hósdagur 11. juni 2020síða 14

FRÍGGJADAGUR 12. JUNI 2020 SOSIALURIN 46 14 Landsverk byggir upp til framtíðar uppgávur 12 fólk eru longu spard burtur og landsstýrismaðurin hevur ingið eina frágreiðing um framtíðina hjá stovninum ÁRNI GREGERSEN -E g kann siga tað so­ leið­is, at vit hava eina leiðslu nú, sum hevur fult fokus á, hvat okkara kjarnuuppgáva er og tað arbeiða vit við hvønn dag. Sigurd Lamhauge er stjóri í Lands­verki. Fyrr í vikuni handaði hann landsstýrismanninum við samferðslumálum eina frágreið­ ing um framtíðina hjá stovninum. Samstundis boðaði hann frá, at átta fólk eru søgd úr starvi og fýra onnur eru farin. Starvsfólkini hava øll virkað í umsitingini. - Hendan sparingin ger, at vit fáa 10 milljónir meira til asfalt og annað, sigur stjórin. Hann er tó vart við, at ein part­ ur er eisini umleggingar og spar­ ingar, so tað ikki bert eru lønar­ krón­urnar sum telja. - Hetta er hent, men í veruleik­ an­um fer hetta ikki at virka fyrr enn í 2021, tí fólk hava upp­sagn­ artíð, men so skal tað eisini síggj­ ast úti á vegnum, sigur Sigurd Lam­hauge. Landsstýrismaðurin við sam­ ferðslu­málum, Jørgen Niclasen er í fyrstu atløgu vælnøgdur við tað hann hevur fingið frá Landsverk. - Vit eru fegin um at fáa hesa frá­greiðing. Nú fara vit at nærlesa frágreiðingina, og so fara vit at tosa við Landsverk um tey átøk mælt verður til. Eg haldi, at tað er skilagott av Landsverki at raðfesta viðlíkahaldið av lands­ veg­unum og bygningum hjá landinum hægri. Hetta er í tráð við mína grundhugsan, at almennir stovnar skulu rekast so effektivt sum til ber, sigur Jørgen Niclasen, lands­stýrismaður í fíggjarmálum. Høvuðsuppgávurnar Landsverk hevur í flestu førum verið byggiharri, tá ið almennar byggiverkætlanir eru framdar, men uppgávurnar hava ikki altíð verið loystar, sum politiski myndug­leikin ynskir tað. Men hóast tað, so skal tað í fram­tíðini eisini vera ein av høvuðsuppgávunum – nevniliga at hava stórar verkætlanir hjá land­inum um hendi. - Vit hava fingið av at vita í sam­ band við Glasir og H-bygningin á Landssjúkrahúsinum og tað hev­ ur heldur ikki verið nóg gott, sigur Sigurd Lamhauge, stjóri. - Tí mæla vit til, at allar al­ menn­ar byggiverkætlanir verða fyri­reikaðar væl, so tá ið byggjast skal, so kunnu vit halda okkum til ætl­anina. Skal okkurt broytast, so mugu tey sum byggja spara onkra aðrastaðni ella tosa við fíggj­armálaráðið um at fáa meira pen­ing, sigur stjórin. Í frágrediðingini sigur Lands­ verk, at høvuðsuppgávurnar eiga at vera: • At halda landsins samferðslukervi herundir eisini vetrarhald, • At virka sum byggiharri, • At hava stórar verkætlanir hjá landinum um hendi, • At røkja og viðlíkahalda landsins ognir, • At framleiða tilfar til vegagerð Landsverk sigur, at eitt grund­ prin­sipp má verða, at ábyrgd og heim­ildir fylgjast at. Eisini má tryggj­ast, at fyrireikingararbeiðið er liðugt, áðrenn nakað verður sett í gongd. Hetta hevur ikki verið gjørt til fulnar í teimum stóru verkætl­an­ um, ið Landsverk hevur havt um hendi. Her fremur man ábøt­ur í mannagongdum og sam­starvs­ modellum. Landsverk skal handla sum ein skikkaður byggiharri í allari tilgongdini. Eisini til spurningin um al­ menn­ar bygningar og viðlíkahald av teimum, hevur stovnurin eitt boð. Mælt verður til, at tey sum brúka almenna bygningar, skulu gjalda eitt leigurgjald, sum so skal brúk­ast til viðlíkahald. - Sum nevnt haldi eg tað vera avger­andi, at almennir bygningar verða hildnir viðlíka. Um hetta skal gerast sum skotið verður upp, veit eg ikki, men nú skal hendan frá­greiðingin gjøgnum politisku skip­anina, sigur Jørgen Niclasen, lands­stýrismaður. Innanhýsis átøk á Landsverki: 1. Landsverk fer at spara 10 milliónir í rakstrinum um árið. Hetta merkir, umframt bygnaðarbroytingar og tillagingar, 12 størv færri á skrivstovuni í Havn. 2. Umsitingin av infrakervi verður klænkað og spardir pengar verða settir av til sjónligt viðlíkahald sum t.d. at asfaltera meira, tøma veitir framvið vegnum, reinsa vegjaðaran og at skifta autoverju. 3. Ætlanin er at brúka næstu fýra árini at optimera framleiðsluna og at betra um lønsemið í framleiðsluni, so at støða kann takast til eina sølu um fýra ár, tá ongar sáttmálabindingar eru. 4. Landsverk hevur framt og er í ferð við at fremja átøk, sum betra um førleikan innanhýsis. M.a. við at stovnseta eina interna útbúgvingarskipan, sum gevur starvsfólkunum betri førleikar til tær uppgávur, ið tey verða sett til framyvir. 5. Landsverk hevur framt broytingar, sum tryggja eina fullfíggjaða fyrireiking, eina leypandi váðameting, og eina neyva fíggjarstýring av verkætlanum. 6. Eisini verður borið so í bandi, at ein ríkisgóðkendur grannskoðari verður biðin um at gera ein leist fyri eina innanhýsis grannskoðan í Landsverki. 7. Krøvini til ráðgeving verða gjørd enn meiri týðilig. Miðað verður eftir at hava skikkaði innanhýsis starvsfólk, sum skulu hava verkætlanarleiðsluna av stórum verkætlanum. 8. Landsverk vil fyri eina og hvørja verkætlan tryggja, áðrenn nakað verður byrjað, at hon kann setast ígongd fyri tann fíggjarkarm, sum er ásettur. Sigurd Lamhauge, stjóri á Landsverk Jørgen Niclasen, landsstýrismaður við samferðslumálum