mikudagur 6. mai 2020síða 19

HÓSDAGUR 7. MAI 2020 SOSIALURIN 40 19 fara teir upp á bakbeinini. Tað er ikki løgið, sigur Símun Gul­ laksen. Møsn at vit ikki duga ferðavinnu Hann hevur tosað við fleiri av bóndunum og festarunum, har nógv ferðafólk koma, og nú ætla teir at skipa seg enn betur, so teir eru til reiðar at taka móti ferðafólki í 2021. – Jarðir hevur keypt heima­ síðuna hiking.fo, og hana ætla fleiri bøndur at nýta sum pall at bjóða túrar og aðrar tænastur til ferðafólk í tí staðbundna øki­ num. Í fyrsta umfari verður tað serliga á teimum 10-15 støðunum, har flest ferðafólk koma. Men við tíðini verður vaksið um tað, sigur hann. Hann heldur ikki, at bønd­ ur­nir nú fara at troka onkran ferða­smið, sum longu ger túr í økinum, av. – Onkur sigur, at tað mugu vera professionellir ferða­leiðar­ ar, sum hava við ferðafólk at gera. Tað er møsn at siga, at vit ikki duga at reka ferðavinnu. Tað duga vit sanniliga, og vit kunnu gera tað betur enn onn­ ur. Vit eru jú serfrøðingar, tá ið talan er um at røkta haga og lendi. Bøndur og festarar vita møguliga ikki, hvussu eitt hotell verður rikið, men vit duga sanni­ liga at skipa góðar túrar fyri fólki í høgum og náttúruni, har vit eru best kend. Tað er stór­ lætni at halda, at bøndur einki duga. Tað eru fleiri bøndur, ið hava góðar útbúgvingar, og við at menna ferðavinnupartin, er tað sjálvandi nærlagt, at vit finna okkum røttu starvsfólkini og møguliga skipa fyri ferða­ vinnu­skeiðum, sum eru hósk­ andi til okkara øki, sigur Símun Gullaksen. Føroyskar vørur Hann vísir á, at landbúnaður og eginnýtsla er bara 2-3% av BTU. Men um ferðavinna og landbúnaður verða tengd sam­ an, so kann tað vera 5-10% av BTU. – Landbúnaður á staðnum kann eisini nýta nógv av tí, sum verður framleitt á garðinum til ferðavinnu. Tað kann vera før­oyskur matur, ymiskt, sum veksur í urtagarðinum, gas­ trono­mi og annað, sigur hann. Hann vísir á, at tørvur er at bøta um viðurskiftini á fleiri av støð­unum, har nógv ferðafólk koma út í náttúruna. – Har nógv ferðafólk koma, mugu vit hava góðar gøtur at ganga á, vesiviðurskifti, og møgu­liga parkeringspláss og matar­støð. Um tað er neyðugt, so mugu vit møguliga taka pengar frá fólki fyri at fáa til dømis gøtur gjørdar. Onnur skulu ikki blanda seg uppí, hvat vit vilja taka pengar fyri, sigur Símun Gullaksen. Landbúnaður er ikki ímóti ferðavinnuni Jarðir hevur sum sagt verið í sam­skifti við Vinnumálaráðið. – Vit fara beinleiðis til teirra, ið yvirskipað leggja leistin fyri ferða­vinnuni, Vinnumálaráðið, og ikki til ein stovn undir Vinnu­ mála­ráðnum. Eg tosi væl við Guðrið Højgaard og Jóhan Paula Helgason frá Visit Faroe Islands, og tey gera eitt gott arbeiði at fáa ferðafólk til Før­oya. Vit fara eisini í næstu viku, at seta okkum saman við Vinnu­mála­ ráð­num, sigur hann. – Tað eru fleiri bøndur, ið eru ørkymlaðir. Eg havi sagt, at vit skulu nokk finna eina loysn, men tað er umráðandi, at báð­ ir partar lurta eftir hvørjum øðrum, geva seg og virða hvønn ann­an, sigur hann. Hann vísir á, at neyðugt er at fáa gott samstarv. – Landbúnaður skal ikki setast upp ímóti ferðavinnuni. Land­ búnaður skal hinvegin eisini vera partur av ferðavinnuni. Okkara áhugi er at fáa samstarv. Um Vinnumálaráðið heldur, at Visit Faroe Islands eisini skal við í prátið, so mugu teir kalla tey inn. Um vit ikki vera hoyrd, so kunnu vit eisini steingja allar hagar sambært galdandi lóg­ gávu, sigur Símun Gullaksen. FRANTS@SOSIALURIN.FO FRANTS JENSEN F yri einum góðum mán­aði síðani varð Símun Gullaksen sett­ur sum stjóri í Sp/f Jarðir. Hann tók yvir eftir Sigert Patursson. Símun Gullaksen er eisini bóndi á Uppistovugarðinum í Hattarvík og hevur haga­ partin Eystfelli. – Koronasmittan hevur hjálpt okkum, so at vit nú hava tíð at fáa skipað viður­ skifti fyri ferðavinnuna í før­ oysku náttúruni. Í 2021 skulu vit veruliga fara til verka, sigur Símun Gullaksen. Enn er Jarðir, sum Føroya Óðals­felag og Bóndafelag Før­oya hava sett á stovn, og sum hevur til endamáls at sam­skipa áhugamálinum hjá bóndum og festarum, ikki komið við felags útspæli at fáa skipað viðurskifti um ferðavinnu í føroysku høgun­ um. Tilsamans eru 477 haga­ partar í landinum. – Vit hava havt fleiri góð prát við landsstýrismannin, Helga Abrahamsen, og við um­sitingina hjá honum. Tey kenna okkara tankar, sigur Símun Gullaksen. Einføld frá­ boðanarskipan Hann vil ikki siga okkum alt, sum teir hava prátað um, men hann leggur tó dent á, at ferðavinnan má skipast, og byrjast má á teimum støðum, har flest ferðafólk koma. – Vit hava lóggávu á øki­ num í dag, og hon ber væl til at nýtast. Hon sigur millum annað, at eigarin skal spyrjast, áðrenn farið verður í hagan. Í dag er tað ov trupult, tí tað eru alt ov nógv telefonnummur at ringja til, og tí siga fólk ikki frá. Vit arbeiða tí við at fáa eina einfalda frá­boðan­ ar­skipan, har sigast kann frá á einum staði, tá ið farið verður. Tað kann vera eitt tele­fonnummar, ein app, ein qr-kota, eitt chipp í einum lykli, sum skrásettur, tá ið fólk koma inn í ein haga ella okkurt annað. Tað eru ymisk­ ir tekniskir møguleikar, sum vit nú kanna nærri, sigur Símun Gullaksen. Hann vísir á, at um tað er ein einføld skipan, so eru nógvir fyrimunir við henni. – Um tað er ein skipan, ið er skjót og einføld at nýta, so taka fólk hana til sín. So vænti eg eisini, at vit sleppa undan at hava portur. At portur er komið í Saksun, og at fólk standa vakt aðrastaðni, er tí at fólk ikki boða frá. So fara eigarar upp á bakbeinini, sig­ ur Símun Gullaksen. Trygd og hagtøl Sjálvur er hann optimistiskur og væntar, at fólk fara at halda seg til áheitanirnar. – Vit hava sæð tað síðstu tíð­ina, at løgmaður og myndug­leikarnir hava heitt á fólk um til dømis at fara í sóttar­hald, tá ið tey koma til landið, og tey allar flestu gera eftir áheitanini. Vit vænta eisini, at fólk vilja boða frá gongd í haga, um tað er ein ein­føld skipan, sigur hann. Men um fólk ikki siga frá og bara fara út í náttúruna, so hevur hann ikki nakað svar, hvussu lógin so skal hand­ hevjast. – Tað skal virðast. Um tað ikki verður virt, so fara tað eisini at vera keðiligar støður í framtíðini, sigur Símun Gul­ laksen. Hann vísir á, at nógvir fyri­ munir eru við eini einfaldari fráboðanarskipan. – Tá kunnu vit hava trygd­ina við. Vit fáa neyðug hagtøl av ferðandi, hvørji eru føroyingar og hvørji eru út­lendingar, umframt nógvar aðrar fyrimunir, sigur hann. FRANTS@SOSIALURIN.FO – Vit arbeiða við at gera eina einfalda skipan við fráboðan, tá ið fólk fara í hagan. Føroyingar skulu ganga frítt, men útlendingar og ferðabólkar skulu gjalda fyri at fara í hagan, sigur nýsetti stjórin í Jarðum, Símun Gullaksen Einføld frá­ boðana­r­skipan um gongd í haga Tað er ikki sørt stórlætni, tá ið vit fáa at vita frá Visit Faroe Islands og øðrum, at vit bara skulu makka rætt