hósdagur 11. juni 2020síða 11

FRÍGGJADAGUR 12. JUNI 2020 SOSIALURIN 46 11 Saman um handverk og um fótbóltin Tað rann saman millum Sámal Erik Hentze og Sorin Anghel, tá ið teir møttust á Eiði ÁRNI GREGERSEN Rumenski unglingin, sum kom til Før­oy­ ar 21-ára gamal í 2001, hevur funnið sær ein vin fyri lívið í venjaranum og vinnu­ lívsmanninum Sámal Erik Hentze – vanliga nevndur Baggi. - Hann hevur hjállpt mær við øllum og tað er hann, sum hevur gjørt, at eg eri í læru og verði liðugur um eitt ár, sigur Sorin Anghel. Sámal Erik Hentze kom til EB/Streym og rættuliga skjótt fór rum­enski fót­bólts­ leik­arin at arbeiða í Húsa­varðu­tænastuni, sum Baggi rekur. - Tað vísti seg skjótt, at han hevur eit lætt sinni og vit finna væl út av tí saman, sigur Sámal Erik Hentze. - Tað er rætt at hann dugdi onki, tá ið hann kom til okkum, men nú er hann ein skjótt útbúgvin húsasmiður. Baggi og hinir starvsfelagarnir hava ofta drillað Sorin Anghel, men altíð í einum góðum tóna. - Mær hevur dámt tað og eg trívist ógvu­ liga væl í fyritøkuni. Baggi kann senda meg at gera, hvat hann vil. Nú loysi eg bara upp­ gávuna, sigur Sorin Anghel. Sjálvur trívist hann væl, men kundi hugsa sær at arbeitt við fótbóltsvenjari – kanska við einum ungdómsliði. - Men vit hava tað gott og trívast, sigur ein glaður Sorin Anghel. Eiðis­konur bóru honum døgverða Tað stóð illa til, tá ið unnustan mátti tríggjar mánaðir til Rumenia ÁRNI GREGERSEN Sorin Anghel hevði ikki verið í Før­oy­ um í einar tríggjar-fýra mánaðir, tá ið unnustan boðaði honum frá, at hon fór til Rumenia í tríggjar mánaðir. - Eg segði, at hetta bar ikki til. Hvør skuldi gera mær mat, tí eg dugdi ikki sjálvur, sigur hann við einum smíli í dag. At hann ikki dugdi at gera mat, var onki óvanligt í hansara mentan. Mat­ gerð taka kvinnur sær av. Tað gav at bíta, tá ið hann og unn­ ustan vóru boðin til døgverða á Eiði. Konan sat og tosaði við tey í stov­ uni og maðurin gekk í køkinum í fyriklæði. -Eg spurdi, hvat maðurin gjørdi og tá ið Alina segði, at hann gjørdi mat, trúði eg tí ikki, sigur hann. Men fótbóltsleikarin skuldi sjálv­ andi hava mat, sjálvt um unnustan var í Rumenia. Men tað var eisini loyst. Hvørt kvøld, tá ið Sorin Anghel kom aftur frá venjing, stóð matur í ovn­inum. Eiðiskonur skiftust um at gera honum mat og seta hann í ovnin, so sjálvt um unnustan var burtur fekk hann nokk at eta. - Eg eri ógvuliga takksamur fyri tíðina á Eiði, tá ið eg var nýggjur í Før­ oyum. Tað fari eg ongantíð at gloyma. Sorin og Alina giftust fyri góðum 10 árum síðani í Rumenia. Tey eiga son­in Dennis. bert at spæla kom til Føroya yvir matin, tí eg var gorhungraður, sigur Sorin Anghel. Fótbóltur og arbeiði Hann vandi nakrar ferðir teir fyrstu dag­ar­ nar, men legðist sjúkur í 14 dagar. - Tá vildi eg bara sleppa aftur til Rumenia, men tað slapp eg ikki. Spakuliga byrjaði eg at koma fyri meg og spældi bólt, men ein dag­in kemur formaðurin til mín og sigur, at í Føroyum arbeiða øll, so eg mátti eisini til arbeiðis. - Tað kom óvart á meg, men tað endaði við, at eg fór á flakavirki at arbeiða í frysti­ rúminum millum annað, so eg fekk at kenna, at lívið ikki bert er sól og summar, men eisini kavi, regn og kuldi, sigur hann og smílist. Hann arbeiddi eisini á rækjuvirkinum á Oyri, men tá ið Sámal Erik Hentze gjørdist venjari hjá EB/Streymi, fór hann at arbeiða hjá honum í Húsavarðartænastuni. Ikki tí hann var handverkari ella vanur at arbeiða við slíkum. Tey fyrstu árini gjørdi hann nógv við at bjálva, men so við og við mentist hann og lærdi meira og meira av tí handaliga. - Eg dugdi onki, so alt sum eg dugi havi eg lært her, sigur hann og hyggur móti Sámal Erik Hentze. Sorin Anghel er í løtuni í læru sum húsa­ smið­ur og verður liðugur um eitt ár. - Eg má siga, at Baggi hevur verið sum ein pápi fyri meg. Hann hevur hjálpt mær við øllum og fingið meg í læru. Tá ið vit keyptu hús í Havn hjálpti hann mær við øll­um pappírarbeiðnum, tí hann er tann ein­asti, sum eg stóli 100 prosent uppá, sigur rumenin, sum altso hevur búð 19 ár í Føroyum. Fótbólturin hevur sjálvandi fylt nógv. Í 12 ár var hann í EB/Streymi, nøkur ár í AB og tvey ár í Víkingi. Hann hevur vunnið FM fýra ferðir og steypakappingina fýra ferðir. Í hesum kappingarárinum var hann venj­ari á Argjum, men tað samstarvið end­ aði, so nú hevur hann onki við fótbólt at gera. - Tað sakni eg sjálvandi, men hetta er so ein øðrvísi tíð, leggur hann afturat, tí í 19 ár hevur hann verið partur av føroyskum fót­bólti. Hann og familjan eru fallin til í Føroyum, men hvørt ár vitja tey aftur í Rumenia. - Men tað er hvørt sítt land og hvør sín mentan. Mær dámar ómetaliga væl í Før­oy­ um. Takk fyri alt, sum tit hava givið mær, legg­ur hann afturat.