hósdagur 14. mai 2020síða 14

FRÍGGJADAGUR 15. MAI 2020 SOSIALURIN 41 14 FRANTS JENSEN N ýggi stjórin á Lands­ verki er væl fyri fakliga og hevur drúgvar arbeiðs­ royndir at leiða Landsverk. Sigurd L. Lamhauge er út­ búgv­in el-verkfrøðingur og hevur eisini master í leiðslu. Hann hevur drúgvar og fjølbroyttar arbeiðsroyndir. Áðrenn hann byrjaði á Lands­ verki, arbeiddi hann hjá NCC við at gera sáttmálar í sambandi við Eystur- og Sandoyartunlar. Í sínari tíð arbeiddi hann eisini í Norðoyatunlinum. Hann hevur harafturat arbeitt í Norra í fimm ár sum verk­ætlanarleiðari fyri tvey ymisk feløg. Frá 2009-2012 arbeiddi hann eisini á Landsverki, har hann millum annað hevði ábyrgd fyri viðl­íkahaldi av tunlum, vegum, brúgv­um og øðrum. – Eg kenni arbeiðið á Landsverki og havi royndir frá tí privata. Tað er fyrimunur at hava verið bæði á byggiharrasíðuni, fra­m­leiðslusíðuni og at hava arbeitt sum seljari og ráðgevi. Tað gevur eina betri fatan, tá ið eg havi verið á øllum veitaraliðum. Eg veit eitt sindur um avbjóðingarnar í hvørjum liði, sigur Sigurd L. Lamhauge. Samskifti má betrast Skipanarliga er Landsverk undir Fíggjarmálaráðnum, men stovnurin ger eisini fleiri byggi­ verkætlanir fyri onnur ráð. – Vit mugu vera betri til at sam­skifta við tey ráð og kundar, sum vit hava. Tað er til dømis Heilsumálaráðið, ið varðar av H-bygninginum. Í tí førinum má sjúkrahúsið og avvarðandi myndugleikar siga okkum, hvør tørvurin er og allar smálutir, tey síggja fyri sær skulu vera í bygninginum. Vit mugu eisini sum ein professionellur byggi­ harri duga at spyrja inn til smá­ lutirnar, so at vit fáa alt við í eina verkætlan, sigur hann. Skarpari í profilinum Hvat verður øðrvísi í framtíðini á Landsverki? – Eg vóni at kunna broyta hug­burðin til ymisk viðurskifti, millum annað at vit fáa allar smá­lutirnar og alla heildina við, tá vit leggja til rættis. Ein av okkara avbjóðingum er eisini, at vit vera skarpari í profilinum, hvat vit gera, og hvat vit ikki gera, sigur Sigurd L. Lamhauge. FRANTS@SOSIALURIN.FO Viðspælarar og meira ítøkilig – Eg vóni, at vit kunnu vera meira ítøkilig í okkara útmelding til politiska myndugleikan, og at vit gerast ein enn betri viðspælari hjá teimum, sigur Sigurd L. Lamhauge Sigurd L. Lamhauge, Starv: Stjóri á Landsverki Útbúgving: El-verkfrøðingur og Master of Science í management frá Robert Gordon University í Aberdeen. Arbeiðsroyndir: Arbeitt við sáttmálum hjá NCC í sambandi við Eystur- og Sandoyartunlar. Arbeitt í Norðoyatunlinum, verkætlanarleiðari hjá tveimum norskum fyritøkum og ymiskt annað. Sigurd L. Lamhauge er 57 ár og giftur við Anni Arge Lamhauge. Tey búgva í Havn og eiga fimm gentur. FAKTA Umframt tann part­in at standa fyri byggi­verk­ ætlanum hjá landinum, hevur Landsverk eisini eina aðra stóra uppgávu, sum er at viðlíkahalda vegir, brýr, tunl­ ar, kavarudding og annað. – Tað eru fleiri viðurskifti hjá Landsverki, ið virka væl. Taka vit kavaruddingina, so eru vegirnir í Føroyum mun­ andi betri ruddaðir enn eitt nú í Íslandi, sigur Sigurd L. Lam­hauge. Hann vísir eisini á, at Landsverk kundi hugsað sær at fingið fleiri pengar at arbeitt við at hildið vegir, brýr og bygningar hjá tí al­ menna viðlíka. – Tað er avmarkað, hvussu nógv vit fáa gjørt, við av­ mark­aðum pengum, sigur stjórin. DUGNALIG TIL KAVARUDDING bygg­ing í gongd. Um tað skuldi verið fyri tann upprunaliga prísin, høvdu vit ongantíð fingið ein so vakran bygning, sigur hann. Stjórin á Landsverki vísir á, at tær privatu verkætlanirnar heldur ikki altíð halda játtanina. – Nakrar halda játtanina, men als ikki allar. Vit hoyra bara ikki so nógv um tað. Um eig­arin hevur ein stóran posa av pengum, rindar hann bara tað, sum tað kostar eyka, og so verður ikki meira gjørt burturúr tí, sigur hann. H-bygningurin 147 milliónir krónur dýrari Viðvíkjandi H-bygninginum heldur stjórin á Landsverki, at tað er sera óheppið at farið verður í gongd, áðrenn yvirlit er yvir allar útreiðslurnar. Fíggjar­ nevndin er eisini komin við sera hvass­orðaðum atfinningum, hvussu arbeitt hevur verið higar­til. – Fíggjarnevndini er komin við atfinningum, so tað stendur eftir. Hetta vilja tey ikki síggja aftur. Tað taka vit til okkum. Niður­støðan er greið, og vit hava onga orsøk at verja okkum. Vit hava ikki gjørt arbeiðið nóg væl, sigur hann. Týsdagin í hesi vikuni játtaði eitt samt Løgting 146,9 milliónir krón­ur í eykajáttan fyri at fáa H-bygningin lidnan. Tilsamans eru nú játtaðar 799,5 milliónir krónur til H-bygningin. Alt skal vera við í verkætlanini – Tá vit fara í gongd við eina verk­ætlan, so skulu vit eisini fáa allar avleiddar verkætlanir við í høvuðsverkætlanina. Hetta átti av verið heilt natúrligt. Um tú byggir tær eini hús, tekur tú alt við. Tú kanst ikki hava eini hús uttan vesi og køk. Tann kostnaðurin má eisini við í prísin. Tað má ikki koma sum eitt yvirraskilsi, sigur Sigurd L. Lamhauge. Í H-bygninginum hevur hetta verið støðan, og fleiri manglar vóru í játtanini, umframt at peningur er nýttur til annað, enn hann varð játtaður til. – Politikarar hava alla grund til at undrast, tá ið vit eru komin og hava biðið um meira pening, tí at hetta ella hatta ikki er við. Teir hava eina kenslu av, at tá ið teir hava játtað eina ferð, so er alt við. Men soleiðis var ikki. Tað mugu vit taka upp á okkum. Vit skulu gera okkum ómak við, at tá ið nýggjar verkætlanir vera settar í gongd, at allar útreiðslur eru við í prísinum. Tað eru sjálvandi nøkur viðurskifti, sum vit ikki kunnu tryggja okkum frammanundan, millum annað prísvøkstur men alt tað grundleggjandi í byggjarínum, skal vera við. Eg havi eisini ta fatan, at politikarar hava broytt hugsanarhátt, og ikki vilja fara í gongd við verkætlanir, sum ikki eru fullfíggjaðar. Nú vilja teir hava alt við beinanvegin, sigur Sigurd L. Lamhauge. Pengar og bygging hanga saman – Vit fara at leggja okkum eftir at fara eftir fullfíggjaðum út­boð­ um í framtíðini. Vit fara at leggja okkum eftir, at vit fara ikki í gongd við verkætlanir, har ikki alt er tikið við bæði innihaldsliga eins og kostnaðarliga. Hetta eru vit sera tilvitaði um, sigur stjórin á Landsverki. Hann vísir á, at hetta longu hevur fingið tær avleiðingar, at ætlaða Autismuheimið á Argjum ikki er farið í gongd, tí at pengarnir, sum vóru játtaðir, ikki fara at røkka. Tað verður ístaðin boðið út av nýggjum. Hann vísir á, at pengarnir verða ofta ov tíðliga avsettir. – Pengar verða ofta avsettir í ár null, prosjekteringin fer kanska í gongd í ár eitt, og bygg­ingin er í ár trý. Tað sigur seg sjálvt, at frá tí at hugskotið kom, til tað er liðugt, er ov vítt spenn, og tað er næstan ómøgu­ ligt at meta um rætta prísin. Harafturat koma nýggj hugskot inn í verkætlanina á vegnum, sigur hann Ynskja ikki umbønir um eykajáttan – Okkara ynski er at fáa verk­ ætlan­irnar væl lýstar, áðrenn farið verður í Løgtingið at biðja um pengarnar, sigur hann. Hann ásannar, at tað er ein av­bjóðing. Fígg jarnevndin hevur meld­að út, at frá nú av skulu verkætlanirnar vera full­fíggj­ aðar. Tað vil siga, at Landsverk fær ein posa av pengum, og tað er tað, ið byggjast skal fyri. – Uppgávan verður at fáa pengar og ambitiónir at hanga saman. Hvat kemur fyrst, um vit skulu økja um pengarnar ella minka um ambitiónirnar, tað er nakað, sum vit hava politikarar at av­gera. Vit skulu leggja nøkur upp­skot á borðið, sum tey so mugu taka støðu til, sigur hann. Hann vísir á, at ein verkætlan búnast ofta við tíðini, og tí er tað ikki altíð vánalig tilrættisleggjan, um ein verkætlan verður 10 pro­ sent dýrari. – Hjá okkum ræður um at fáa hesa búningartilgongdina so tíðliga sum til ber í tilgongdini, sigur hann. Fíggjarstýring Politimálið, sum var av Lands­ verki í sambandi við byggingina av Glasi, kom millum annað inn á fíggjarstýringina, sum ikki var nøktandi. – Vit eru í gongd við at styrkja okk­um á fíggjarsíðuni. Tað hevur verið ov ógreitt, hvat er goldið og ikki. Tann streymin av rokn­ingum og pengum eru vit blivin nógv betri til at halda skil á, sigur hann. Tað vóru ymsar manna­ gongd­ir, ið ikki vóru yvirhildnar. Okkurt arbeiði varð sett í gongd, uttan at tað varð skrásett. Fíggjar­ligu avleiðingarnar komu tí ikki við í skipanina, og tá ið rokn­ing­in kom, var hon brádliga størri enn væntað, sigur Sigurd L. Lamhauge. – Mannagongdir eru broytt­ ar. Hvørjaferð onkur á Lands­ verki bindur stovnin til onkra uppgávu ella tænastu, verð­ur upphæddin skrásett í verk­ ætlan­ini, so vit altíð hava yvir­lit yvir, hvar verkætlanin stend­ur fíggjarliga. Eftirlit er eisini skipað fyri at tryggja, at vit hava fíggjarligt yvirlit. Vit halda eitt vakið eyga við, at hetta nú verður fylgt, og starvsfólkini vita, at hetta skal gerast, sigur Sigurd L. Lamhauge. FRANTS@SOSIALURIN.FO BYGGIVINNA