mikudagur 22. desember 2004síða 15

Nr. 245 • mikudagur • 22. desember 2004 • 78. árgangur • www.sosialurin.fo Føroyski landsliðs- venjarin, Henrik Gerster, metir dyst- irnar móti norska landsliðnum í gjár- kvøldið og í kvøld, sum ein kærkomið høvi hjá føroyska liðnum at síggja, hvar vit standa í mun til aðrar tjóðir HONDBÓLTS- LANDSLIÐIÐ Terji Nielsen terji@sosialurin.fo Í hesum døgum er føroyska manslandsliðið í hondbólti á ferð í Noregi, har liðið skal spæla tveir dystir móti norska ligalandsliðnum, tað vil siga einum norskum landsliðið, ið er mannað við spælarum úr heimligu norsku kappingini. Stór avbjóðing Henrik Gerster, landsliðs- venjari, sigur í telefonini úr Drammen, har føroyska ferðalagið heldur til, at talan verður um tvær stórar avbjóðingar hjá føroyska landsliðnum. – Norskur manshondbóltur hevur av álvara tikið seg fram seinastu árini, og dystirnir hjá okkum móti norðmonn- um eru ein liður í fyrireik- ingunum hjá teimum til HM-endaspælið, sum verð- ur í Tunesia í komandi mánað, har Noreg skal lut- taka. Landsliðsvenjarin sigur, at ferðin til Noregs er eitt kærkomið høvi hjá før- oyska liðnum at meta um sínar dygdir í mun til aðrar tjóðir og somuleiðis at fáa vant saman nakrar ferðir, tí tað hevur verið sera trupult at sloppi framat høllunum her heima við tí fyri eyga at savna føroyska landsliðið til venjingar. Hallarumstøðurnar ein trupulleiki í Føroyum Tá ið vit tosaðu við Henrik Gerster fyrrapartin týsdag- in, hevði føroyski hópurin vant tríggjar ferðir og í trimum ymiskum hallum. – Tað er ein stórur trupul- leiki hjá okkum at fáa fatur á eini høll, har vit av og á kunnu savna landsliðshópin til venjingar í Føroyum, og har noyðast vit at staðfesta, at vit eru eftirbátar í mun til aðrar tjóðir. Nú hava vit vant her tríggjar ferðir og í trimum ymiskum hallum. Eg tosaði við ein normann, og hann greiddi mær frá, at tað búgva umleið 40.000 fólk her í Drammen, og tey hava 14 hallir í býnum. Onkur av hallunum hevur eisini fleiri vallir. Tann eina, sum vit vandu í, hevði ikki færri enn fýra hond- bóltsvallir, so tað er eyð- sæð, at teir eru væl framm- an fyri okkum á tí økinum, sigur Henrik Gerster. Okkara skulu hava 7-8 kilo afturat Sum áðurnevnt er norska liðið einans mannað við leikarum úr heimligu norsku kappingini, men Henrik Gerster heldur tó, at normenninir óansæð eru einar tveir flokkar oman fyri okkara, og tað er ser- liga á tí kropsliga økinum, at teir eru nógv sterkari enn okkara. – Vit eru ov veikir krops- liga, og eftir mínum tykki skulu so at siga allir av okkara leikarum hava eini 7 til 8 kilo av vøddum afturat núverandi vektini hjá sær, sigur Henrik Gerster. Hann leggur tó afturat, at feløgini í Føroyum eru blivin meiri bevíst á hesum økinum og tí hava fleiri teirra útvegað sær sonevnd venjingarrúm, har leikararnir hava møgu- leika fyri at venja kropsliga venjing, og hetta er eitt stig á røttu leiðini, heldur lands- liðsvenjarin. Vit skulu spæla skjótt – Tað er so ikki á tí krops- liga økinum, at vit skulu vinna á normonnum, sigur Henrik Gerster. – Um vit skulu hava nakran sum helst møguleika fyri at fáa eitt gott úrslit, so krevur tað, at vit fáa bóltin at koyra skjótt, og at vit fáa gongd á kontraspælið, sigur landsliðsvenjarin, sum eis- ini heldur, at tað er av stór- um týdningi, at teir báðir málverjarnir hjá føroying- unum, Levi Nybo og Jens Skipagøta, hava ein góðan dag. – Gamaní spæla teir allarflestu av føstu leikar- unum á norska landsliðnum uttan fyri Noreg í Týsk- landi, Danmark og Spania, men norska kappingin er nógv sterkari enn tann før- oyska. Men tað er um-ráð- andi hjá okkum at fáa eitt sindur av dystarvenjing í fyrireikingunum til Chal- lenge Cup, sum verður komandi ár, har vit eisini kunnu vænta at spæla móti liðum, sum eru sterkari enn vit, sigur landsliðsvenjarin. Ungir menn sleppa at royna seg Millum teir 16 leikararnar í føroyska hópinum eru eisini tríggir heilt ungir mans. Tað eru teir báðir Kyndlaleikararnir, Rókur Nielsen og Hjalti Jacobsen, og so Tróndur Kragesteen úr Neistanum. Henrik Gerster sigur, at hann hevur úttikið teir tríggjar, tí teir í framtíðini uttan iva verða ein týðandi partur av før- oyska hondbólts-lands- liðnum, og tí er tað gott hjá teimum at sleppa við ein slíkan túr »at lukta til atmosfæruna«, sum hann málber seg. Vænta nógv fólk Tá ið vit tosaðu við før- oyska landsliðsvenjaran, visti hann ikku, hvussu nógv fólk fór at koma til teir báðar dystirnar millum føroyska landsliðið og norska landsliðið, men hann væntaði, at nógv fólk fór at koma. – Teir hava lýst nógv við dystinum, og tað verður bæði sjónvarp og útvarp á staðnum. Atgongumerkir eru seld í forsølu, men hvussu nógv er selt, veit eg ikki. Harumframt ríður Noreg á einari hondbólts- bylgju júst nú, eftir at norska kvinnulandsliðið sunnudagin vann evropa- meistaraheitið, og tað økir óivað um áhugan fyri dyst- inum, heldur Henrik Gers- ter. Málverjar: Levi Nybo, H71 Jens Skipagøta, H71 Útileikarar: Heini Bendtsen, H71 Johnny Durhuus, H71 Høgni Klein, Kyndil Hjalti Jacobsen, Kyndil Ragnar Stakksund, Kyndil Rókur Nielsen, Kyndil Finnur Hansson, Kyndil Gert Hansen, KÍF Regin Petersen, KÍF Ingi Olsen, VÍF John Zachariassen, VÍF Tróndur Kragesteen, Neistin Sveinur Justinussen, StÍF Heini Hanusarson, Næstved/Herlufsholm Venjari: Henrik Gerster Liðleiðari: Jákup Durhuus Vit mangla musklar Nýggjur lið- felagi til Andrew Liðið hjá Andrew av Fløtum, Fremad Ama- ger, hevur funnið sær ein nýggjan stýrmann til verjuna. Talan er um 31 ára gamla Martin Nielsen, sum hevur spælt fleiri hundrað dystir í bestu donsku deildini við ávíkavist AGF, FC Keypmannahavn og FC Midtjylland, har hann spældi seinast. Royndirnar hjá Martin Nielsen fara óivað at koma Fremad Amager væl við, tá ið liðið í vár skal spæla fjórðingsfinalu í donsku steypakapp- ingini móti FC Keyp- mannahavn í Parkini. Í FC Keypmanna- havn spældi Martin Nielsen saman við Toda Jónsson, og í AGF, har hann byrjaði sína yrkistíð, spældi hann saman við Jan Allan Müller Ronaldinho heimsins besti Brasilska stjørnan hjá Barcelona vann heið- urin sum ársins leikari hjá FIFA. Thierry Henry varð næst- fremstur. Tað varð niðurstøð- an, tá landsliðsvenj- arar úr øllum heimin- um skuldu gera av, hvønn leikara teir hildu vera bestan í heiminum. Ronaldinho taldist eisini millum favoritt- arnar at gerast ársins leikari í Europa, men tí heiðrinum streyk ukrainski Andrey Sjevchenko avstað við. Sjevchenkok varð triðfremstur í atkvøðu- greiðsluni hesaferð. Føroyska kvinnulands- liðið nummar 70 í heiminum Fyri fyrstu ferð nakrantíð er føroyska kvinnulandsliðið í fót- bólti komið við á styr- kislistan hjá altjóða fótbóltssamgonguni FIFA. Føroyska landsliðið er nummar 70 av teim- um 121 liðunum, sum eru á listanum. Á list- anum eru Føroyar framman fyri eitt nú Norður-Írland, Est- land, Suður-Afrika, Slovenia og Ísrael. tn Føroyski hópurin: Føroyski landsliðsvenjarin, Henrik Gerster, heldur tað verða eitt kærkomið høvi hjá føroyska landsliðnum at fáa mett um sínar dygdir við at spæla tveir venjingardystir móti norska ligalandsliðnum Mynd: Álvur Haraldsen