hósdagur 28. mai 2020síða 14

FRÍGGJADAGUR 29. MAI 2020 SOSIALURIN 43 14 VILMUND JACOBSEN Á Fiskamarknaði Før­ oya ásanna tey, at vánaligu fiska­prís­ ir­nir seinastu tíðina halda útróðrarmonnum aftur í at loysa bátarnar. Tey vísa á, at hóast bæði streymur og veðurútlit eru góð hesa vikuna, so ger stóra óvissan í fiska­ prísinum - serliga á hýsuni - at fleiri útróðrarmenn setast aftur og hava ikki hug at loysa. Fyri góðum mánaði síðan gjørdu tey á Fiskamarknaði Føroya eisini vart við, at trupul­ leikar eru við ov nógvum rak­ fiski ella slánum í veiðini. - Tað er komið sera væl við hjá línu-og útróðrarbátum annars, at fiskurin endiliga er komin aftur eftir vánaligan fiskiskap eftir toski í nógv ár. Nógvur slánur Á Fiskamarknaði Føroya vísa tey eisini á, at fiskiskapurin nú hevur verið góður í skjótt tey ár. Fisk­urin var nakað rak, men tó ikki so heilt galin. - Men, fiskurin er bara blivin verri og verri fyri, og sambært fiska­keyparum hevur verið heilt galið eftir gýtingina í vár. Dømir eru um, at fiskakeyparar hava tikið royndir av fiski hjá onkrum bát­um, har heili 60 prosent av veið­ini var slánur. Serliga er tað fiskur, sum er veiddur tætt undir land, sum er illa fyri. Á Fiskamarknaði Føroya vísa tey til keyparar sum umhugsa, hvat teir skulu gera fyri at koma hesum trupulleika til lívs. - Tað allarbesta hevði verið, siga keyparar, um bátarnir fóru longur út at fiska, tí har er fisk­ urin sum heild betri fyri. Eisini hýsukeyparar siga, at nógv av hýsuni er illa fyri. Tí vilja tey á Fiskamarknaði Føroya staðiliga heita á útróðr­ ar­menn um at halda seg frá økjum, har nógvur rakfiskur er. - So muga vit bara vóna, at fiskiskapurin framvegis verður góður, og at fiskurin fer at gerast feitari sum frá líður, verður lagt aftrat. Ikki so samdur Janus Sørensen á Viðareiði, sum eigur og rekur útróðrarbátin Brand, sigur seg ikki vera heilt sam­dan í útsøgnini um, at útróðrar­fiskurin sum heild er so rak, sum sagt verður. Sjálvur hevur hann róð út í nógv ár, og í fleiri ár hevur útróðrarbáturin Brandur eisini fingið heiðurin á Før­oya Sjómannadegi sum besti út­róðrarbátur í sínum bólki. Nú fiskaprísurin er so lágur og kanska bara er tveir triðingar av tí, hann var, hevur ikki í sama mun verið drivið á við útróðri, sum tað annars hevði verið, um alt var sum fyri korona. - Vit hava verið onkrar túrar av og á, og tað er framvegis fult av fiski at fáa. Nú er nógv tann størsti parturin av veiðini hýsa, sum tað eisini plagar at vera eftir gýting, meðan minni er av toski. Um summarið er veiðan mest hýsa, og onkur ár í juni og juli fæst eisini væl av hvítingi uppi í hýsuveiðini. Men, tað er ikki á hvørjum ári, at hvítingur er. Janus Sørensen sigur, at teir plaga ikki at fiska undir landi við Brandi, men royna gjarna á leiðum, sum liggja millum fýra og átta fjórðingar úr landi. - Tað er ein vika síðan, at vit vóru úti seinast. Tað hevur verið minni ferð á hjá okkum í seinastuni, men vit hava gjørt onkrar samanhangandi túrar, kanska einar tveir ella tríggjar túrar fylgjandi dagar. Veiðan hevur gjarna ligið um eini 8.000 til 10.000 pund á setuna, og tað er góður fiskiskapur, ásannar útróðrarmaðurin. Hampiliga góður Janus Sørensen heldur, at út­ róðr­ar­fiskurin sum heild er hampi­liga góður, tó at slánar eru uppi í veiðini viðhvørt. - Men, tað er ongantíð soleiðis, at øll rúgvan er vánalig, og tað er ikki vanligt, at vit tveita fisk út aftur, tí hann er rak. Tað er sum oftast hampiliga góður fiskur, vit fáa, men slánar síggjast eisi­ ni, og tað kann bæði vera millum tosk og hýsu. Útróðrarmaðurin á Viðareiði heldur, at ein hugsandi orsøk til, at fiskurin ikki er feitari, enn hann er, kann saktans vera, at so nógv­ur fiskur er til. - Tað hevur næstan hvør fjørð­ ur staðið fullur av toski og vit, sum hava rikið línuútróður úr landi, hava eisini fingið nógvan fisk, bæði tosk og hýsu. Tú fært tó ongantíð fiskifrøðingar at siga, at ov nógvur fiskur er á grunninum, sigur Janus Søren­ sen brosandi. Fáa einki gjørt Eigarin av útróðrarbátinum Brandi ásannar, at skal fiska­ prís­urin sum heild koma upp aftur á tað støði, hann var undan kreppuni, er fyritreytin, at marknaðarviðurskiftini uttan­ TAÐ ER IKKI TAÐ ER IKKI RÆTT RÆTT AT ALLUR AT ALLUR ÚTRÓÐRAR­ ÚTRÓÐRAR­ FISKUR ER RAK FISKUR ER RAK - Ein hugsandi orsøk til, at fiskurin ikki er feitari, enn hann er, kann saktans vera, at so nógvur fiskur er til. Tað hevur næstan hvør fjørður staðið fullur av toski og vit, sum hava rikið línuútróður úr landi, hava eisini fingið nógvan fisk, bæði tosk og hýsu. Tú fært tó ongantíð fiskifrøðingar at siga, at ov nógvur fiskur er á grunninum, sigur Janus Sørensen, sum eigur og rekur útróðrarbátin Brand Brandur hevur í fleiri ár ligið í oddinum millum útróðrarbátar í støddini millum 15 til 40 tons. Men, soleiðis sum fiskaprísurin hevur verið, síðan korona- kreppan tók seg upp, er ikki serliga hugaligt at loysa