hósdagur 30. apríl 2020síða 17

FRÍGGJADAGUR 1. MAI 2020 SOSIALURIN 39 17 HANDILSVINNA Nú eru fólk meira avslappað - Seinastu tíðina hevur nógv verið at gera í handlinum, og vit hava veruliga merkt, at nógv hava stákast heima við hús við ymiskari ístandseting, bæði innan-og uttandura, sigur Svanhild Vidtfeldt VILMUND JACOBSEN Í handlinum hjá Rólanti Vidt­feldt á Sandi hava tey havt opið alla tíðina, síðan kor­ona-kreppan rakti, og mynd­ugleikarnir í Føroyum boð­ aðu frá, at Føroyar nú fóru niður í ferð. - Vit hava havt opið sum van­ ligt, men vit, sum starvast í handl­ in­um, hava arbeitt skiftandi, so­ leið­is at allar ikki vórðu raktar, um onkur skuldi verið óheppin - endað í sóttarhaldi ella í ringasta føri fingið sjúkuna. Svanhild Vidtfeldt sigur, at í byrj­anini av tíðini, tá fyrstu kor­ ona-tilburðirnir vórðu staðfestir í Før­oyum, virkaðu fólk meira varin og ansaðu væl eftir. - Í fyrstani var kundaskarin eis­ini avmarkaður, men sum tíðin leið, og tað vísti seg, at Føroyar høvdu tamarhald á støðuni, gjørd­ ust fólk meira avslappað. Handilin á Sandi er lutfalsliga stór­ur, og tí hava tey ikki havt nakað hámark fyri, hvussu nógv fólk kunnu vera inni á gólvinum í senn. - Men, tá fólk onkuntíð hava havt lyndi til at staðið tættari enn ráðiligt, hava vit mint tey á frá­støðuna. Svanhild Vidtfeldt sigur, at tey sjálvandi hava havt spritt stand­andi frammi, eins og tey hava skerm við diskin. Spritt hev­ur annars vanliga verið brúkt í handl­inum langt fyri korona-tíð­ ina í Føroyum. - Vit hava heldur ikki tikið ímóti reiðum peningi - alt fyri at minka um smittuvandan, sum nú altíð er, tá tað er ein handil við nógv­um ymiskum vitjandi, leggur hon aftrat. Havt góða sølu Svanhild Vidtfeldt sigur, at sein­ astu tíðina hevur nógv verið at gera í handlinum, og tey hava veru­liga merkt, at nógv hava sták­ ast heima við hús við ymiskari ístand­seting, bæði innan-og uttan­ dura. - Tað er serliga máling, sum hev­ur selt væl. Í fyrstuni seldu vit væl av innanduramáling, og tá vit so herfyri fingu nakrar frálíkar dag­ar við sól, vísti tað seg, at fleiri eis­ini keyptu uttanduramáling. Nú er so spurningurin, heldur hon fyri, um fólk kanska longu verða liðug at mála, tá summarið kemur. - Hinvegin kunnu vit vóna, at fólk heldur hava fingið blóð á tonna til at gera enn meira við­líka­ hald, sum kanska hevur ligið á láni og tískil fara at halda fram at seta í stand, tá summarið kemur, sigur Svan­hild Vidtfeldt brosandi. Hon vísir á, at onnur ting, sum eitt nú krit til børnini at mála á be­tong ella vegir hevur verið út­ selt hjá veitaranum, haðani tey keypa kritini, og so hava tey eisini selt nakað av leikum, nú so mong børn hava verið heima seinastu vik­urnar. - Onkrir prýðislutir eru eisini seld­ir, sum fólk hava keypt til ístand­sett rúm í húsunum. Svanhild Vidtfeldt sigur, at tey eis­ini hava upplivað, at einstakar vørur, sum tey plaga at hava, ikki fá­ast frá veitarum uttanlands í løt­uni, og hetta hava tey eitt nú upp­livað við onkrum veitara í Italia, har korona-kreppan rakti hart. Eini øðrvísi páskir Tað eru tey, sum plaga at siga, at hevur tú ikki verið á gátt í handl­ in­um hjá Rólanti Vidtfeldt á Sandi, hevur tú ikki upplivað alt í Sand­ oynni. Um handilin plagar eis­ini at vera sagt, at tað, tey ikki hava í dag, hava tey í morgin. Rólant Vidt­feldt fer nevniliga ótroytti­lig­ ur um Skopunarfjørð fleiri ferð­ir um vikuna eftir vørum, sum við­ skifta­fólk spyrja eftir. Svanhild Vidtfeldt ásannar, at páskirnar í ár vóru ikki, sum tær plaga at vera á Sandi. - Eins og í Føroyum annars, var eing­in konformatión, og her vóru at kalla eingi ferðafólk, tó at fleiri, sum búgva inni á megin­ land­inum, eiga hús her suðuri og plaga at vitja á páskum. Í ár var alt øðrvísi. Tað er eingin loyna, at ein partur av okkara við­skifta­ grund­arlagi er ferðafólk og fólk, sum annars koma í oynna at halda viku­skiftisfrí. Hon ásannar eisini, at stórur sakn­ur er í Hotel Skálavík, sum dró nógv fólk í Sandoynna, og tað merkist týðiliga, sigur hon, at hotel­virksemið er hildið uppat. - Eg vil siga, at tað var nógv minni lív í Sandoynni í ár, enn tað annars plagar at vera í páska­ frí­tíðini, sigur Svanhild Vidtfeldt. Langar bíðirøðir Tað hevur sum heild gingið væl hjá Rólanti Vidtfeldt at fingið fatur á vørum í miðstaðarøkinum, sum viðskiftafólk keypa um fyri­ tøk­una á Sandi, men í onkrum førum hava bíðirøðirnar í Havn verið langar. Haraftrat hava onkr­ ir handlar, sum samstarvað verð­ ur við, verið stongdir, og tá hev­ur verið neyðugt hjá Rólanti Vidt­ feldt at gjørt avtalur, soleiðis at hann hevur fingið vørurnar. - Vit eru nøgd við søluna, sum hevur verið, síðan korona-krepp­ an tók seg upp, og seinastu tíðina hava vit selt rættiliga væl, sigur Svan­hild Vidtfeldt. Hjúnini, Svanhild og Rólant Vidtfeldt, tá fyritøkan nøkur ár herfyri hevði ársdag Tey selja næstan alt og tað, sum handilin ikki hevur, kann í flestu førum skaffast