hósdagur 18. juni 2020síða 7

FRÍGGJADAGUR 19. JUNI 2020 SOSIALURIN 48 7 Skeinkistøðini verða neyvan stongd við lóg Løgtingið fer at taka endaliga støðu, men onki bendir á, at skeinkistøðini verða stongd við lóg ÁRNI GREGERSEN T il í gjár arbeiddi vinnu­ nevndin hjá Løgting­ inum við fleiri upp­skot­ um, sum eru frammi í sam­bandi við korona-smittuna. Eitt av uppskotunum er at geva landsstýrismanninum við vinnu­málum heimild at steingja skeinki­støð og matstovur við lógini í hond. Longu tá ið uppskotið fekk fyrstu viðgerð í tinginum skiltist, at tað vóru heilt fá tingfólk, sum hildu at hetta er ein skilagóður veg­ur at fara. Tey ivaðust í um tað er rætt at geva einum landsstýrisfólki eina so víða heimild og sum skuldi hava gildi til 31. mars næsta ár. Vinnunevndin hevur viðgjørt uppskotið, men í skrivandi stund er onki, sum bendir á, at tingið fær nakað viðmæli frá vinnunevndini um at samtykkja uppskotið. Grundgevingin Í viðmerkingunum til lógar­upp­ skotið verður sagt, at støðan í Før­ oy­um við korona er í løtuni góð, men tað er ógjørligt at vita, um henda støða heldur fram. Føroyar lata upp aftur fyri ferða­fólki 15. juni 2020, og við økta talinum av ferðafólkum økist eisini vandin fyri fleiri tilburðum av COVID-19. Um støðan broytist soleiðis, at landið aftur má seta tiltøk í verk at forða fyri smittuspjaðing, er um­ráðandi at hava røttu hei­mild­ ir­nar til tess. Ein av hesum er heimildin at avmarka vanligu upp- og aftur­ lat­ingartíðirnar fyri matstovur og skeinkingarstøð og at áseta mest loyvda tal av gestum á mat­ stov­um. Talan kann eisini gerast um heilt at steingja matstovur og skeink­ingarstøð, um støðan við COVID-19 ger tað neyðugt. Henda heimild landsstýrismansins er av­ markað á tann hátt, at hon bara loyv­ir landsstýrismanninum at steingja ella avmarka ta vanligu upp- og afturlatingartíðina ella áseta mest loyvda tal av gestum fyri­bils og í avmarkað tíðarskeið. Hetta er grundað á, at talan er um eina serliga støðu, og at tað er um­ráðandi, at avmarkingarnar, sum verða ásettar, eru propor­ tion­alar í mun til støðuna. Síðan hesar viðmerkingar vóru skrivaðar er greitt, at latið verður upp fyri ferðandi úr 27 londum afturat frá leygardegnum 27. juni. Keldur í vinnunevndini siga fyri Sosialinum, at fleestu lim­ir í vinnunevndini, at hetta er at lata ov víðar heimildir til lands­stýris­ mann­in. Krevja endurgjald Umboð fyri sjey skeinkistøð í Havn hava sent vinnunevndini eitt skriv, har tey siga, at tey hava ong­ar viðmerkingar til uppskotið, um tað er so, at skeinkistøðini fáa fult endurgjald fyri mistar inn­ tøkur. Í øðrum lagi halda tey, at heim­ ild­in hjá lands­stýris­mann­in­um eigur at enda 31.august í ár og ikki 31 mars næsta ár. At enda mótmæla tey staðiliga, at uppskotið verður samtykt. Sum nevnt, so bendir onki á, at tingið tekur undir við málinum. Hjálparpakkar Vinnunevndin skal eisini skriva álit í uppskotum, sum hava við hjálp­arpakkarnar at gera. Eitt av uppskotunum er at leingja lønarískoyti frá Als til tey góð 1600, sum framvegis eru part­ ur av tí skipanini. Tá ið blaðið fór til prentingar var álitið ikki lagt fram, men sum vit vita, so heldur vinnunevndin, at landskassin skal gjalda fyri, at hendan skipanin verður longd í tveir mánaðir. ALS kann so framvegis umsita skipanini við teimum broytingum, sum verða gjørdar í uppskotinum – millum annað at gjaldið verður lækkað til 17.500 krónur og at skip­anin ikki skal gjalda fyri upp­ sagnartíð hjá starvsfólkum, sum verða uppsøgd, meðan tey fáa løn­ ar­ískoyti frá ALS. Spurningurin er um tingið fer at avgreiða málini í dag ella bíð­ ar til í næstu viku. Skulu tey av­ greiðast í dag, so skal víkjast frá tíðar­freistunum. Bjørt Samuelsen, Thóðveldi, er forkvinna í vinnunevndini. Johan Dahl, Sambandsflokkurin, er næstformaður í vinnunevndini. Helgi Abrahamsen, landsstýrismaður, hevur lagt fleiri av uppskotunum fram. Skeinkistøðini hava opið til kl. tvey á nátt, hóast tilmælini siga, at tey skulu steingja klokkan 22. POLITIKKUR