týsdagur 23. juni 2020síða 11

SUNDALAGSSTEVNA 2020 MIKUDAGUR 24. JUNI 2020 · NR. 47 Sosialurin 11 Vilmund Jacobsen Hósvík er fyrsta bygdin í Sunda kommunu, tá koyrt verður úr høvuðsstaðnum og norður eftir, og Hósvík er eisini størsta ein­staka bygdin í kommununi, tá Hvalvík og Streymnes verða rokn­aðar sum tvær bygdir. Bygdin telist helst millum elstu bygdir í Føroyum. Fitt av jørð hoyrir til bygdina - 19 mer­kur - og í Hósvík eru nakrir bónda­garðar. Lendið kring bygdina er so­ leiðis háttað, at væl hevur ligið fyri at velt, og víðfevndu teig­ arnir undir landsvegnum hava givið umstøður til jarðarbrúk. Í 1897 varð fyrsti skúlin bygd­ur, og nýggjur skúli varð bygdur í 1968. Í 2008 varð stór út­bygging gjørd av skúlanum. Felagslívið trívist væl í Hósvík. Bygdin eigur bygd­ar­ hús, og Hósvíkar Róðrarfelag er eitt virkið felag. Í Hósvík er eisini lutfalsliga nýtt bátafelag, sum hevur góðar umstøður við felags­húsi og egnari atløgu. Í Hósvík verður stórur dent­ ur lagdur á, at bygdin og um­ hvørvið kring bygdina er reint og ruddiligt. Av vinnulívi er eitt nú Reiðara­virkið P/F Thor, sum bæði arbeiðir í oljuvinnuni og fiski­vinnuni, og her er mat­ vøru­virkið P/F Krás. Í Hósvík er hvs-veitarin, Reno­Vent, sum eftirhondini hev­ur fleiri ár á baki, og her er einasta bitumengoymsla í Føroyum. Alt bitumenið, sum verður brúkt í Føroyum til asfalt, verður flutt hiða­ni í tangabilum, og tað er Lands­ verk, sum eigur goymsluna. Í Hósvík, sum í ár hýsir sunda­lagsstevnu, eru eisini smærri fyritøkur innan flutn­ ings­vinnu, handverk og tænast­ur. NÝGGJAR TÍÐIR SKAPTU NÝTT VIRKSEMI Í HÓSVÍK Í Hósvík, sum um vikuskiftið verður karmur um sundalagsstevnu, verður stórur dentur lagdur á, at bygdin og umhvørvið kring bygdina er reint og ruddiligt