hósdagur 11. juni 2020síða 15

FRÍGGJADAGUR 12. JUNI 2020 SOSIALURIN 46 15 Royna at forða fyri at ferðavinnan fer fyri bakka 3. hjálparpakkin í sambandi við koronasjúkuna er lagdur fram og fær 1.viðgerð í Løgtinginum í dag ÁRNI GREGERSEN F erðavinnast er harð­ast rakt av koronatil­tøk­un­ um. Útlendsk ferðafólk hava ikki havt møguleika at koma til Føroyar og tað hevur havt við sær, at umsitningurin í ferða­ vinnuni er farin niður í onki. Tí hevur landsstýrismaðurin við vinnumálum, Helgi Abra­ hamsen, lagt eitt uppskot fram, sum skal hjálpa ferðavinnuni í ár. Í viðmerkingunum til uppskotið verður sagt, at landsstýrið hevur gjørt av at veita stuð­ulin sambært hesum upp­ skot­inum, tí ásannað verð­ur, at støðan viðvíkjandi korona hevur rakt fyritøkur, sum serliga vinna sína úrtøku við at bjóða ferðafólki teirra veitingar (tænastur ella vørur), serstakliga hart. Somuleiðis eru landsins mynd­ ug­leikar samdir við eitt nú Ferða­ vinnu­felagnum, at tað hevur stóran týdning fyri Føroyar og føroyskt vinnulív, at fyritøkur í ferðavinnuni koma ígjøgnum hesa tíðina við korona og eru klárar at lofta ferðafólkastreyminum, ið væntast at taka seg uppaftur, tá ið tamarhald er fingið á smittuni og mørkini millum heimsins tjóðir aftur verða latin upp. Treytirnar Hesin hjálparpakkin er ætl­að­ ur fyritøkum, sum liva av ferða­ vinnuni. Í uppskotinum verða gist­ ing­arhús nevnd saman við mat­ stov­um, ferðaskrivstovum, túra­ fyriskiparum og tey, sum flyta ferðafólk – bæði til Føroya, men eisini í Føroyum. Tað stendur í lógini, at almenn feløg ikki fáa hendan stuðulin -teirra millum Atlantsflog. Tað verður eisini gjørt greitt í viðmerkingunum, at ongin hjálp verður latin teimum, sum leiga frítíðarhús út, annaðhvørt gjøgn­ um Airbnb ella á vanligan hátt. Grundgevingarnar fyri at so verður, er at frítíðarhús í Føroyum eisini sum oftast kunnu búkast sum vanlig sethús. Tað ber eisini til at leiga út til innlendis ferðavinnu ella til vanligar bústaðir. Visit Faroe Islands er farið undir eitt átak at fáa fólk at ferðast í egnum landi, og tað kann eggja til, at fólk í størri mun fara at leiga summarhús. Stuðulsskipan er ætlað privatu ferðavinnuni. Vinnufeløg, grunnar og annað hjá landi og kommunum, har landið ella kommuna eiga meiri­ lutan ella velja meirilutan av nevnd­arlimunum, undir hesum dótt­urfeløg hjá nevndu feløg­um og grunnum, eru tí eftir upp­skot­ inum heldur ikki fevnd av upp­ skotinum. Tað vil siga, at hetta vendir sær bert til fyritøkur í ferðavinnuni, sum ikki eru almenn ogn. Eittsum er í hesum hjálpar­ pakk­anum og ikki í Hjálparpakka 2, er at her verða avskrivingar tikn­ ar við, til dømis av bygningum. Avskrivingarnar við Fleiri av stóru og miðalstóru fyri­ tøkunum í ferðavinnuni hava gjørt munandi íløgur í bygn­ ingar og rakstrargøgn, so sum gistingarhús, bussar, bátar og annnað. Hóast avskrivingar av hesum íløgum ikki tyngja gjaldførið hjá einstøku fyritøkuni, so endur­ spegla avskrivingar virðistapið av, at livitíðin hjá aktivunum styttist. Tískil verða avskrivingar tikn­ar við sum partur av føstu útreiðslunum í hesum uppskot­ inum. Í hjáparpakkanum er eisini stuðul til kjarnustarvsfólk, tí mett verður, at hóast ferðafólk ikki í stóran mun koma til Føroyar í ár, so er neyðgt bæði at taka ímóti bókingum til næsta ár og at avbóka fyri í ár. Mett verður, at hesin hjálp­ar­ pakkin fer at kosta landskassanum millum 30 og 40 milljónir krónur. Eins og við Hjálparpakka 2, so er ætlanin at TAKS skal umsita lóg­ ina og tær kunngerðir, sum fylgja við. Stuðulsskeiðið er frá 12.mars til 30.juni í ár og fyri at koma und­ir stuðulsskipanina skal talan vera um eina munandi aftur­gongd í umsetninginum. Tað vil siga í minsta lagi 40 prosent í tíðar­ skeiðn­um, talan er um. Gistingarhúsini eru beinleiðis nevnd í hjálpapakkanum. Norrøna er helst millum teirra, sum kunnu fáa hjálp úr Hjálparpakka 3. Helgi Abrahamsen, landsstýrismaður við vinnumálum, hevur lagt uppskotið um Hjálparpakka 3 fram.