hósdagur 30. apríl 2020síða 27

FRÍGGJADAGUR 1. MAI 2020 SOSIALURIN 39 27 HANDILSVINNA - Samanlagt er sølan minkað munandi, og hetta kemst ikki minst av, at vinnulívið stendur fyri meira enn helminginum av okkara umsetningi. Netsølan er vaksin nakað, og her er talan mest um tógv, spøl og leikur. Men, alt hetta dekkar verri enn so ta afturgongd, sum hevur verið í søluni annars, sigur Eyðvør Berg VILMUND JACOBSEN E yðvør Berg, handilsleiðari í Berglon í Runavík og Klaksvík, sigur, at tey hava havt opið sum vanligt í Runavík, men í Klaksvík hava upplatingartíðirnar verið nakað skerdar í eina tíð, har tey sein­astu 14 dagarnar hava havt opið seinnapartar. - Vit hava eisini skipað arbeiðs­ dagin í fyritøkuni øðrvísi fyri at byrgja upp fyri smittu og smittu­ spjaðing, men einki av okkara starvsfólkum er farið í ALS sam­ bært hjálparpakkanum hjá løg­ ting­inum. Á lønarlista hjá fyritøkuni eru um­leið 28 fólk, sum svarar til eini 22 ársverk. Eru í bíðistøðu Eyðvør Berg vísir á, at eingi starvs­ fólk hava verið sjúk, men onkur hevur verið raktur av sóttarhaldi. - Vit hava valt at síggja bíðandi upp á gongdina, men tað er einki yvir at dylja, at sølan er nógv minkað, síðan Føroyar fóru niður í ferð. Hon sigur, at onkrar uppgávur, sum skuldu gerast í august, verða gjørdar nú, og tískil verða onkrar uppgávur, sum lógu fyri framman, framskundaðar. Um søluna, síðan korona- krepp­an tók seg upp, sigur Eyð­ vør Berg, at tað gjørdist rætti­liga friðarligt í handunum eftir út­ meld­ingina hjá landsins myndug­ leik­um. - Tað kendist, sum um fólk gjørd­ust ikki sørt rædd, og í handl­ un­um gjørdist rættiliga friðarligt. Men, sum tíðin leið, sóust fleiri og fleiri fólk aftur inni á gólvinum. Vit hava alla tíðina merkt, at við­ skifta­fólk hava hildið fjarstøðu og hava roynt at tikið tey atlit, sum mælt hevur verið til. Eyðvør Berg vísir á, at Berglon er ikki matvøruhandil, har fólk bara fylla upp í innkeypsvognin og gjalda fyri vøruna. - Í okkara arbeiði skulu vit ofta vegleiða viðskiftafólk, og nú skal hetta gerast í frástøðu. Eg haldi, at okkara viðskiftafólk hava tikið hetta upp á ein skilagóðan og positivan máta. Keypa øðrvísi Eyðvør Berg sigur, at tær vørur, sum fólk serliga hava spurt eftir, síð­an kreppan tók seg upp, eru ikki somu vørur, sum fólk í størri mun keyptu frammanundan. - Sølan av arbeiðsklæðum, jakk­um og øðrum slíkum er nógv minkað, tí fólk hava ikki ordiliga havt hug at royna klæðini, tey ann­ars kundu hugsað sær at keypt. Hon vísir á, at sølan, sum er vaks­in hesa tíðina, er eitt nú borðs­pøl, leikutoy, perlur, tógv og ym­iskt til frítíðarvirksemi annars. - Tað merkist, at fólk hava verið heima og í øðrum føri, at for­eldur kanska eru farin í bát ella úr í náttúruna við børnum. So­leiðis hava vit eisini selt onk­ur pør av gummistivlum og bjarg­ing­ar­ vestum - fyri at nevna nøkur dømi um ting og lutir, sum fólk hava keypt. Sølan nógv minkað Eyðvør Berg vísir á, at útróðr­ar­ vinn­an í økinum, sum sjálvsagt hev­ur stóran týdning fyri søluna hjá Berglon, ikki hevur havt tað ser­liga gott hesa seinastu tíðina, tí fiskaprísirnir hava verið lágir, og óvissan í framleiðsluliðnum hev­ur verið stór. Men, eins og málingahandlar hava selt væl av máling til fólk, sum hava verið heima, hava tey í Berglon eisini merkt ein øktan áhuga fyri ymiskum til heimið, eitt nú við sølu av speglum, hillum og onkrum smá møblum. - Taka vit saman um gongdina, er sølan hesa tíðina minkað mun­ andi, og hetta kemst ikki minst av, at vinnulívið, bæði á sjógvi og landi, vanliga stendur fyri meira enn helminginum av okkara um­ setn­ingi. Netsølan er økt Eyðvør Berg sigur, at tey hava selt rímiliga væl á netinum hesa tíðina, og her hevur talan mest verið um tógv, spøl og leikur, sum verður sent viðskiftafólki við postinum. - Men, alt hetta dekkar verri enn so ta afturgongd, sum hevur verið í søluni annars, leggur hon aftrat. Vit síggja bíðandi upp á gongdina Sølan av klæðum hevur verið lítil, tí fólk hava líka sum ikki hug at passa klæðir í løtuni Sølan av tógvi er vaksin undir korona-kreppuni Eyðvør Berg, sum saman við manni sínum, Rúna Berg, eigur Berglon-fyritøkuna