mikudagur 22. desember 2004síða 12

12 Nr. 245 - 22. desember 2004 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Tøkk Eina hjartans tøkk til tykkum øll, sum á ymiskan hátt gjørdu okkum gullbrúdleyps- dagin so hugnaligan. Eini gleðilig jól og eitt av Harranum signað nýggjár ynskja vit familju, vinum og kenningum. Tær kærastu heilsur Hansa og Benni Tøkk Øllum tykkum, ið mintust og gleddu meg við vitjanum, gávum, telegrammum, blóm- um og heilsanum v.m. á 85 ára føðingardegi mínum, takki eg hjartaliga. Somuleiðis ynski eg øllum eini gleðilig jól og eitt av harranum signað nýggjár. Alfred Klein Tøkk Hjartaliga takka vit øllum sum sýndu okkum samkenslu, tá okkara kæri pápi, verpápi og abbi Meinhard Hammer Klaksvík andaðist og varð borin til hvíldar. Takk fyri blómur, kransar, peningagávur og heilsanir, og til øll tykkum, sum fylgdu honum til hansara seinasta hvíldarstað. Familjunnar vegna Sonja, Elken og Bryngerð Tað er stutt millum sam- komurnar á politistøðini í Runavík, tá ið politistar biðja farvæl, tí teir hava rokkið aldursmarkið. Mikudagin 8. desember vóru eini 70 samankomin til fráfaringarsamkomu, tá ið Eivind Hansen úr Leir- vík hevði seinasta arbeiðs- dag. Hann eigur avspáking og frítíð til góða, og tá ið hann 31. mars verður heilt leysur av politinum, hevur Eivind, sum er føddur 29. mars í 1942, verið í reiða- rínum í 39 ár. - Tað var mest sum av tilvild, at eg gjørdist politistur. Hetta var í hvussu so er ikki tað, sum eg hevði ætlað. Planurin var at fara á sjómansskúla í Havnini í august í 1965. Eg var í Grønlandi við Eiriki Jall. Vit vóru ikki aftur í Føroyum fyrrenn í oktober, og tá var so mikið farið av skúlaárinum, at tað kendist ov møtimikið at vinna tað aftur, sum hinir ivaleyst høvdu fingið burturúr. So eg fór at rógva út við Søkjanum. Tá var tað, at eg sá lýsingina frá politinum í bløðunum. Eg søkti, og 1. apríl í 1966 fór eg undir út- búgvingina í Keypmanna- havn. Eg fór einsamallur úr Føroyum, men vit vóru tveir føroyingar í flokkin- um, tí Karsten Hansen var komin inn niðri, greiðir Eivind Hansen frá. At flóta og at vera í Grønlandi var ikki nýtt hjá Eivindi. Í fýra summur hevði hann út frá Føroy- ingahavnini róð út saman við pápa sínum, Peturi Martin Hansen. Teir vóru við Nordafar III bátinum. Harumframt hevði hann í fleiri ár siglt við trolarum og línubátum, og so hevði hann vetrarnar í 1959 og 1961 verið á háskúla í Danmark, áðrenn hann fór í statsins tænastu. Tá ið útbúgvingin var liðug, varð Eivind Hansen settur politistur í Klaksvík. Har var hann frá 15. desember í 1967 og fram til 1. mars í 1975, tá ið hann varð settur politistur í Fuglafirði. 1. juni í 1976 varð Eysturoy umskipað til eitt politiøki við støð í Runavík, og har hevur Ei- vind starvast síðani. Tað gleddi Eivind ikki minst, at nógvir av gomlu starvsfeløgunum vóru á fráfaringarsamkomuni á politistøðini í Runavík. Bæði teir, sum framvegis eru í starvi, og so fleiri úr tí ikki so heilt lítla liðnum, sum teir eru, ið eru pen- sioneraðir politistar. Sum vituligt er varð eisini tosað um farnar dagar, og tað er skjótt at staðfesta, at nógv er broytt tey næstan fjøruti árini, sum Eivind hevur verið í politinum. - Eg var einsamallur poli- tistur í Fuglafirði. Land- betjentur, sum tað varð nevnt. Niclas Akraberg Poulsen og Arne W. Joen- sen, sáli, vóru í Runavík, og støðin var í húsunum hjá Óla Christian Danielsen, inntil vit í 1986 fluttu út higar, mintist Eivind afturá. Tá ið hann lítur aftur á tíðina í politinum, heldur hann, at nógv er broytt í arbeiðsgongdini: - Nú er tað so nógv meiri kontórarbeiði, enn tað var tey fyrru árini. Tað er ov nóv pappírsarbeiði. Mær hevði dámt betri, um politistarnir høvdu havt betri stundir at verið úti, og um vit kundu nýtt diktafon- ina meiri, og at meiri hjálp var til skrivstovuarbeiðið. Henda mikudagin vóru millum teirra, sum bóru kvøðu fram, Uni Vestureið, Niclas Akraberg Poulsen, Kristian Martin Joensen, Mikael Dalbø, Schandorff Vang og Jógvan E. Ósá, sum hevði eina viku roynd- ir í at vera fyrrverandi politistur. Eivind hevur umframt at flóta eisini góðan hug til seyðahald. Frá Politistafe- lagnum fekk hann fjalsstav og frá starvsfeløgunum í Runavík málning eftir Paula Vang. Nú hann er farin úr starv- inum, ætlar Eivind at brúka nógva tíð til teir tjúgu seyðirnar og so at fara á flot. Eivind eigur tríggjar dreingir. Petur Albin býr í Grønlandi. Elmar, sum býr í Havnini, og Oskar, sum býr í Havnini, vóru í Runa- vík henda dagin. Abba- dótturin, Rakul, sum býr á Kambsdali, var saman við foreldrunum, og tað tóktist sum um, at tann lítla er eygnasteinurin hjá abban- um. Eivind Hansen segði farvæl Teir vóru tríggir, tá ið Eivind (nr. 2 f.v.), fór í starv í Runavík. Nú Eivind fer frá, eru hesi í starvi í Runavík Frá starvsfeløgunum í Runavík fekk Eivind málning við motivi úr Leirvík Eivind fekk fjalsstav frá politistafelagnum