hósdagur 28. mai 2020síða 44

12 Nøvn í vinnuni MAGN SKAL HAVA NÝGGJAN STJÓRA H endrik Egholm hevur gjørt av at gevast sum forstjóri á Magn. Hann hevur verið forstjóri á Magn síðan oktober 2007. Saman við stjóranum, Johnni Poulsen, hevur Hendrik Eg­ holm havt ein avgerandi leiklut í at menna og varð­ veita Magn sum eina sterka og lønandi fyritøku. – Tíðin í Magn hevur verið sera góð, og eg fegnist um menningina í felagnum hesi árini, eg havi verið partur av Magn. Tað er torført at siga farvæl, men eftir skjótt 13 ár meti eg, at løtan er tann rætta at leita nýggjar leiðir. Eg takki dugnaligu starvsfólkunum á Magn fyri tíðina, og somuleiðis nevndini fyri sera gott samstarv, sigur Hendrik Egholm, í tíðindaskrivi frá Magn. Nevndin í Magn takkar Hendrik Egholm fyri hans­ara stóra leiklut í fyritøkuni. – Undir leiðsluni av Hendrik Egholm, er Magn vorðin ein sterk og týðandi fyritøka við einum sera dugna­ligum starvsfólkahópi. Magn er væl fyri at møta avbjóðingunum, sum liggja fyri framman – millum annað skiftið til grøna orku. Vegna nevndina takki eg Hendrik Egholm fyri dugnaliga leiðslu seinastu útivið 13 árini, sigur Jens Meinhard Rasmussen, nevnd­arformaður í Magn. Nevndin í Magn er farin undir tilgongdina at finna nýggjan forstjóra. Fyribils røkir Johnni Poulsen starvið sum forstjóri í Magn. NÚ STJÓRNAR DURITA SMS F yrr í vár varð vaktarskifti í SMS. Eftir góð fimm ár í sessinum er Regin W. Dals­garð givin sum býlings- og markn­ að­arstjóri, og Durita Nolsøe hevur sett í sessin hjá honum. – Stundin er komin at venda aft­ur til arbeiðslívið sum sjálvstøðugur ráðgevi. Í hes­um sam­ bandi fari eg framvegis at arbeiða fyri SMS-sam­takið – serliga við konseptmenning og markn­aðar­førslu, sigur Regin W. Dalsgaard, ið framm­an­undan hevur drúgvar royndir sum sjálvstøðugur vinnurekandi á KT-økinum. Starvið sum býlings- og marknaðarstjóri hevur verið býtt sundur í tvey høvuðsøki. Eitt økið hevur verið virksemið í SMS – t.e. felags tiltøk á torginum o.a. – og harumframt umsiting av Miðlon, sum P/F SMS eigur. Hin parturin av starvinum hevur verið at marknaðarføra Miklagarð, Mylnuna og Bónus um­ framt lutvíst at umsita onnur dótturfeløg í SMS-sam­ tak­inum. Broytt starv Starvið sum býlingsstjóri verður nú broytt eitt sindur, soleiðis at nýggi býlingsstjórin fyrst og fremst fer at umsita økta virksemið í sjálvari sølumiðstøðini. – Eg eri fegin um møguleikan at taka við hesum avbjóðandi starvi. Eg síggi nógvar menn­ing­ar­møgu­ leik­ar í sølumiðstøðini, sum er karmur um eitt vaks­ andi virksemi, ið hevur stóran týdning fyri bæði fólk í høvuðsstaðnum og fyri føroyingar sum heild, sigur Durita Nolsøe, nýggjur býlingsstjóri í SMS. Durita Nolsøe hevur fjølbroyttar royndir í vinnuni. Hon kemur úr einum starvi sum ognarseljari í Skyn, og undan hesum starvi var hon m.a. lýsingaráðgevi hjá Sansir og Kvinnu umframt sølufólk hjá MBM. Durita Nolsøe tók við starvinum 1. apríl, og fyrstu tíðina verður Regin W. Dalsgaard beinleiðis knýttur at starvinum sum ráðgevi hjá nýggja býlingsstjóranum.