hósdagur 23. apríl 2020síða 42

FRÍGGJADAGUR 24. APRÍL 2020 SOSIALURIN 38 42 STEINAR PATURSSON S aman við Hans Andor Johannesen skipar hann fyri drive-in biografi um vikuskifti, og tað kunnu teir, tí alt annað virksemi hjá teim­um liggur deytt. – Nú kann eg bara tosa fyri Ljóð­tøkni, men rýkur juni mán­ aður, so eru vit 3,5 milliónir eftir reyv bara frá 12. mars. Tað eru pengar, ið vit ikki fáa aftur, óan­ sæð um tiltøkini verða útsett ella ei, sigur Hjalmar Hvítklett um støðuna við teimum tiltøkunum, ið annars stóðu á skrá í ár. Tað versta er, at politikkarnir tora ikki at koma við greiðum út­meldingum, men lata ístaðin lækn­arar koma við boðunum, heldur Hjalmar Hvítklett. – Summir siga, at einki verður í summar, meðan summir siga, at einki verður í ár. Vit fáa einki at vita yvirhøvur, og av tí sama er kalendarin tómur. Eingil vil bóka nakað, um eingin veit nakað. Høvdu vit fingið at vita frá politiskari síðu, at árið er farið, so høvdu vit kunnað funn­ ið upp á onnur ting. Sum er, er hopileyst. Bæði Ljóðtøkni og AVLux eru partur av so at siga øllum størri til­tøkum, so sum festivalum, sum eru í Føroyum í summar, og støðan hjá øllum pørtum er tann sama. – Okkara kundar eru í somu støðu sum vit. Festivalarnir eru í teirri støðu, at um teir avlýsa, so fara teir á reyvina. Hvat gera teir so? – Landið koyrir ábyrgdina út á privatpersónar. Gera vit nakað, so er tað okkara skyld, at fólk verða smittað. Tað er ikki rætt at gera, tí velja vit eitt løgting, og hava vit eitt landsstýri, so er tað tey, sum skulu taka avgerðirnar. Tað er tað, ið vit hava tey til. Polit­iska valdið rennir bara undan ábyrgdini. Tá spurdur, um hvat tað er, sum hann ynskir sum vinnu­ rekandi, svarar Hjalmar Hvít­ klett, at tað er einfalt. – Í dag kemur smittan frá flog­vøllinum. Vit skuldu havt tvung­ið sóttarhald, tí so var eingin smitta, og vit kundu havt full­komiliga opið. STEINAR PATURSSON – Vit mugu finna upp á nýggj ting og finna nýggjar mát­ar at savnast uppá, tá nú til­ráð­ ingarnar eru, sum tær eru. Ein máti er við drive-in bio, tí fólk skulu sita í bilinum, og tey koma tí ikki í samband við hvønn annan. Soleiðis sigur Hans Andor Johannesen, sum eigur og rekur fyri­tøkuna AVLux. Saman við Hjalmari Hvítklett, ið eigur og rekur fyritøkuna Ljóðtøkni, skip­ar hann um vikuskiftið fyri drive-in biografi á Skálatrøð. – Vit hava tíð til tað, og vit hava útgerð til tað, og vit vilja eisini royna nýggj ting, sigur Hans Andor Johannesen, sum eins og Hjal­mar Hvítklett hevur mist so at siga alt virksemið í summar or­sakað av koronakreppuni. AVLux og Ljóðtøkni hava áður skip­að fyri drive-in biografi, millum annað í Søldafirði, og nú er stundin komin at fáa amerikanska 60'ara konseptið til Havnar. Talan kann sigast at vera um eitt eydnusamt ektaskap, tí meðan Ljóðtøkni veitir tað, sum skal til av ljóði, so er virkisøkið hjá AVLux innan video. – Borgarstjórin í Havn spyr eftir tiltøkum, tí býurin er steindeyður, sigur Hjalmar Hvít­klett um orsøkina til at fara undir drive-in biograf. – Tórshavnar kommuna hev­ ur roynt at skapa eitt sindur við at stroyma konsertir frá Reinsarínum. Tað heldur fram eina løtu aftrat, og hetta er so ein máti at leggja eitt sindur aftrat, heldur Hans Andor Johannesen fram. Drive-in biografurin á Skál­ atrøð verður skipaður á tann hátt, at atgongumerki skulu keyp­ast á appu undan sýning. At­gongumerkið er galdandi fyri allan bilin, so tað er líkamikið, hvørt bilurin er fullur, ella bert før­arin er við. Atgongumerkið tilskilar kort­ ini ikki pláss á park­erings­plássi­ num, so tað verða tey, ið koma fyrst, ið fáa bestu plássini, sigur Hans Andor Johannesen, ið tó leggur aftrat, at stórir bilar verða noyddir at fara afturum, so­leiðis at øll kunnu síggja. Pláss er til 60-70 bilar. Skíggin verður settur inn móti berginum og vísir sostatt út móti Vágsbotni, og eingin nýtist at ørkymlast um ljóðið, tí tað verður sent gjøgnum FM sendara, soleiðis at allir bilar­nir fáa ljóðið beinleiðis inni í bili­ num. – Vit eru vanir við til at vera við til at undirhalda fólk, og hetta er so ein øðrvísi máti at gera tað uppá, sigur Hans Andor Johannesen. Tað er framvegis ikki greitt, um talan verður um eitt aftur­ vend­andi tiltak, og teir báðir Hjalm­ar Hvítklett og Hans An­ dor Johannesen vilja ikki siga enn, hvørjir filmar verða sýndir. Men fyrsti filmur verður sýndur fríggja­kvøldið, og so fer tíðin at vísa, um tiltakið verður aftur. – Hetta er í grundini ein pop- up biografur, so vit kunnu skipa fyri honum har vit vilja, og tá vit vilja, sigur Hjalmar Hvít­klett, sum saman við Hans An­dor Johannesen skipar fyri drive-in biografi á Skálatrøð um viku­ skiftið. DRIVE-IN BIOGRAFUR Á SKÁLATRØÐ 60'ara americana í Havn í 2020. – Øðrvísi tíðir krevja øðrvísi tankar. Vit mugu hugsa uttan fyri boksina, siga teir báðir Hans Andor Johannesen og Hjalmar Hvítklett, ið skipa fyri drive-in bio Vil hava greiða útmelding frá politiskari síðu Landsstýrið tekur ikki ábyrgd, men letur letur privatpersónar og privat vinnurekandi taka ábyrgdina fyri koronasmittuni, heldur Hjalmar Hvítklett, sum eigur og rekur fyritøkuna Ljóðtøkni