald, hevur hann verið heima. – Tað var bara eg, sum var utt­ an­lands og skuldi í sóttarhald. Men nú eri eg, konan og tví­bura­ døturnar øll í sóttarhaldi heima hjá okkum, sigur Anfinn Olsen. Bæði Anfinn, konan og børnini hava tað gott. – Eg eri fleiri ferðir uppringdur av sjúkrahúsinum ella av lands­ læknanum, har tey spyrja, hvussu eg havi tað. Men vit hava tað gott, sigur Anfinn Olsen. Hann sigur, at tey hava verið inni allatíðina. – Eg spurdi meg tó fyri, um tað var í lagi, at eg kundi ganga túrar úti, og tað fekk eg at vita, at tað var í lagi. Men eg havi ikki verið millum fólk, sigur hann. Sáttmáli undirskrivaður í sóttarhaldi Anfinn Olsen hevði verið í Norra og fundast um bygging av nýggjum skipi. Týskvøldið í hesi vikuni varð sáttmálin undirskrivaður. – Vit gjørdu tað umvegis netið, har vit sendu pappírini okkara millum. Upprunapappírini verða send við posti, sigur Anfinn Olsen. Framherji hevur í longri tíð kanna møguleikan at fáa nýtt skip fyri Akraberg, og nú er avgerð tikin og sáttmáli undirskrivaður. Sjálvt um koronasmittan herjar um heimin og eisini ávirkar fiski­ vinnuna, so hevur tað ikki fingið reiðaran í Fuglafirði at umhugsa støðuna av nýggjum. – Vit hava kanna hetta við skipabygging í drúgva tíð. Korona­ smittan fer óivað at vara í nakrar mánaðir, men einaferð fer tað at vera liðugt, og tá mugu vit koma víðari, sigur Anfinn Olsen. Ein nýmótans Akraberg um tvey ár Týskvøldið undirskrivaði Akraberg FD10, sum er eitt felag hjá Framherja, sáttmála um at byggja nýggjan Akraberg í Brattvågen í Norra. Talan er um eitt sera nýmótans skip FRANTS JENSEN FRANTS@SOSIALURIN.FO – Trolarin verður liðugur 30. juni 2022, sigur Anfinn Olsen, reiðari. Nýggi trolarin, sum kemur í flotan fyri verandi Akraberg og sum skal yvirtaka kvoturnar frá honum, verður 84 metrar langur og knappar 17 metrar breiður. Kostnaðurin verður góðar 500 milliónir norskar krónur. Norska krónna er veik í løtuni, so 500 milliónir norskar eru 317 milliónir danskar. Trolarin verður 84 metrar langur og 17 metrar breiður. Ver­ andi Akraberg, ið er frá 1994, er góð­ar 78 metrar langur og 14 metr­ar breiður. Nýmótans skip Nýggja skipið fer at lasta 955 tons á platti. Tað er nakað meira enn verandi skip, sum lastar 910 tons. Nýggja skipið skal kunna gera súrløgu umborð. Allur frá­ skurðurin verður sostatt tikin og seldur til Havsbrún at brúka til alifóður. – Verandi Akraberg klárar at hava um 400 tons av súrløgu, með­an nýggja skipið fer at klára at hava 550 tons. Tað merkir, at vit nú fara at klára at taka alt heim­aftur við, og einki verður blakað út aftur, sigur Anfinn Olsen. Verandi Akraberg hevur havt skipanina við súrløgu í fimm ár. Nýggi Akraberg fer eisini at hava ein tanga umborð, har liv­ andi fiskur kann svimja. – Hetta er gott, um skipið ger stór hál. Vanliga kann fiskurin strongj­ast, men um hann sleppur at svimja í tanganum, so verður strongd­in ikki so stór, og vit vænta at fáa betri góðsku, sigur Anfinn Olsen. Framleiða streym Nýggi Akraberg verður meira nýmótans á fleiri økjum. Hann skal kunna fiska við trimum trol­um, meðan verandi klárar við tveimum. Spølini vera elektrisk, og tey skulu eisini framleiða streym. – Tá ið trolið verur skotið av­stað, savnar tað orkuna inn í eitt battarí. Á hendan hátt fara vit at spara orku. Skipið verður tí væntandi eisini friðarligari, tá ið tað fer at liggja við kai, sigur Anfinn Olsen. Oljunýtslan verður minni, væntandi millum 12 og 14 prosent minni. Nógv orka løgd í Skrokkurin á nýggja skipinum verður bygdur í Rumenia, síðani sleipaður til Norra, har hann verður gjørdur liðugur. Nýggi trolarin skal fiska botn­ fisk og rækjur. Rækjuverksmiðja er eisini um­borð á verandi Akrabergi, men tann nýggja verður meir ný­mótans, har til ber at skilja og kóka og sostatt hækka virði um­borð. – Vit rokna við, at vit kunnu økja virði á sama fiskiskapi við umleið 15 prosentum, sigur Anfinn Olsen. Akraberg er í løtuni á rækju­ veiðu í russiskum sjógvi. – Vit hava lagt nógva orku í hetta at fáa eitt nýmótans skip. Nú gleða vit okkum til skipið kem­ur, sigur reiðarin. Anfinn Olsen, reiðari á Framherja Mynd: Álvur Haraldsen