mikudagur 6. mai 2020síða 13

HÓSDAGUR 7. MAI 2020 SOSIALURIN 39 13 Norðfra ger 600.000 frikadellur um árið - Tá korona-kreppan tók seg upp, minkaði sølan av raspaðum flaki til matstovur og køkar, men í seinastuni hava vit merkt, at sølan so spakuliga er byrjað at veksa aftur, sigur Jógvan Martin Hansen hjá Norðfra í Leirvík VILMUND JACOBSEN M eðan sølan til priv­ atfólk vaks, tá kor­ ona-kreppan byrjaði at gera um seg í Før­ oyum, minkaði sølan á hinari síð­uni til matstovur og køkar. At kalla allar matstovur lótu aftur, og í staðin fyri at savna fólk til máltíðir, varð roynt at spjaða fólk á arbeiðsplássum sum mest - og best - til tess at byrgja upp fyri smittu­spjaðing. Jógvan Martin Hansen hjá Norð­fra sigur, at tey eisini merktu hesa gongd - við minkandi sølu av eitt nú raspaðum hýsufløkum og øðr­um fiskaúrdráttum til mat­ stovur og køkar. - Men, á hinari síðuni merktu vit eisini, at sølan til privatkundar vaks í hesum tíðarskeiði. Vit eru høvuðsveitarar av fiskavørum til nógvar handlar, matstovur og køkar, og tað er greitt, at tá sølan til matstovur og køkar mink­ ar burtur í lítið og einki, mink­ar saml­aða sølan á føroyska markn­ að­inum eisini, tí hetta eru í fleiri før­um so stórir keyparar. Men, nú er við at venda aftur, og tað fegnast tey á Norðfra um. - Jú, vit merkja, at samfelagið so smátt er við at lata seg upp aftur, og vit mugu bara øll fegnast um, at korona-smittan nú er undir eft­ irliti, soleiðis at samfelagið kann gerast so nøkulunda vanligt aftur, sigur hann. Raspað hýsuflak Jógvan Martin Hansen vísir á, at beinfrítt raspað hýsuflak iva­ leyst er tann einstaka vøran hjá Norðfra, sum selur mest á før­ oyska marknaðinum, og her er talan um nøkur tons um vikuna, tá viðurskiftini eru vanlig. - Eg vil meta, at eini 35 prosent av okkara framleiðslu er raspað hýsuflak og reint beinfrítt hýsu­ flak. Hann vísir á, at hýsa er ein ómeta­liga góður og vælsmakkandi fiskur, sum allar flestu dáma. Tó eru einstøk øki í Føroyum, har toskurin vinnur á hýsuni, men sum oftast er tað hýsan, sum við­ skiftafólk spyrja eftir, tá tey vilja hava beinfrítt fiskaflak. - Tað eru tey allar flestu, sum elska stokt fiskaflak – antin tað er hýsa ella toskur, leggur Jógvan Martin Hansen aftrat. 600.000 frikadellur Men, Norðfra hevur eisini nógvar aðrar frálíkar fiskavørur í sínum útboði. - Frikadellurnar og knettini selja altíð væl, og her hava vit eina veksandi sølu og eftirspurning. Vit plagdu at liggja um einar 450.000 frikadellur og eini 1500.000 knettir um árið. Men, í fjør vóru hesi tøl væl størri. Okkara tøl siga, at talið av frikadellum í fjør lá um 600.000 - og talið av knettum um eini 200.000. Jógvan Martin Hansen heldur tað vera hugaligt at síggja, at før­ oyingar í størri og størri tali keypa tær góðu føroysku fiskavørurnar, sum eru í útboði hjá føroyskum veitarum. - Vit eru her fyri okkara við­ skiftafólk, og var eingin søla, var heldur eingin framleiðsla. Tí er hetta ein sera hugalig gongd sum ger, at vit spenna okkum enn meira út til tess at ganga okkara trúgvu viðskiftafólkum á møti. Øll framleiðslan hjá Norðfra er úr daggomlum útróðrarfiski. - Vit hava eisini ein fínan net­ handil við okkara fjølbroyttu fiska­vørum og frálíka útboði, og her er lætt at bíleggja tað, sum við­ skifta­fólk vilja hava, sigur hann. Gongur væl í Danmark Jógvan Martin Hansen fegnast eisini um góðu gongdina hjá Norð­ fra Danmark, sum selur fiska­ vørur hjá Norðfra. - Í hesum mánaðinum eru júst trý ár, síðan vit tóku upp hetta virksemi í Danmark, har fólk kunnu bíleggja fiskavørur, sum síðan verða koyrdar til dyrnar í tveimum bilum, sum vit hava. Her er sølan vaksin alla tíðina, og tað eru ikki minst føroyingar, sum búgva í Danmark og fólk, sum frætta um frálíku fiskavørurnar, sum keypa. Eisini eru fleiri før­ oyskir kokkar í Danmark, sum keypa fiskavørur frá Norðfra, sig­ur Jógvan Martin Hansen, sum eisini er nevndarformaður í Norð­ fra Danmark. Her í Leirvík verða nógvar frálíkar fiskavørur framleiddar - fyrst og fremst til føroyska marknaðin Norðfra í Leirvík framleiðir og selur umleið 600.000 frikadellur um árið, og sølan er veksandi