hósdagur 18. juni 2020síða 14

FRÍGGJADAGUR 19. JUNI 2020 SOSIALURIN 48 14 Vit skulu hava stórhøll í Havn – Vit fara at byggja eina stórhøll í Havn. 25 milliónir krónur verða settar av næsta ár í langtíðarfíggjarætlanini til ætlanina. At strandingar eisini arbeiða við eini líknandi ætlan broytir ikki ætlanirnar hjá okkum, sigur Annika Olsen, borgarstjóri í Havn FRANTS JENSEN FRANTS@SOSIALURIN.FO B orgarstjórin í Havn vil ikki vera aftanfyri strand­ingar. – Ein stórhøll skal staðsetast í Havn. Høvuðsstaðurin hevur alneyðugan tørv á eini tílíkari høll, bæði tá ið hugsað verður um ítrótt av ymiskum slag, altjóða dystir, ráðstevnur, konsertir og onnur tiltøk. Hesa­ ferð vóru vit fyrst. Hetta er longu partur av ætlanunum í sambandi við Stórutjørn, sigur Annika Olsen. Hon vísir á, at ætlanin er, at høllin kann hýsa al­tjóða hond­ bólts­dystum og flogbólts­dyst­um, men at hon eisini kann nýtast í ferða­vinnuhøpi at fáa stórar ráð­ stevnur til Føroya. Takast í nýtslu um trý ár Hóast borgarstjórin sigur, at pengar longu næsta ár verða settir av til høllina, so er ikki enn greitt, hvussu nógv høllin fer at kosta. – Høllin skal projekterast, og kostnaðarmetingar gerast, áðr­ enn farið verður í gongd. Men eg vænti, at um eini trý ár, kann høll­in takast í nýtslu, sigur Annika Olsen. Borgarstjórin í høvuðsstaðnum kundi hugsað sær, at landið eisini fíggjaði ein part av høll­ini, men hon er ivandi, um lands­polit­ik­ar­ arnir vilja. – Eg vóni, at landið eisini vil vera við í fíggingini, tí at talan er um at kunna hýsa landsdystum, men eg má siga sum er, at eg havi lítlar vón­ir um, at landspolitikararnir vilja. Tíverri havi eg ringar royndir av tí, sigur hon. Vit hava eisini verið í sambandi við privatar íleggj­arar, og teir vísa áhuga, sigur hon. Ætlanin á Strondum broytir einki At strandingar nú eisini ætla at gera eina stórhøll, har hond­bólts­ landsdystir kunnu leikast, fær ikki Anniku Olsen at broyta ætlan. – Eg havi ikki so nógvar við­ merk­ingar til, at teir eisini arbeiða við líknandi ætlanum. Vit fara undir øllum umstøðum at gera okkara høll, sigur Annika Olsen. Havnin skal fáa kapping – Alt skal ikki vera í Havn, og tað er gott, at Havnin fær eitt sindur av kapping, sigur Hans Jákup Mikkelsen, sum arbeiðir við ætlanini at byggja stórhøll á Strondum FRANTS JENSEN FRANTS@SOSIALURIN.FO E in av teimum fýra, sum eru í arbeiðsbólkinum, sum ætlar at byggja eina stórhøll á Strondum, er Hans Jákup Mikkelsen, stjóri í Mowi í Føroyum. – Eg havi áhuga fyri ítrótti, og eg haldi, at vit sjálvandi eiga at spæla okkara landsdystir í hondbólti í Føroyum og ikki uttanlands, sigur Hans Jákup Mikkelsen. Skrivstovan hjá fyritøkuni, har hann er stjóri, er á Strondum. – Strendur er ein góð staðseting at byggja eina tílíka høll, rímiliga miðskeiðis í Føroyum. Alt skal heldur ikki vera í Havn, sigur hann í stuttari viðmerking. Hans Jákup Mikkelsen er ein av teimum, ið standa aftanfyri ætlanirnar um at byggja stórhøll á Strondum Eg vænti, at um eini trý ár, kann høllin takast í nýtslu Mynd: Annika Olsen, borgarstjóri í Havn