hósdagur 30. apríl 2020síða 26

FRÍGGJADAGUR 1. MAI 2020 SOSIALURIN 39 26 HANDILSVINNA Blómusøla væl minni enn vanligt - Eftir givnu umstøðunum hava vit hórað. Vit eru her, og vit royna. Handilin er opin, og eingin kemur til stongdar dyr í handilstíðini, sigur eigarin av blómuhandlinum Akkuleya VILMUND JACOBSEN B lómuhandilin Akkuleya í Niels Finsensgøtu í Havn hevur ongantíð verið stongdur í hesum kor­ona-tíðum. - Tvey av starvsfólkunum eru í ALS samsvarandi galdandi hjálp­ arpakka, og síðan hava vit, ið eftir eru, deilt arbeiðstíðina ímillum okkum og noyðast viðhvørt at renna eitt sindur skjótari. Sølan minkaði Eyðrit Ejdesgaard, sum eigur og rekur Akkuleya, sigur, at blómu­ handilin hevur, sum vanligt, verið opin yrkadagar frá klokkan 9-17.30. - So skjótt, vit fingu fyrstu kor­ona-tilburðirnir, og landsins myndug­leikar boðaðu frá, at nú fór samfelagið niður í ferð, kom steðgur í søluna. Tað hendi eitt ella annað, og sølan minkaði niður í lítið og lætt. Eyðrit Ejdesgaard tekur til, at tá fólk gerast ótrygg við umstøð­ urnar, eru blómur kanska ikki tað fyrsta, ið fólk hugsa um. - Tá eru tað meira tey, sum keypa við hjartanum heldur enn bara við pengapunginum, sum hugsa um at taka blómur heim við til at gleða onkran av sínum kæru. Hon vísir á, at fleiri handlar stongdu, og fólk tíma ikki at renna á stongdar dyr aftur og aftur. - Men, tá fólk so funnu út av, at Akkuleya ikki hevði stongt, byrj­ aðu vit at síggja nøkur við­skifta­ fólk aftur, sigur Eyðrit Ejdesgaard. Rímiliga stór høli Hølini hjá Akkuleya eru rímiliga stór, og tí hevur tað ikki verið nak­ ar trupulleiki at havt viðskiftafólk inni á gólvinum undir tryggum umstøðum. - Eg vildi mett, at vit kunnu hava eini fimm fólk inni á gólvinum í senn, uttan at fólk nýtast at koma í smittuvanda. Eyðrit Ejdesgaard sigur, at søl­ an hesar seinastu vikurnar hevur verið væl minni enn vanligt. - Eftir givnu umstøðunum hava vit hórað. Vit eru her, og vit royna. Handilin er opin, og eingin kemur til stongdar dyr í handilstíðini, sigur hon. Sjálvtøka riggar væl Nú eru nakrir mánaðir síðan, at Akkuleya tók í brúk eina sjálv­ tøku, sum stendur beint uttan fyri handilin. Í sjálvtøkuni eru átta rúm við plássi fyri einum blómu­ tyssi í hvørjum rúmi. Her verður roynt at hava blómur í ymiskum litum og sløgum, soleiðis at fólk, sum vilja keypa í sjálvtøkuni, hava nakað at velja í. Eyðrit Ejdesgaard sigur, at blómu­tyssini kosta ávikavist 350 og 400 krónur, tá 400 krónur eisini er markið fyri tí, tú kanst keypa, uttan at sláa kotuna á kortinum inn. - Sjálvtøkan gongur ógvuliga væl, og tað eru viðskiftafólk, sum fara beint yvir til sjálvtøkuna held­ur enn inn í handilin at keypa, legg­ur hon aftrat. Fakta Sp/f Akkuleya við Eyðrit Ejdesgaard byrjaði 1991. Blómuhandilin læt upp í Ullvøruhúsinum, men tá virksemið vaks, varð neyðugt við størri hølum. Í 2006 varð flutt í núverandi høli í Niels Finsensgøtu 18. Akkuleya leggur seg eftir vørum frá bestu veitarum, sum veita góðsku, haldbari og nýggjasta móta innan blómuheimin. - Handilin er opin, og eingin kemur til stongdar dyr í handilstíðini, sigur Eyðrit Ejdesgaard Í sjálvtøkuni eru átta rúm við plássi fyri einum blómutyssi í hvørjum rúmi