hósdagur 14. mai 2020síða 22

FRÍGGJADAGUR 15. MAI 2020 SOSIALURIN 41 22 VILMUND JACOBSEN N orðsetur, sum er byggi­fyritøka í Hval­ vík, hevur í løtuni úr at gera kring landið við at byggja sethús til føroyskar familjur. Tað er Helgi Olsen, sum eigur og rekur fyritøkuna, og hann sigur, at teir arbeiða í fleiri pørtum av landinum. - Vit eru í gongd í Leirvík, Toft­um, Kollafirði, Vágum, Skála­vík, Skopun, Strondum, Kvívík, Argjum og í Havn. Hann sigur, at nøkur av hesum húsum eru í gongd beint í løtu­ni, og onnur liggja eitt lítið sindur frammi. Men, hetta eru alt hús, sum skulu byggjast í nærmastu framtíð. - Í nøkrum av hesum bygdum hava vit eini hús, sum eru í gongd - ella skulu í gongd - og í øðrum bygdum eru fleiri. Jú, vit hava nógv at takast við, og vit hava í øllum førum nóg mikið til alt hetta árið - og helst til tað mesta av komandi ári eisini. Fleiri á Strondum Helgi Olsen vísir á, at eitt nú á Strond­um, har Sjóvar kommuna seinnu árini hevur gjørt fleiri útstykk­ingar, skulu teir byggja fleiri sethús, harav tað eina húsið er í gongd og fleiri koma ta næstu tíðina. - Vit hava væl at gera kring um landið, men vit byggja eisini í høvuðsstaðarøkinum - í Hoyvík og á Argjahamri, leggur hann aftrat. Stjórin í Norðsetur vísir á, at byggifyritøkan sjálv ger betong­ arbeiði og byggir húsini, og síðan hava teir undirveitarar til eitt nú hvs og el. - Tá nógv virksemi er í landinum, soleiðis sum tað nú hevur verið yvir eina longri tíð, kann tað eisini standa á hjá undir­veitarunum, men vit royna at skipa fyri sum best og passa upp­gávurnar sum best, sigur Helgi Olsen. Elementhús Norðsetur byggir elementini til set­húsini í byggihøllini í Hvalvík, og síðan verða tey sett upp á staðnum. Tá komið er har til, at grundin - ella fundamentið - er stoypt, og elementini til set­ húsini eru liðug, verða húsini van­liga sett upp og innilokað eftir einum degi. - Tað eru nøkur fá, sum ynskja at gera ein part av arbeiðnum sjálvi, og tað ber saktans til, um fólk hava hug, hegni, tíð og orku til tað, men sum oftast innrætta vit húsini eisini. Vit plaga at siga, at innrættingin tekur einar tveir til hálvan triðja mánað, men nú so nógv er í gongd, kann okkurt taka eitt sindur longri tíð, enn tað annars hevði gjørt. Helgi Olsen vísir á, at tá húsini eru komin upp og innrætting, køkur, baðirúm, hvs og el eru liðug, er mest vanligt, at fólk sjálvi taka sær av tapetesering og málararbeiði. - Men, um fólk ynskja, at vit eisini taka okkum av hesum, fáa vit málarar at gera hetta arbeiði, leggur hann aftrat. Nakrir mánaðir Vit settu eisini stjóranum í Norð­ setur henda spurning: Um eg nú havi eitt grund­ stykki, havi stoypt fundament og ynski mær eini Norðseturhús - hvussu long er so bíðitíðin? - Ja, her mugu fólk rokna við, at bíðitíðin í øllum førum er nakrar mánaðir - men, kortini ikki so óluksáliga leingi, sum Helgi Olsen tekur til. Hann vísir á, at umframt øll tey sethús, sum Norðsetur NORÐSETUR NORÐSETUR NÓGV NÓGV KRING LANDIÐ KRING LANDIÐ - Tað er ikki líkt til, at vit gerast arbeiðsleysir, hvørki í ár, ei heldur næsta ár, sigur Helgi Olsen, stjóri í Norðsetur, sum hevur fleiri sethús í gerð kring um landið BYGGIVINNA