hósdagur 18. juni 2020síða 11

FRÍGGJADAGUR 19. JUNI 2020 SOSIALURIN 48 11 Stórar uppgávur geva tryggleika Fyritøkur innan handverk og tænastur til byggivinnuna lata sum heild væl at virkseminum í løtuni. Tað er týdningarmikið at hava útlit til stórar uppgávur, halda fleiri. B yggifyritøkan Norcon, sum hevur heimstað í Vági, hevur fleiri stór arbeiði í gongd í løtuni, og korona hevur ikki ávirkað nøgd­ina á uppgávum, sigur Hjalm­ ar Magnussen, sum er annar av stjór­unum í Norcon. Norcon hevur 50-60 fólk í starvi, og fyritøkan bjóðar heild­ ar­veiting í byggiuppgávum. Tað vil siga, at tey taka sær av m.a. be­ tong-, timbur-, el- og HVS-arbeiði. Norcon byggir í løtuni skúla­ heimið til Ítróttarháskúlan í Suð­ uroy, ger betongarbeiði í Eyst­ ur­oyartunlinum, umframt hús og bygningar fyri privatfólk og vinnu­lívið.   Útlendingar og korona Umleið helvtin av starvsfólkunum hjá Norcon eru útlendingar, og her hevur korona elvt til ávíst høvuðbrýggj. Tá korona byrjaði, kundu fleiri av útlendsku starvsfólkunum hjá felagnum ikki koma hendanvegin, og nøkur av teimum, sum vóru í Føroyum, valdu at fara til heim­ landið. Útlendsku starvs­fólkini, sum vóru eftir, eru ikki sloppin av landinum at vitja familju fyrr enn nú. Umframt hesar avbjóðingar hava eisini verið onkrar seinkingar í flutninginum av byggitilfari und­ ir korona. - Okkurt arbeiði hevur verið smá­vegis seinkað av hesum, men øll hava víst stórt forstáilsi, sigur Hjalmar Magnussen.   Færri útboð Hjá Norcon gongur væl í løtuni, og Hjalmar Magnussen metir, at tey hava nóg mikið av arbeiði í rættiliga langa tíð. - Mann merkir, at tað eru færri útboð av uppgávum, men onkur útboð eru kortini. Og tað er eisini vanligt, at tað gongur upp og niður í byggivinnuni, sigur Hjalmar Magnussen. Hann metir, at summar av smærru fyritøkunum kanska hava tað eitt sindur tungt í løtuni.   Verkætlanir avlýstar Ein av smáu fyritøkunum, sum hevur merkt avleiðingarnar av, at verkætlanir eru avlýstar orsakað av korona, er Sp/f J. Joensen í Sørvági. Jaspur Joensen, stjóri í fyri­ tøk­uni, sigur, at tey høvdu ætlað at sloppið í gongd við tvær stórar byggi­verkætlanir í summar. Í aðr­ ari høvdu tey sent tilboð inn, og í hinari vóru tey biðin um at gera arbeiðið. Men korona gjørdi, at báðar byggiætlanirnar eru sleptar fyribils. Hetta gjørdist sera óheppið hjá Sp/f J. Joensen, tí tey høvdu lagt sær til rættis soleiðis, at tey ikki høvdu ov nógvar av øðr­um uppgávum, fyri at hava nóg mikið av fólki til tær stóru byggi­ætl­an­ ir­nar. Í felagnum plaga at vera 3-5 mans í arbeiði. - Eg valdi ikki at taka annað á meg, tí hetta vóru arbeiði, sum fóru at taka í minsta lagi alt árið. Nú steðgaði virksemið fullkomuliga, sigur Jaspur Joensen.   Mest fyrifallandi Seinastu hálva-aðru vikuna hava tað tí verið mest fyrifallandi upp­ gáv­ur – at skifta okkurt tak, gera kvist á húsum o.a. Uppgávurnar hava verið ov fáar, og stjórin við­ gongur, at sjálvur hevur hann ikki rindað sær løn, síðan korona byrj­ aði. Hann hevur heldur ikki kunna bjóðað handverkarunum fulla tíð hetta tíðarskeiðið. Men glottar eru tó fyri framm­ an. Fyritøkan hevur fingið eina hampiliga stóra uppgávu at umvæla ein virkisbygning. Ar­ beiðið byrjar 20. august og varar vænt­andi rættiliga langt fram móti ársenda í ár. Tað kann kanska koma upp á tal at brúka tann partin av hjálp­ arpakkanum hjá landinum, sum fevnir um stuðul til fastar útreiðsl­ ur. Jaspur Joensen sigur, at hann enn ikki hevur hugt ordiliga upp á hjálp­arpakkan. Enn hevur hann ikki søkt og hevur ikki tikið støðu til, um hann fer at søkja. - Og so er mann kanska eitt sind­ur treiskur og vil hava, at tað skal ganga, sigur hann.   Málarar nógv at gera Innan málingayrkið er ferð á. Bárð­ur Justinussen, sum eigur fyri­tøkuna Málarameistari Just­ inus­sen, hevur havt úr at gera, og korona hevur als onga ávirkan havt á hansara virksemi. - Vit mangla ikki arbeiði. Tvørt­ ur­ímóti. Og tá eg práti við hinar meist­ararnar, er støðan tann sama. Teir hava eisini nógv at gera, sig­ur Bárður Justinussen. Hann vísir á, at nógvar stór­ar verkætlanir vóru í gongd, áðr­enn korona byrjaði, og hesar verk­ætl­ an­irnar eru hildnar fram og skulu ger­ast lidnar. Tí er rætti­liga nógv at gera sum heild í málara­vinn­uni beint nú. Fyritøkan hjá honum er fýra ára gomul, og tey hava havt mill­ um 1 og 4 fólk í starvi hesa tíð­ ina. Flestu uppgávurnar eru hjá privat­fólki, t.d. at mála hús uttan og innan ella bara ein part av hús­ un­um. - Tíðirnar hava verið góðar hig­ artil, og nógv fólk – serliga til­kom­ in fólk – mangla ikki pengar. Nógv av teimum, sum bíleggja mál­arar, hava goldið húsalánini langt nið­ur og vilja fegin brúka peng­ar upp á ein málara at fáa húsini ordi­liga gjørd í stand, sigur Bárður Just­ inus­sen. Tað kann hugsast, at korona fer at ávirka upp á longri sikt í byggivinnuni, heldur Bárð­ur Justinussen. At stórar verk­ætl­ an­ir, sum skuldu farið í gongd, kanska verða útsettar. So tað kann verða, at hetta kemur at merkjast um eitt hálvt ár ella eitt ár, sigur hann.   Stórar verkætlanir Hjá Sp/f Victor á Lakjuni í Klaks­ vík starvast 15 fólk. Tey gera rør- og blikkarbeiði innan hita, vatn, sanitet og ventilatión og hava ein verkstað til vanligt smiðjuarbeiði. Eisini hava tey ein handil við m.a. baðirúmsmøblum. Fyritøkan hevur havt nóg mikið at gera, hóast korona setti sam­felagið niður í ferð. Tey hava verið partur av fleiri stórum verk­ætlanum, m.a. skúlabygging í Fuglafirði, og har hevur arbeiðið gingið sína vanligu gongd. So ar­ beiðið er ikki minkað í sambandi við korona, sigur Heðin á Lakjuni, stjóri í Sp/f Victor á Lakjuni. Flestu uppgávurnar hjá fel­ agn­um eru hjá kommunum og land­inum, men tey hava eisini upp­gávur fyri privatar fyritøkur, reið­arí og privatfók. Heðin á Lakjuni væntar, at tey fara at hava nóg mikið at gera árið út og í øllum førum nakað inn í næsta ár. Fyritøkan skal m.a. vera partur av arbeiðinum at gera ment­anarhúsið í Klaksvík, sum byrjar tíðliga næsta ár. Í Sp/f Victor á Lakjuni hevur arbeiði verið til allar hendur, og vit hava ikki havt brúk fyri hjálp­ ar­pakkunum hjá landinum, sigur Heð­in á Lakjuni.   RVtøkni letur væl at Hjá RVtøkni í Klaksvík eru tey eisini nøgd við gongdina. Tey hava nógv at gera og hava eisini fleiri uppgávur fyri framman. Tað sær gott út í øllum førum eitt ár fram, sigur stjórin, Rói Vang. RVtøkni ger stýrisskipanir til vinnuna, serliga alivinnuna. Til dømis stýrisskipanir til hita, fóð­ urstýringar til smolt, alarm­skip­ anir og stýrisskipanir til reinsing av vatnverkum. Eisini gera tey el- installatiónir til vinnuna. 20 fólk starvast hjá RVtøkni. Virksemið hjá RVtøkni er í sera stóran mun knýtt at føroysku ali­ fyritøkunum, tí hesar eru nógv tann størsti parturin av kund­ unum hjá felagnum. Eisini gera tey skipanir fyri bryggjarí og skip. Tey hava nakrar fáar kommunalar ella almennar uppgávur, men sera lítið. Tað er ein fyrimunur at hava stórar uppgávur, tí hetta gevur ein ávísan tryggleika frameftir, sigur Rói Vang. Hann ásannar, at verður hótta­ fall í alivinnuni, so fær tað av­leið­ ingar fyri RVtøkni. - Fellur laksaprísurin ella út­ flutn­ingurin av laksi minkar, so verða vit sjálvandi ávirkað av hesum, sigur Rói Vang. Kelda: www.industry.fo Jens Kjeld kann fáa umhvørvisvirðisløn Norðurlandaráðið fer at lata eina umhvørvisvirðisløn seinni í ár, og her hava fólk skotið upp, at Jens Kjeld-Jensen úr Nólsoy skal fáa virðislønina PÆTUR HJALMAR EVENSSON Fuglakennarin í Nólsoy, Jens Kjeld-Jensen, er í uppskoti til at fáa um­hvørvis­virðisløn Norður­ landa­ráðsins 2020.  Norðurlandaráðið hevur fingið 112 uppskot til 72 ymisk átøk, sum kunnu blíva tilnevnd virðislønina, og her er Jens Kjeld- Jensen ein teirra.  Temaið fyri ársins umhvørvis­ virðisløn 2020 hjá Norður­landa­ ráðnum er biodiversitetur, og ser­ligt fokus er á lívfrøði sum kelda til vælferð og fyritreyt fyri okkara til­veru. 4. september verður greitt, hvør av teimum, sum eru í upp­ skoti, endaliga verða til­nevnd til virðis­lønina.