hósdagur 11. juni 2020síða 12

FRÍGGJADAGUR 12. JUNI 2020 SOSIALURIN 46 12 - Verður summarið so nøkulunda við ferðafólki til og við august, kann roknast við, at Smyril Line fer at fáa eini 40 prosent av tí ferðafólkatali, sum tað annars hevði verið uttan korona. Vit hava fólk í serskipanini hjá ALS, og nú gleða vit okkum til, at so mong sum gjørligt - og vónandi tey flestu - kunnu sleppa aftur til arbeiðis sum skjótast, sigur Henny á Líknagøtu, marknaðarstjóri hjá Smyril Line VILMUND JACOBSEN M ikudagin boðaði lands­stýrið frá, hvørj­ar nýgg ju leið­regl­urnar verða, sum skulu galda fyri ferðandi til Før­oya frá mánadegnum, 15. juni at rokna. Henda dagin verður latið upp fyri ferðafólki úr Danmark, Grønlandi, Íslandi, Noregi og Týsklandi. Ferðing úr restini av heiminum verður avmarkað til føroyingar, sum koma heim og til fólk, sum hava arbeiðsørindi í Føroyum. Fyribils verður mælt føroy­ing­ um til ikki at ferðast í onnur lond enn tey fimm áðurnevndu. Ferðafólk, sum koma úr Dan­ mark, Grønlandi, Íslandi, Noregi og Týsklandi skulu vísa váttan um negativa covid-19 kanning, sum ikki er eldri enn fimm dagar. Men, kravt verður ikki, at fólk, búsett í Føroyum, skulu vísa váttan, tá tey koma heimaftur. Kravið um sóttarhald verður eisini avtikið fyri ferðandi úr Dan­ mark, Grønlandi, Íslandi, Noregi og Týsklandi, men koma fólk úr øðrum londum enn áðurnevndu, mælir landsstýrið staðiliga til, at fólk fara í sóttarhald í 14 dagar. Ein ávísur áhugi Henny á Líknagøtu, marknað­ ar­stjóri á Smyril Line, sigur, at nýggju reglurnar lata upp fyri flutningi av ferðafólki við Norr­ ønu millum Føroyar og Dan­ mark og millum Føroyar og Ís­ land - við teimum treytum, sum myndugleikarnir nú hava kunn­ gjørt. Hon fegnast ikki minst um, at Smyril Line hevur nógv fólk undir sínum hatti, sum nú kunnu sleppa aftur til arbeiðis, tí samanlagt, tá hotelvirksemið eisini er íroknað, hevur felagið havt nógv fólk í serskipanini hjá ALS, síðan Føroyar fóru niður í ferð. - Nú vóna vit, at so mong sum gjørligt - og vónandi tey flestu - kunnu sleppa til arbeiðis aftur hjá okkum sum skjótast. Tað er fantastiskt at vita sær, at ger­ andis­dagurin nú so smátt er við at koma í rættlag aftur, tó at tað enn ikki er júst, sum áður, og eg ivist onga løtu í, at nógvir føroyingar eisini kenna tað á sama hátt. Marknaðarstjórin vísir á, at enn er alt so nýtt, og tað var ikki fyrr enn miðskeiðis í hesi vikuni, at landsstýrið sendi út sína fráboðan um, hvussu nýggju reglurnar verða ta næstu tíðina. - Jú, eg haldi, at vit merkja ein ávísan áhuga fyri sjóvegis ferð­ um til Føroya, og henda áhuga merkja vit serliga í Danmark, har dan­ir vilja koma higar at ferðast í summ­ar. Vit merkja eisini, at fleiri dan­ir, sum hava bílagt sær ferð til Før­oya við Norrønu í summar, halda fast um sínar bíleggingar, og har­aftrat leggjast fleiri aftrat, nú Før­oyar verða latnar uppaftur fyri okk­ara grannalondum. Tað merkist eisini, sigur hon, at íslendingar í ávísan mun aftur vísa Føroyum áhuga, og tí er eisini vænt­andi, at nakrir íslendingar fara at koma heim til Føroya at vitja í summar. Henny á Líknagøtu vísir á, at áhug­in millum týskarar at vitja í Før­oyum og Íslandi ikki rættiliga er hin sami, sum hann hevur verið, men her verður roynt at halda fast um tær bíleggingar, sum eru - í tann mun, tað ber til. - Flestu týskarar, sum koma við Norrønu til Føroya, hava Ísland sum sítt høvuðsferðamál, men tað eru eisini nógvir týskarar, sum velja at steðga í Føroyum í tríggjar dagar - antin á veg yvir til Íslands ella á veg heim aftur úr Íslandi. Í juni hevur Norrøna siglt til Danmarkar hvønn hós­dag, men frá 27. juni, tá summar­ferða­ætl­ an­in kemur í gildi, fer skipið úr Før­oy­um til Danmarkar hvønn fríggja­morgun og hvørt sunnu­ kvøld. - Týsdagar siglir Norrøna úr Hirts­hals, og tá hon síðan kemur til Føroya aftur mikudag, fer hon víðari til Seyðisfjarðar í Íslandi, sigur marknaðarstjórin. Plástur á sárið Henny á Líknagøtu ásannar, at tað letur seg ikki gera at vinna alt tað inn aftur, sum er mist við sigl­ ingini higartil í ár, men hon sigur, at tað fer at gera góðan mun, sum hon tekur til, at siglingin nú veru­ liga verður tikin upp aftur - og ikki minst er tað gleðiligt at kunna bjóða so mongum sum gjørligt væl­komnum aftur til arbeiðis hjá felagn­um. - Tað, sum er farið, er farið, og tað vinnist ikki innaftur. Flutn­ing­ ur­in av ferðafólki hevur verið lítil og eingin í tríggjar mánaðir - heilt frá 12. mars, tá løgmaður boðaði frá, at nú fóru Føroyar niður í ferð og til 15. juni, tá nýggju reglurnar koma í gildi. Marknaðarstjórin metir, at um summarið verður so nøkulunda við ferðafólki til og við august, kann roknast við, at Smyril Line kanska fer at fáa tilsamans 40 pro­ sent av tí ferðafólkatali, sum tað annars hevði verið uttan korona. - Hóast latið nú verður varisliga uppaftur undir ávísum treytum, fáa vit framvegis ikki ferðafólk úr eitt nú Fraklandi, Hálandi og Belgiu. Síðan eru tað tey, sum hava bílagt í londunum, sum nú kunnu “Nú fara vit at ferð - Tað er fantastiskt at vita sær, at gerandisdagurin nú so smátt er við at koma í rættlag aftur, tó at alt enn ikki er, sum tað var, sigur Henny á Líknagøtu, marknaðarstjóri hjá Smyril Line