mikudagur 20. mai 2020síða 9

FRÍGGJADAGUR 22. MAI 2020 SOSIALURIN 42 9 Hetta helt dómsnevndin millum annað um uppskotið: Uppskotið lýsir eina sera greiða og umhugsaða støðutakan til bygging á økinum við hollari fatan av dygdum, møguleikum og avmarkingum, sum eru til staðar. Uppskotið vísir sannførandi á ymiskar og nýggjar mátar at skipa bygging og sosialar felagsskapir undir slagorðunum: Livandi – Berandi – Keypandi. Bústaðaøkið er staðsett á øki­num eystanvert nýggja inn­komu­vegin, og ítróttarøki, stór­høll og vinnuøki á økinum vestan­vert vegin. Uppskotið tekur støði í, at byggingin liggur á skiftis­økinum millum bý og fríl­endi. Uppskotið sýnir stóra virðing fyri landslag, náttúru- og mentanareyðkennum, eins og fyri teimum visuellu dygdi­num, sum økið rúmar. Upp­skotið lagar seg sera varisliga eft­ir lendinum og teimum náttúru­givn­um eyðkennunum. MAP Arktitektar - Bygdin í býnum Í dómsnevndini at meta um tey fýra uppskotini vóru Marin Katrina Frýdal, forkvinna í byggi- og býarskipanarnevndini, Heð­in Mortensen, býráðslimur, Bogi Jacobsen, tekniskur stjóri, Birita Wardum, býar­arki­tekt­ur, Ellen Marie Braae, lands­lags­ arkitektur, fakdómari, Ole Jen­ sen, arkitektur, fakdómari Ráðgevar hjá dómsnevndini við ongum avgerðarrætti vóru, Michael Jacobæus, lands­lags­ arkitektur, Janus Hansen, ráð­gevi innan djóralív, og Bar­bara Mikkelsen, leiðari á býarskipanardeildini. Dómsnevdin vísir í álitinum á, at yvirhøvur eru øll uppskotini við til at lýsa, hvussu byggjast kann við virðing fyri sermerkta Før­oyska landslagnum, sum er í økinum. – Fleiri av uppskotunum hava víst lendisviðurskiftunum ser­ ligan ans og varsemi, soleiðis at atlit eru tikin at serliga av­ bjóð­andi lendisviðurskiftum og viðbreknum økjum so sum vøtn­um, útsýni og byggibæri, sig­ur dómsnevndin í álitinum. Tað var í 2019, at Tórshavnar kommuna skrivaði út hugskotskapping til heildarætlan av økinum við Stórutjørn, og fýra arkitektavirki vórðu undangóðkend at lata inn uppskot. Uppskotini vórðu latin inn 17. apríl í ár. Dømingin tók støði í tveimum høvuðsfortreytum, ið kortini ikki eru at skilja sum ein raðfesting: Dygdin í heildarætlanini í mun til býarskipan, lendisviðgerð, býarrúm, funktionalitet, burðardygd og ferðsluloysnir. Í hvønn mun uppskotið til heildarætlanina fylgir visjónunum og lýkur krøv og ynskir í kappingarskránni.