hósdagur 28. mai 2020síða 38

6 Nýggi formaðurin í Búskaparráðnum sigur, at tað ræður um ikki at gera støðuna verri, nú vit eru rakt av heilsukreppu og búskaparligari afturgongd -T á ið vit nú fáa eina búskaparliga afturgongd í samband við korona, so er tað avgerandi, at landsins myndug­leikar stýra soleiðis, at tey ikki gera støðuna verri. Tað sigur nýggi formaðurin í Búskaparráðnum, 37 ára gamli búskaparfrøðingurin Heri á Rógvi. Hann er cand.ocoen frá lærda háskúlanum í Århus. Hann sipar til, at tað ikki er nú, at sparingar skulu setast í verk, men at heldur verið hildið fram við virkseminum í samfelagnum og at heldur enn at spara eigur landið at royna at halda ferðini uppi í samfelagnum. - At tað almenna noyðist at læna pengar fyri at halda alt gangandi í eina tíð hevur sjálvandi avleiðingar, tí lán skulu gjaldast aftur. Hinvegin dugi eg ikki at síggja nakra loysn, sum er frægari í løtuni, leggur formaðurin afturat. Heri á Rógvi var tilnevndur limur í Búskparráðnum eftir at fyrrverandi formaðurin, Djóni Højgaard skifti starv og tók við sum fulltrúi í fíggarmálaráðnum. - Fyribils skal eg røkja formansstarvið hetta árið út. So verður nýtt ráð valt, so fáa vit at síggja, sigur hann. Formaðurin er ógvuliga spentur uppá uppgávuna, sum hann hevur fingið. Saman við honum í ráðnum sita Ester Hansen og Sigurd Poulsen. - Tey hava sjálvandi sínar royndir, tí tey hava sitið har. Vit skulu í mínari tíð gera heystfrágreiðingina í ár og tað er hana vit eru farin í holt við, sigur Heri á Rógvi. Búskaparráðið hevur seinastu árini ofta tikið serliga tema upp, sum hava fingið eina nærri viðgerð. Millum annað haldføri, búskapurin hjá kommununum og annað. - Hesaferð hyggja vit eftir produktivitetinum í sam­ felagn­um. Tað er produktiviteturin – hvussu nógv vit fáa burt­ur úr hvørjum einstøkum tíma vit arbeiða, sum er við til at gera okkum til eitt land við góðum búskapi, sig­ur formaðurin. Hann ásannar samstundis, at ógvusligu broytingarnar í sambandi við korona, møguliga fara at gera, at tema um produktivitet verður útsett. Útlendsk ávirkan Korona hevur ávirkað allan heimsbúskapin og tí er onki, sum bendir á, at vit sleppa undan einari afturgongd í bú­ skap­inum. Útflutningurin er ikki so hart raktur enn, men ein stór­ ur partur av føroysku vælferðini byggir á tað, sum vit fáa fyri okkara útflutning. - Vit útflyta mat og heimurin spyr eftir mati. Spurn­ TEKSTUR ÁRNI GREGERSEN MYND ÁLVUR HARALDSIN